Zangiota АКМ

2022-12-17 11:09:27 Toshkent viloyati Zangiota tumani axborot-kutubxona markazi tomonidan "Kitobxon onalar" kuniga bag'ishlab tayyorlangan videorolik Ochish/sharhlash

2022-12-17 10:03:36 Kitoblari yo’q xonadon – xuddi ruhsiz tanaga o’xshaydi. Oilada tarbiyaning barcha mezonlari shakllantirilganidek, kitobxonlik madaniyati ham shu maskandan boshlansa yaxshi samara beradi. Oilada ota-ona kitobga mehr qo’ygan bo’lsa bunday oilada tarbiyalanayotgan farzand ham kitobga oshno bo’ladi, bunday bolalarning dunyoqarashi, fikrlash doirasi keng bo’ladi, xushmuomala, mehribon, boshqalarga iloji boricha yaxshilik qilishga urinadigan, har bir aytayotgan so’zi, qilayotgan ishini o’ylab bajaradigan, bir so’z bilan aytganda, o’zida barkamol shaxs xislatlarini namoyon qilishga harakat qiladigan ziyoli farzand bo’lib voyaga yetadi. Xalqimizning ajoyib udumlari, an’analari behisob. Ammo ular orasida bir an’ana borki, u haqda har qancha so’zlasang shunchalar oz. Sababi, eng yaqin do’st, eng zarur hamroh bo’lgan kitob, insoniyat kashf etgan ixtirolarning eng buyugi va eng qadrlisi, zamonlar o’tsa-da, o’z o’rnini hech nimaga bo’shatib bermagan mo’jizadir. An`anaga muvofiq dekabr oyining 17 sanasi “Kitobxon onalar” kuni sifatida nishonlanishi ham yuqoridagi fikrimizning yorqin dalilidir. Joriy yilning 17 dekabr kuni Zangiota tumani axborot-kutubxona markazida uy bekalarining bosh vaqtini mazmunli o`tkazish, ular o`rtasida kitobxonlikni keng targ`ib qilish, oilalarda adabiy immunitetni shakllantirish maqsadida “Kitobxon ona – oila ma`naviyatining ko`zgusi” nomli kitobxonlik soati o`tkazildi. Tadbirga yig`ilgan onalar takror va takror o`qiydigan kitoblari, sevgan adabiy qahramonlari, ba`zilari o`qigan kitoblari ularni o`zgartirgani haqida jo`shib so`zladilar. Tadbir ishtirokchilari tomonidan “Men sevgan kitob” nomli o`zlari sevib o`qigan kitoblarining taqdimoti o`tkazildi. Taqdimot o`tkazgan onalar orasida Nasiba Ubaydullayeva tomonidan o`tkazilgan Toxir Malikning “Odamiylik mulki” kitobining taqdimoti yig`ilganlarda katta taassurot uyg`otdi. Nasiba Ubaydullayeva “Eng faol kitobxon ona” deb topilib, axborot-kutubxona markazi direktori S.Axmedova tomonidan faxriy yorliq hamda kitob jamlanmasi bilan taqdirlandi. Tadbirga yig`ilgan ayollar kutubxona fondidagi adabiyotlar, yaratilgan shart-sharoitlar bilan tanishib, o`zlari qiziqgan kitoblardan o`qish uchun oldilar. Ochish/sharhlash

