#ErkinTarjima Дунё одамлари, қаерда бўлишингиздан қатъий наза | Zakovat Yoshlari

#ErkinTarjima

Дунё одамлари, қаерда бўлишингиздан қатъий назар, ҳозир сизларга қийин эканлигини биламан. Мен кекса одамман, анча яшаб қўйдим ва мен некбинлик (оптимизм) билан яшайман.

Мен умидсиз ёшларга мурожаат қиламан.

Менга ишонинг. Мен қаердадир ўқигандим, Эски Аҳдда эдими ёки Карлос Кастанедадаги шаман ҳақида эдими, аниқ эсимда йўқ. Қурғоқчилик бошланади – чорвалар, одамлар нобуд бўла бошлайди. Шаман эса: “Ариқлар тайёрланглар. Ёмғир учун ариқлар қазинглар”.
- Аммо ёмғир йўқку?!
- Ариқ қазинг, ёмғир ёғади.

Кофирлар буни бемаънилик, дейишади. Майли, хоҳлаган нарсангизга ишонинг. Бу мантиқий фикрлаш холос. Аммо менимча, рационал фикрлаш ҳозирда ишламайди. Сизга мантиқсиз фикрлаш, онг остига ишонч керак! Кичкиналигимда, мен ҳозирги мавқеимдаги инсон бўлишни орзу қилардим. Балки менда ваҳийлик аломати бўлгандир, билмайман. Умидим кўп бўлмасада, лекин орзу қилган нарсам рўй берди. Ва энди биз вақтни тўғрилашимиз, уни ўзимизга жалб қилишимиз мумкинлигига ишонаман.

Келажакдаги ўша орзулар: "Оҳ, мен кейинги йил нимадир қиламан". У йўқ, эртанги кун йўқ, кейинги соат йўқ. Бу шунчаки имконият. Аммо биз вақтни бугунги кунга, ҳозирни ўзидаёқ кўксимизга, қалбимизга жойлаштиришимиз мумкинлигига ишонаман.

Ариқлар қазинг! Нима қилишга қарор қилишингиздан қатъий назар, унга ишонинг, ишонинг, ишонинг. Ишонмасангиз, ишонч билан ўйнанг. Ўзингиз ишонгандек ҳаракат қилинг. Бу куч. Бу мутлақ куч. Ва шунда бу содир бўлади. Мендай кекса аҳмоқга ишонинг. Менинг ҳаётимда ишлаган нарса сизникида ҳам ишлайди. Ҳеч қачон таслим бўлманг! Ишонинг, ишонинг, ишонинг! Сиз агностикмисиз, атеистмисиз бу муҳим эмас, нима бўлишидан қатъи назар ишонинг. Ишонинг, ишонинг, ишонинг! Мен каби ишонинг!

Сэр Энтони Хопкинс

Facebookdan Furqat Qurbonov sahifasidan olindi!

@Zakovat_yoshlari