🌸Qur'onga oshiq qalblar🌸

2020-09-04 16:57:04 Assalamu alaykum va rohmatullohi va barokatuh
Kanalimiz a'zolaridan uzur so'ragan xolda kanal faoliyatini to'xtatyotganimizni bayon qilmoqchiman
Sezib turganingizdek kanalga adminlar yetishmayapti. Admin tayinlash uchun esa bosh admin yo'q. Sababsiz g'oyib bo'lgan. Sizlar uchun ozgina bo'lsada ilm ulashganimizdan mamnunmiz
G'oyibona duolar uchun ham tashakkur.
Alloh barchangizdan o'zi rozi bo'lsin. Oilangizga fayzu barokatlar bersin
Sizlar bilan shuncha vaqtdan buyon g'oyibona do'stingiz SHAYDO bo'ldi Ochish/sharhlash

2020-09-01 09:45:43 Деразадан тушган нурда, ўғлим, менинг кўзим бор,
Элга қилган савобингда билки ёруғ юзим бор,
Гар ғафлатдан йироқ эрсанг, вужудингда ўзим бор,
Болам, отам ўлган дема, мен ўзингда яшайман,
Ким ортингдан дуо қилса, мен изингда яшайман.

Бандасидан қўрқма, болам, қўрққин фақат Худодан,
Юкунмагин сен ҳар касга, шафқат тила Аллоҳдан,
Рости, ўлмоқ-кулиб кетиш бу ёлғончи дунёдан,
Болам, отам ўлган дема, мен ўзингда яшайман,
Дилинг, тилинг бир бўлса гар мен сўзингда яшайман.

Фарзанд инсон ортидаги ёниб қолган чироқдир,
Чироқ ёқсанг, парвонаман, руҳим менинг уйғоқдир,
Сен унутма, охиратда ҳар дақиқанг сўроқдир,
Болам, отам ўлган дема, мен ўзингда яшайман,
Жондан азиз суйган ўғлинг ҳам қизингда яшайман.

Умр ўзи — оқар дарё, тўғони бу — ўлимдир,
Қаро ерга бўш келган бу — менинг икки қўлимдир,
Бу дунёда шеър гадоси Маҳмуд — менинг ўғлимдир,
Болам, отам ўлган дема, мен ўзингда яшайман,
Ҳалол бўлса топган нонинг, мен тузингда яшайман

Маҳмуд Тоир
https://t.me/joinchat/AAAAAFNCL2cbf58Xwe1odw Ochish/sharhlash

2020-08-31 20:39:28 Мен "Топганинг тўйга буюрсин"ни дуо эмас, қарғиш ҳисоблайман.

@MubashshirAhmad Ochish/sharhlash

2020-08-31 09:43:35 Assalomu aleykum barchaga Mustaqilligimizning 29-yillik ayyyomi bilan muborakbod etaman. Shunday ulug' kunga yetib kelganimizga Allohimga ming shukurlar bo'lsin! Yurtimiz tinch bo'lsin. Ilohim bu yil barchaga talaba bo'lish nasib qilsin insha'Allah Ochish/sharhlash

2020-08-28 18:25:56 Qur'onga oshiq qalblar pinned «Duolaringizga muhtojmiz Kamina adminingiz 2-sentabr kuni imtihon topshirajak InshaAlloh Robbimdan buni men uchun hayrli qilishini so'ragan holda sizlardan kamina uchun duoda bo'lib turishingizni iltimos qilar edim Zero islomni o'rganish va uni o'rgatishni…» Ochish/sharhlash

2020-08-28 18:25:43 Янги "Тунчироқ"дан бир шуъла

ДУОНИ ТЎҒРИ ҚИЛЯПМИЗМИ?

Биз кўпчилигимиз дуо қиляпман, нега дуойим қабул бўлмаяпти, деб нолиймиз. Дуойимиз қабул бўлмаслигининг сабаби кимда? Аллоҳдами?! (Астағфируллоҳ) албаттаки камчилик бизда.
Бир эшик тасаввур қилинг. У эшикни очиш учун одатда биз қўлимизни ишлатамиз тўғрими?

