2022-09-01 18:49:01
14-17-сентябр кунлари Самарқанд шаҳридаги бир қатор кўчаларда барча транспорт воситаларининг ҳаракати чекланадиСамарқанд шаҳрида Шанхай Ҳамкорлик Ташкилоти давлатларининг навбатдаги саммити ўтказилиши муносабати билан шаҳардаги бир қатор кўчаларда автомобил ҳаракати чекланади. Бу ҳақида қарор Халқ депутатлари Самарқанд шаҳар Кенгашининг навбатдан ташқари олтмиш тўққизинчи сессиясида қабул қилинди.
Қарорга мувофиқ 14-сентябрдан 17-сентябрга қадар Самарқанд шаҳридаги Ибн Сино, Бўстонсарой, Университет ҳиёбони, Намозгоҳ, Садриддин Айний, Регистон, Рудакий, Шохизинда, Усто Умар Жўрақулов, Ислом Каримов, Афросиёб, Беруний, Мирзо Улуғбек, Гулобод, Муқимий ва Даҳбед, кўчаларида барча транспорт воситаларининг ҳаракати чекланади.
Ҳаракат қатнови чекланган кўчаларда тез тиббий ёрдам ва фавқулодда вазиятлар махсус транспорт воситаларига истисно тариқасида ҳаракатланиш учун рухсат берилади. Ҳайдовчиларга ноқулайликлар туғдирмаслик мақсадида айланма йўллар орқали ҳаракатланиш ташкил этилади.
Халқаро аҳамятга эга бўлган М-37, М-37А ҳамда М-39 автомобил йўлларининг шаҳар ҳудудига кириш-чиқиш қатнов қисмларида транспорт воситаларининг ҳаракати чекланади.
5-сентябрдан 20-сентябргача шаҳар ҳудудига юк авто транспорт воситалари ва махсус техника воситалри қатнови ҳам вақтинча чекланади.
М-37А “Самарқанд халқа йўли” автомобил йўлининг 40-43 км.лари оралиғида жойлашган “Самарқанд Сиёб Савдо” унитар корхонасига (автомобиллар эҳтиёт қисмлари бозори) келадиган фуқаролар учун мавжуд автураргоҳ йўлнинг қарама-қарши қисмида жойлашганлиги сабабли унитар корхона 5-сентябрдан 20-сентябргача вақтинча фаолият юритмайди.
Мазкур нуфузли тадбир даврида Самарқанд шаҳридаги жамоат жойларида фуқаролар йиғилиб қолиши ҳамда шаҳар ичида транспорт қатновини камайтириш мақсадида шаҳардаги барча умумтаълим мактабларида янги ўқув йилини 19-сентябр кунидан бошлайди.
Шунингдек олий ва ўрта-махсус таълим муассасаларида 26-сентябр кунидан дарс жараёнлари бошланади. Қолдирилган дарс машғулотлари соатларини ўқув йили давомида бериладиган таътиллар ҳисобидан қопланиши белгиланди.
@YURTIMIZDA
568 viewsedited 15:49