БОЛА ПАРВАРИШИДАГИ АЁЛЛАРГА ҚЎШИМЧА ИМТИЁЗ БЕРИЛГАН. 09.02. | АСДП Зарбдор туман Кенгаши

БОЛА ПАРВАРИШИДАГИ АЁЛЛАРГА ҚЎШИМЧА ИМТИЁЗ БЕРИЛГАН.

09.02.2022 йил куни ЎРҚ–752-сон “Фуқароларнинг ва тадбиркорлик субъектларининг ҳуқуқлари кафолатлари янада кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун қабул қилинган.

Ушбу Қонунга асосан, Меҳнат кодекси 234-моддасининг бешинчи қисмига ўзгариш киритилган бўлиб, киритилган ўзгаришга кўра аёлнинг бола парвариши таътилида бўлган вақти хаммаси бўлиб 6 йил давомида меҳнат стажига қўшилиши белгиланган.

Олдинги тартибга кўра бу муддат 3 йил қилиб белгиланган эди.

Савол туғилиши мумкин, нима энди аёллар уч йил бола парвариши таътилида бўлса, ўша уч йил учун унга 6 йил стаж қўшиладими деб, лекин ундай эмас. Гап шундаки, олдинги норма бўйича аёл бола парвариши таътилидан қайтмасидан иккинчи марта фарзандли бўлса, у яна бола парвариши таътилига чиқиши мумкин бўлар эди. Айтайлик аёл икки марта декрет таътилига чиқиб, 3 йилдан олти йил декретда бўлса хам унга фақат уч йил учун меҳнат стажи ёзилар эди. Эндиликда манашу муддат ўзгарди ва олти йил қилиб кўрсатилди.