2022-07-25 23:32:53
Turmush o’rtog’im - 2018-yilgi Qur’on musobaqasining ayol-qizlar yo’nalishida mutlaq g’olibasi bo’lgan, Imom Buxoriy nomidagi Toshkrnt Islom instituti mudarrisasi Robiyaxon Najmiddinova ham yoshlikdanoq ingliz va rus tillarini puxta o’rgangan. Ushbu tillarda yozilgan o’zim tushunmagan jumlalarni tarjima qildirtiraman. Turk tili bo’yicha Istanbuldagi nufuzli “Yunus Emre” xalqaro universiteti tomonidan C-1 darajali sertifikat bilan taqdirlangan. Arab tilida esa kitob tarjima qila oladigan saviyada. Shu bilan birga she’riyat va adabiyotni ham yaxshi biladi.
Shuningdek, ular kabi ham ilmda, ham taqvoda namuna qilsa arziydigan opa-singillarimiz ham ko’p, alhamdulillah. Ularning hech biriga boshlaridagi ro’mollari o’qib ilm olishlari uchun to’siq bo’lmagan, balki, ilm olishga bo’lgan bu qadar yuksak istak va intilish quvvatini ular aynan qalblaridagi iymon-e’tiqod ramzi bo’lgan boshlaridagi ro’mol va tasatturdan olganlar desak mubolag’a bo’lmaydi.
———————————-
Ushbu post orqali aytmoqchiman-ki, 2019-yili vazirlar mahkamasi tomonidan qabul qilingan, O’zbekiston Respublikasi konstitutsiyasiga zid bo’lgan 666-noqonuniy qarorning joriy o’quv yilidan kuchga kirishi haqidagi xabarlar birinchi navbatda ro’mol o’raydigan va o’rashni istaydigan o’quvchi qizlarni, qolaversa, ularning ota-onalarini ham tashvish va xavotirga solmoqda. Munis qizlarimizning boshlaridagi ro’mol ularning o’qib ilm olishlariga to’siq emas, aksincha yordamchi bo’lishi karra-karra isbotlanayotgan bir davrda, yosh iqtidor egalarining ilm olishlariga xalaqit qilmaslik, xohish-istaklarini, intilishlarini yerga urib ruhiyatlarini sindirmaslik, balki ularga munosib shart-sharoit yaratib berish uchun ham ushbu 666-noqonuniy qarorni bekor qilish lozim va lobuddir.
https://t.me/Yoldoshbek_Ibrohim
89 views20:32
𝙷
