Шу нарсани айтмасам, ўзимни кечиролмасам керак. Ўзи кўп гаплар | Zafarbek Solijonov

Шу нарсани айтмасам, ўзимни кечиролмасам керак. Ўзи кўп гапларим ичимда турибди, чириб. "Қозоқлар биздан кўп нарсада олдинда, ҳаракат қилишимиз керак" деймиз. Бироқ оддий масалаларда эътиборсизмиз. Оддий мисол, яқинда Қарағанди вилоятидаги конда авария рўй берди. Ўттиздан ортиқ инсон ҳалок бўлди. 29 октябрь куни мамлакатда умуммиллий мотам куни деб эълон қилинди.

Бизда айнан ҳукуматнинг айби билан, суддаям ҳаммаси аниқ бўляпти, 65 нафар бола (ёши катталармас, беғуборлар) вафот этди. Жамоатчилик уларнинг хотирасига бефарқ бўлмайлик, яқинларига оз бўлса-да малҳам бўлар, давлат эътиборликан дейишади, мотам эълон қилайлик деб таклиф берди. Бироқ ҳеч нарса бўлмади.

Нега ҳамма ерда инсон қадри деб байроқчалар силкитамиз-у Ўзбекистон келажаги деб мақтанадиган болаларимиз хотирасига бефарқмиз? Улар яшамоқчи эди. Ёки таклиф давлат хизматчисимас, оддий одамлардан чиққани учун бу иш амалга ошмадими? Оддийлар таклиф бергани оғир ботдими, ёки? Уят сизларга...

@Zafarbek_Solijonov