Zamira Buvining Ertaklari🌜

2022-09-01 10:40:55 MAHMUD HASANIY

BARCHA DO'STLARIMGA
       BAYRAM TABRIGI

Jondan aziz bu Vatan,
O'ttiz birga kiribdi.
Olamlarga nur sochib,
Yashnab kulib turibdi.

Vatanni yashnashiga,
Bordir sizning hissangiz.
Sizlarni maqtayversam,
Tugamaydi qissangiz.

Muborak bo'lsin sizga,
Yurtning o'ttiz bir yoshi.
Kulib boqsin hamisha,
Sizga iqbol quyoshi.

Ahli oila bilan,
Istiqlolda bor bo'ling.
Yashnagan yurt ichida,
Istiqbolda bor bo'ling.

Yillar o'tib Vatanda,
Sog'u omon yashaylik.
Mehru muhabbat oshin,
Birgalikda oshaulik!

Ona yurt O'zbekiston,
Baxtu iqbolga to'lsin.
Uning baxtyor xalqi,
Doimo omon bo'lsin!

@ZamiraBuvi - Farzandlarimizning ma'naviyatini boyituvchi kanal. Ochish/sharhlash

2022-09-01 09:27:06 AZIZ BOLAJONLARIM!

BUGUN ENG ULUGʻ, ENG AZIZ BAYRAM - MUSTAQILLIK BAYRAMI BILAN SIZLARNI CHIN YURAKDAN QUTLAYMAN!

Hamisha sog'- salomat boʻling. Alloh umringizni ziyoda qilsin! Yurtimizni, Ota-onangizni baxtiga komil inson boʻlib ulg'aying!

@ZamiraBuvi - Farzandlarimizning ma'naviyatini boyituvchi kanal. Ochish/sharhlash

2022-08-27 08:30:18 БОЛАЖОНЛАРИМ, СИЗ ТУЯ ҲАҚИДА НИМАЛАРНИ БИЛАСИЗ?

Қуйидаги маълумотларни ўқисангиз, билимингиз янада ошади:

Туя ҳатто Ўлик денгиздаги шўр сувни ичса ҳам, унинг босими кўтарилмайди. Чунки унинг буйраклари сувни филтирлаб тозалайди ва ичишга яроқли ҳолга келтириб беради.

Туя тиканларни ҳам бемалол ейди. Лекин унинг ошқозони ва ичаклари зарар кўрмайди. Бунинг сабаби унинг тупуги тиканларни кислота каби эритиб беради. Натижада туя тиканни худди юмшоқ нондай ейди.

Туянинг иккита қовоғи бўлиб, бири шаффоф, иккинчиси эса, қалин-гўштли. Шунинг учун у чўл чангида бемалол юра олади. Чанг, бўронларда фақат шаффоф қовоғини ёпгани учун кўзлари зарар кўрмайди ва йўлида давом этаверади.

Туя ўз ҳароратини ўзгартириши ҳам мумкин. Агар у қорли совуқ ерларда бўлса, ҳароратини оширади, жуда иссиқ чўл ерларда эса ҳароратини пасайтиради.

@ZamiraBuvi - Farzandlarimizning ma'naviyatini boyituvchi kanal. Ochish/sharhlash

2022-08-27 08:06:47 ХУДОЙБЕРДИ КОМИЛОВ

ОТ ҚАНДАЙ ЭГАРЛАНДИ?

Бир замонлар ҳўкиз ила от
Кечирарди тинчгина ҳаёт.

Бир ён дарё, бир ён тошқин сой,
Соҳиллари кўм-кўк ўтга бой.

Ўтлоқ чексиз, яйлов бағри кенг,
Иккалови яшар эди тенг.

Аммо, бир кун тинчлик бузилди,
Оғайнилик ипи узилди.

От ҳўкизни деди: "Қувайин,
Ўзим бўлай якка хўжайин.

Шу яйловлар ўзимга бўлсин,
Кейин, ўғил-қизимга бўлсин.

Буқавойга битта дўқ қилай,
Яйловимдан буткул йўқ қилай",-

Дея, тепди ҳўкизни роса,
Ҳўкиз сузди қилмай муроса.

Кенг яйловда қизиди зўр жанг,
Иккаласи уришди тажанг.

От ҳўкизга етмагач кучи,
Оловланди қасоси, ўчи.

Шунда чандон тўлиб аламга,
Кўмак сўраб борди одамга.

Одам деди:" Бераман ёрдам,
Аммо, лекин..,- чайналди одам,-

Мен ҳўкизни таъқиб этаман,
Бироқ, қочса қандоқ етаман?!

Югурганда оғрир оёғим,
Ахир, йўқ-да сендек туёғим.

Яхшиси, мен сени минайин,
Шунда қувиб етамиз тайин".-

От одамнинг сўзига кирди,
Елкасига ўзи миндирди.

Одам уни дарҳол эгаллаб,
Жилов уриб, боплаб эгарлаб,

Сағрисига қамчи урибди,
Шундан буён... миниб юрибди.

@ZamiraBuvi - Farzandlarimizning ma'naviyatini boyituvchi kanal. Ochish/sharhlash

2022-08-27 08:06:32 Ochish/sharhlash

2022-08-26 19:09:01 ОРИФ ТЎХТАШ

А С С А Л О М 

Эрта туриб ҳар куни
Боқиб равшан оламга.
Қўл кўксимда, «Ассалом!»-
Дейман ота-онамга.

Эрта турсанг ошносан,
Энг мусаффо онг билан.
Ҳар бир хонадон ризқи
Келар эмиш тонг билан.

Аждодларнинг ўгити,
Шиоримиз – вассалом!
Манови шеър орқали
Ҳаммангизга Ассалом!

                             @ZamiraBuvi - Farzandlarimizning ma'naviyatini boyituvchi kanal. Ochish/sharhlash

2022-08-22 21:08:21

Ochish/sharhlash

2022-08-22 06:14:34 Hashoratxo'r Gul


Ochish/sharhlash

2022-08-21 10:05:27 6. BOBOMUROD CHORIYEV

Toʻquvchining oʻta zoʻri,
Hashoratni oʻrar toʻri.
Chekkaroqdan yoʻl topadi,
Hech yiqilmay tez chopadi. Ochish/sharhlash

2022-08-21 09:58:19 5. ANVAR MIRZAZODA

Soy boʻyida uchratganman.
Goho kezar bogʻu chaman.
Uchib-qo'nar yashil oʻtga,
Oʻxshar mitti vertolyotga. Ochish/sharhlash