2022-12-17 10:03:09 Ochish/sharhlash

2022-12-17 08:05:35 Ochish/sharhlash

2022-12-17 08:05:35 Xudayberdi To‘xtaboyev 1932 yil 17 dekabrda Farg‘ona viloyati Katta Tagob qishlog‘ida tug‘ilgan. U erta yetim bo‘lib qoldi va uning tarbiyasida bobosi va buvisi ishtirok etdi.
1949 yilda Xudayberdi To‘xtaboyev Qo‘qon pedagogika bilim yurtini, 1955 yilda esa Toshkent davlat universitetini tamomlagan.
Professional faoliyatini Farg‘ona viloyatidagi tuman maktabida o‘qituvchilikdan boshlagan, keyinchalik maktab o‘quv bo‘limi mudiri va direktori lavozimlarida ishlagan.
1958 yilda u gazetalarda nashr etishni boshladi. 14 yil davomida u «Tungi Toshkent» va «Sovet Uzbekistoni» gazetalarida 300 dan ortiq feletonlarni nashr etdi. Shuningdek, uning asarlari «Guliston», «Sharq yulduzi», «Gulxan», «Gʻuncha», «Ush kuch», «Yosh gvardiya» va «Kamalak» jurnallarida nashr etilgan.
1958 yilda uning «Yosh gvardiya», «Sir ochildi», «Sehrli shapka» kitoblari nashr etildi. Keyinchalik «Omanbay va Davronbay», «Sariq devni minib», «Yillar va yo’llar», «Besh Bolali Yigitcha», «Kasoskorning oltin boshi», «Sexrgarlar jangi yoki shirin kovunlar mamlakatida», «Jannati odamlar» paydo bo‘ldi.
Xudayberdi To‘xtaboyev chet ellik o‘quvchilarga rus tiliga tarjima qilingan «Sehrli qalpoq» (shuningdek, ukrain, fransuz va boshqa bir qator tillar) ertagi tufayli tanilgan. Kitob 1970 yilgi eng yaxshi bolalar kitobi uchun Butunittifoq tanlovida sovrin bilan taqdirlandi.
Xudayberdi To‘xtaboyev «O‘zbekistonda xizmat ko‘rsatgan madaniyat xodimi» va «O‘zbekiston xalq yozuvchisi» unvonlariga sazovor bo‘lgan.

t.me/zangiota_akm Ochish/sharhlash

2022-12-17 08:05:35 Bugun 17 dekabr O'zbekiston xalq yozuvchisi Xudoyberdi To'xtaboyev tavallud topgan kun. Ochish/sharhlash

2022-12-17 08:04:46 Bugun 17-dekabr 2022-yil, shanba.

BAYRAMLAR:

Tonggi illyuziya bayrami.

MILLIY BAYRAMLAR:

AQSh - Aka-uka Raytlar kuni.
AQSh - Panamerika aviatsiyasi kuni.
Belarussiya - Belarus kinosi kuni.
 Butan - Butan milliy bayrami.
Iroq - Kurdiston bayrog‘i kuni.
Isroil - O‘qituvchilar kuni.
 Kuba - Avliyo Lazar kuni.
Rossiya - Strategik raketa qo‘shinlari kuni.
Rossiya - Davlat feldyegerlik xizmati xodimlari kuni.
Tunis - Milliy inqilob kuni.
Ukraina - Davlat ijroiya xizmati xodimilari kuni.

VOQEALAR:

- 1237 - Buyuk shoir Mavlono Jaloliddin Rumiy Kuniya shahrida vafot etdi.
- 1474 - Astronom, matematik olim, mutafakkir Ali Qushchi Istanbulda vafot etdi.
- 1637 - Amakusa Siro boshchiligida yapon nasroniylari qo'zg'oloni ko'tarildi.
- 1777 - Fransiya AQSH mustaqilligini tan oldi.
- 1837 - Sankt-Peterburgdagi Qishki saroy yonib ketdi.
- 1881 - Londonda Oskar Vildning "Imon yoki nigilistlar" pyesasining ilk premyerasi bekor qilindi.
- 1903 - Aviatsiya otalari aka-uka Raytlar samolyotining ilk parvozi.
- 1918 - Riga (Latviya) da Sovet hokimiyati o‘rnatilgani e’lon qilindi.
- 1926 - Birinchi butunittifoq aholini ro‘yxatga olish o‘tkazildi.
- 1959 - SSSR hukumatining qarori bilan Strategik raketa qo‘shinlari tashkil etildi.
- 1962 - Monakoning yangi konstitutsiyasi kuchga kirdi.
Sara kitoblar kanali manzilini ko‘rsatishni unutmang
- 1989 - AQShda "Simpsonlar" multfilmining birinchi seriyasi namoyish etildi.
- 1993 - Major League Soccer tashkil topdi.
- 1995 - Ikkinchi chaqiriq Davlat Dumasiga saylovlar bo'lib o'tdi.
- 1998 - AQSh va Buyuk Britaniya Iroqqa qarshi “Sahrodagi tulki” harbiy operatsiyasini boshlashdi.
- 2009 - MV Danny F II yuk kemasi Livan qirg'oqlarida cho'kib ketdi, natijada 44 kishi va 28 000 dan ortiq hayvonlar halok bo'ldi.
- 2010 - Tunislik Muhammad Buazizi o'zini yoqib yubordi, bu Tunisdagi inqilob va butun arab bahori uchun turtki bo'ldi.
- 2014 - AQSh va Kuba 1961-yilda uzilgan diplomatik munosabatlar tiklanganini e'lon qildi (ular 2015-yil 20-iyulda rasman tiklangan).