Лекин сизнинг ҳолатингиз (устозимиз айтгандилар) ҳозир бу эшикдан 5 метр узоқдан туриб: "Аллоҳим шу эшикни оч, илтимос оч" деб ёлворишингиз кабидир. Ахир қўлингизни ишлатмай туриб дуо қилаверсангиз, эшик очилсин десангиз, эшик жонга кириб очилиб кетмайди-ку).

Дуо уч турлидир:

1. Қавлий - яъни бизнинг одатий дуо қилишимиз. Қўлимизни очиб Роббимиздан сўз билан ифодалаб: "Аллоҳим менга шу уйни бер, шу машинани бер" дейиш каби.

2. Феълий - яъни қилган дуойимизни амал билан сўраш. Такси чақиришни хоҳлаган инсоннинг, таксини чақириш учун қиладиган амал шакли. Олдидан ўтган таксини тўхтасин, деб "Ясин" сурасини ўқиши эмас, балки қўлини кўтариб "тўхта" ишораси қилишидир.

3. Изтирорий - яъни, кўнгил ёнғини билан Аллоҳга дардланиб ёлвориш керак бо'лади. Бизнинг дуоларимизда ҳамиртуруш (дрожа) кам бўлишининг тамал сабаби, бу уч хил дуо шаклидан фақатгина қавлий дуони етади, деб ўйлашимиздир.

Бир киши имтиҳонга кирадиган бўлса мен дуо қилдим! Дарс қилмасам ҳам имтиҳондан ўтавераман, Аллоҳ ёрдам беради деб ташлаб қўймаслиги керак. Феълий дуони қилмоғимиз ҳам даркор.

Худди шу масала ҳозирги кунда коронавирус балоси бутун дунёни қамраб олган ҳолатда ҳам бор. Телевизорларда ниқоб тақинг, уйда қолинг дейишяпти. Лекин кўпчилигимиз дуо қиляпман, дуойим мени асрайди, ниқоб тақишим шарт эмас деймиз. Аммо бундай демаслигимиз керак.

Пайғамбаримиз соллаллоҳу алайҳи васаллам айтадилар: “Сизнинг дуоларингиз қабул бўлади, "ажала" қилмагунча” яъни шошилмагунча. Саҳобаларимиз, “Ажала" нима, я Расулаллоҳ” деб сўраганларида: “Мен истадим, ҳали ҳам берилмади",- ҳолати ажала ҳолатидир,”.

Бизлар қўлимизни очиб, “Я Роб йиллардир Сенга дуо қиламан, шу синовдан ҳали ҳам ўта олмадим” деб ёлворишдан нозланишга ўтамиз. Худди дуо қулнинг Аллоҳга ёлвориши эмас-да, расмий ҳаққини хоҳлаши каби...

Дуоларимизга диққат қилайлик. Дуойимиз амалга ошмаётган бўлса қусурни ўзимиздан қидирайлик. Меҳмет Йилдиз айтганидек: "Аллоҳ кечиктираётган бўлса, гўзаллаштираётгандир. Сабр қил!”. Ochish/sharhlash

2020-08-28 05:20:43 Duolaringizga muhtojmiz
Kamina adminingiz 2-sentabr kuni imtihon topshirajak InshaAlloh
Robbimdan buni men uchun hayrli qilishini so'ragan holda sizlardan kamina uchun duoda bo'lib turishingizni iltimos qilar edim
Zero islomni o'rganish va uni o'rgatishni Robbim nasib aylasin Ochish/sharhlash

2020-08-28 05:17:16 Assalamu alaykum va rohmatullohi va barokatuh
Juma tonggi muborak bo'lsin dindoshim
Barcha ezgu tilaklar siz uchun bo'lsin
Robbimning rahmati va barakasi xonadoningizdan arimasin
g'oyibona do'stlarimga kanalimizning qadrli a'zolariga Ashuro kunlari muborak bo'lsin
Qani , olg'a bugun avvalgikundan ko'proq narsaga ulgurib qolaylik, yaxshilik qilaylik, ibodatlarda bardavom bo'laylik. Ochish/sharhlash

2020-08-26 15:56:39

Yomg'ir yog'ayotganda qilinadigan duo:
Allohumma soyyiban naafi'an
Allohim yomg'irni foydali qilgin...

