БЕГОНА ОДАМ МЕНИНГ ИШТИРОКИМДА МЕНГА ТЕГИШЛИ БЎЛМАГАН АВТОМОБИ | ЮРИСТ БЛОГЕР/РАСМИЙ КАНАЛ
БЕГОНА ОДАМ МЕНИНГ ИШТИРОКИМДА МЕНГА ТЕГИШЛИ БЎЛМАГАН АВТОМОБИЛНИ БОШҚАРСА БЎЛАДИМИ?
Assalomalekum savolim shuki , man ukammi nomidagi moshinada yòlovchi sifatida ketvomman , yaqin qarindoshla òrtasida ishonchnoma bekor bògan , man shu ukammi nomidagi moshinani boshqa bir xaydovchiga yonida òtirib xaydashiga bersam bòladimi suĝurta masalasi tushunarli lekin , ukam yoki boshqa yaqin qarindoshlarimmi nomidegi abtoulovvi yonida òtirgan holatda ishonch bildirsam bòladimi avtoulovvi boshqarishiga , iltimos kengroq qilib yoritib bersayiz , huquqiy asosi bilan oldindan raxmat
ЖАВОБ:
Вазирлар Маҳкамасининг 2015 йил 24 декабрдаги 370-сон қарори билан тасдиқланган Йўл ҳаракати Қоидаларининг 8-бандига кўра тегишли тоифадаги транспорт воситасини бошқариш ҳуқуқини берувчи ҳайдовчилик гувоҳномасига, унинг талонига, вақтинчалик рухсатномага эга бўлган шахс, ўзига тегишли бўлмаган транспорт воситасини, унинг эгаси ёнида бўлганида ёхуд тасарруф этиш ҳуқуқини берувчи ёки эгалик қилишга, фойдаланишга берилганлигини тасдиқловчи ҳужжатлари бўлган шахс иштирокидагина (уларнинг розилиги билан) бошқариши мумкин, агар транспорт воситалари эгаларининг фуқаролик жавобгарлигини мажбурий суғурта қилиш бўйича шартнома ушбу транспорт воситасидан чекланмаган шахсларнинг фойдаланилишини ҳисобга олган ҳолда тузилган ёки транспорт воситасини бошқараётган шахс суғурта полисида кўрсатилган бўлса.
Транспорт воситаси эгасининг фуқаролик жавобгарлигини мажбурий суғурта қилиш бўйича суғурта полисида кўрсатилган транспорт воситаси эгасининг яқин қариндошлари (ота-она, эр (хотин), болалар, ака-укалар, опа-сингиллар) ушбу транспорт воситасидан мустақил фойдаланиши ва бошқариши мумкин.
Энди шарҳлаб берамиз. Агар укангизнинг номида бўлган автомобиль суғурта полисида сиз унинг яқин қариндоши яъни акаси сифатида кўрсатилган бўлсангиз унда сизда ҳам укангизга тегишли автомобилни бошқаришга ҳуқуқингиз мавжуд.
Сизнинг иштирокингизда укангизга тегишли автомобилни исталган шахс бошқариши мумкин фақат укангизга тегишли суғурта полиси ушбу транспорт воситасидан чекланмаган шахсларнинг фойдаланилишини ҳисобга олган ҳолда тузилган бўлиши керак.
Яъни суғурта полиси чекланмаган бўлиши керак.
Саволингизни: @yurist2706
Канал:https://t.me/Yurist_Blogerrr
