2023-04-17 17:19:01
#Diqqat
Лайлатул қодр кечасида айтиладигон дуо
Аллоҳ таолодан афв сўрашни кўпайтиринг!
Ҳар куни шом намозининг азонидан бошлаб, Рамазон ойининг сўнгги кунида қуёш чиққунигача ушбу зикрни кўпайтиринг:
"Аллоҳумма, иннака ъафуввун, туҳиббул-ъафва фаъфу ъанний".
Маъноси: "Аллоҳим, дарҳақиқат Сен афв қилувчисан (кечирувчисан), афв этишни яхши кўрасан. Шунинг учун мени афв эт"
Бир сонияни ҳам беҳуда ўтказманг, бу дуони қайта-қайта такрорлашдан чарчаманг. Чунки Аллоҳ сизни афв этса, нажот топасиз, машаққатлардан қутуласиз, бахтиёрлардан бўласиз.
Ибнул Қаййим роҳимаҳуллоҳ айтади:
"Агар дуо қилаётган бўлсангиз-у, вақтингиз зиқроқ, қалбингизда эса сўрайдиган ҳожатларингиз бисёр бўлса, бор дуоингизни Аллоҳдан афв сўрашга қаратинг. Зотан, У сизни афв этса, (гуноҳларингизни кечирса), сўрамасангиз ҳам барча ҳожатларингизни юзага чиқариб қўяди".
Аллоҳ таолонинг афви сизга сўраган нарсангизни ҳам, ундан ортиғини ҳам беришига сабаб бўлади. Шундай экан, Аллоҳдан афв сўрашни кўпайтиринг. Зеро, Расулуллоҳ соллаллоҳу алайҳи васаллам Оиша онамизга ўргатган бу дуо бошқа ҳар қандай дуодан афзал саналади.
Бу маълумотни гуноҳлари кечирилишини ҳоҳлаган яқин инсоларингизга юборин
@Zarur_maslahatlar
10.8K views14:19
Z