YoMg'ir oStiDa...
Xohlaganingizni xohlaganingizcha so'rang...YoMg'ir tomchilab turganda qilingan duo mustajobdir...

InSHa Alloh Ochish/sharhlash

2020-08-24 15:57:44 Қиз меҳри

Қиз боланинг биринчи севгиси отасидир. Бу шундай севгики, умр йўлдошига бо2лган севги ҳам ундан ортда қолади. Қиз бола турмушга чиқаётганида отасига ўхшаганини истайди, отаси кабисини хоҳлайди. Чунки у отасини жуда-жуда севади.

Қизнинг отасига бўлган севгиси Аллоҳ таолонинг лутфи ва марҳаматидир. Аллоҳ таолонинг бир жажжи қулида шунча севги ва меҳр бўлса, Ўзининг марҳамати ва муҳаббати қанча экан?!

Жажжи юрагига сиғдира олган бу ота севгисини ҳаётининг сўнгигача парваришлаб боради қизалоқ. Отадан ҳамма-ҳамма юз ўгирса ҳам, барча ташлаб кетса ҳам биргина қизи ташлаб кетмайди. Доимо отасининг суянчиғи ва овунчоғи бўлади.

Эътибор берганмисиз? Қиз узатилаётганида хонадонда икки кишигина ҳаяжон ва қўрқувда бўлади. Қиз остонадан қадам ташлаб чиқаётганида ҳаяжон ва қўрқув ортиқ жиловлай олмайди. Бу иккиси ота ва қиздир.

Қиз фарзанд кўрганда юраги сиқиладиган, аёлини ҳақорат қиладиган кишилар Аллоҳ таоло уриб қўйган кишилармикан деб ўйлаб қоламан.

Менга ўғил туғиб бермадинг, деб ажрашганлар Аллоҳ таолонинг ғазабига дучор бўлганлармикан, деб ўйлаб қоламан. Қизларини тириклайин етим қилган оталарни кўрсам, уларга ачиниб кетаман.

Аммо бундан ҳам ёмони ўзининг ҳою ҳавасини деб, орзу-истакларини деб қизини отасидан ажратиб оладиган оналар бўлса керак. Қиз набирасини тириклайин етим қилаётган қайноналар бўлса керак. Ҳеч ким тушунмаса ҳам, сиз тушунишингиз керак эмасмиди? Куёвингиз сизга ёқмаса ҳам, лекин набираларингиз ва қизингиз сиздек нафратланмас эдику. Ахир сиз ҳам бир отанинг қизисизку. Аввало сиз тушунишингиз керак эмасмиди? Қилган жиноятингиз жазосини бу дунёдаёқ бошқа қизларингиз ёки ўғилингизнинг қизларидан тортишингиз мумкинлигини наҳот билмасангиз?!

Аллоҳ таоло адаштирган бўлса, ҳеч ким ҳидоятга чорлай олмас экан, ислоҳ қила олмас экан.

****

Кеч қизларимни денгиз бўйига ўйнагани олиб чиққан эдим. Кичик қизим ҳар 15-20 дақиқада 4-5тагина хандон писта-семичка чақиб келиб берар эди.

Нега бунча оз десам жуда секин чақар экан. хандон писта тугагунча шундай қилди.

Жажжи қалбига сиққан муҳаббат ва меҳрини қаранг! Роббимга ҳамдлар бўлсин.

****

Катта қизим кичигига айтяпти:

- Катта бўлсам доктор бўламан. Чунки дадам касак бўлиб қолсалар ўзим даволайман. Укол қилиб қўяман.

- Йўқ, укол қилмайсан. Укол қилсанг оғритади,- дейди кичик қизим.

Субҳаналлоҳ. Бири отасига меҳрибонлик ва ғамхўрлик қилиш учун шифокор бўламан деяпти. Иккинчиси эса меҳри жўшиб, отамга укол қилмайсан, оғритади, деяпти.

Қиз неъмати билан сийлаган Роббимга ҳамдлар бўлсин.

Фарзандларимиз роҳатини кўришни Роббим барчамизга насиб қилсин.

Икки дунёда юзимизни ёруқ қилсин.

Жаннатда тожлар кийдирсин.

Омин
@muhammadodilofficial Ochish/sharhlash