TAVALLUDLAR:

- 1778 - Xamfri Devi (1829) - ingliz kimyogari va fizigi, elektrokimyo asoschilaridan biri.
- 1797 - Jozef Genri (1878) - oʻz-oʻzini induksiyalash hodisasini kashf etgan amerikalik fizik.
- 1809 - Ogahiy (to’liq ism-sharifi Muhammadrizo Erniyozbek o’g’li) (1874) - shoir, tarixchi, tarjimon.
- 1830 - Jyul Gonkur (1870) - fransuz yozuvchisi.
- 1859 - Nikolay Dubovskiy (1918) - rus rassomi, o'qituvchi.
- 1866 - Konrad Shteyeli (1931) - Shveytsariyalik mergan, uch karra Olimpiya chempioni.
- 1908 - Uillard Frank Libbi (1980) - amerikalik fizik va kimyogar, radiouglerod analiz uslubi asoschisi, Nobel mukofoti sohibi (1960).
Sara kitoblar kanalidan olindi
- 1917 - Boymirza Hayit (2006) - Turkiston va Oʻrta Osiyo boʻyicha tarixchi va sharqshunos olim.
- 1923 - Vladimir Blagix (1997) - Sovet ekologi, elektrotexnigi va energetigi.
- 1925 - Hamza Umarov (1987) - aktyor, rejissyor, O'zbekiston xalq artisti (1967). 
- 1925 - Konstantin Vanshenkin (2012) - sovet va rus shoiri, nasriy yozuvchi.
- 1928 - Nonna Bodrova (2009) - Sovet televideniesi boshlovchisi, Markaziy televidenie diktori, Rossiyada xizmat ko'rsatgan artist.
- 1928 - Leonid Bronevoy (2017) - sovet va rus kino va teatr aktyori, SSSR xalq artisti.
- 1929 - Alieva Iroda (1989) - aktrisa, O’zbekiston xalq artisti (1967). 
- 1932 - Xudoyberdi To'xtaboyev (2021) - o‘zbek bolalar adibi, O'zbekiston Xalq yozuvchisi.
- 1936 - Fransisk - Rim-katolik cherkovining rahbari (2013 yil mart oyidan beri), 266-Papa.
- 1944 - Vyacheslav Ganelin - Sovet va Isroil bastakori, pianinochi, jazz musiqachisi.
- 1975 - Milla Yovovich - Amerikalik aktrisa va fotomodel.
- 1977 - Oksana Fyodorova - rossiyalik teleboshlovchi, aktrisa, model, "Dunyo go'zali 2002" tanlovi g'olibasi.
- 1988 - Yann Zommer - shveycariyalik futbolchi, darvozabon.
- 1988 - Devid Rudisha - keniyalik sportchi, 800 metrga yugurish bo'yicha ikki karra Olimpiya chempioni (2012, 2016).

BIZ BILAN QOLING!

Kanalga ulanish
t.me/zangiota_akm Ochish/sharhlash

2022-12-17 08:04:45 Ochish/sharhlash

2022-12-17 08:04:36 Ochish/sharhlash