БОҚУВЧИСИНИ ЙЎҚОТГАН АЁЛЛАРГА СОЛИҚ ИМТИЁЗИ БОРМИ? Ассалому а | YURIST 24/7 | RASMIY KANAL

БОҚУВЧИСИНИ ЙЎҚОТГАН АЁЛЛАРГА СОЛИҚ ИМТИЁЗИ БОРМИ?

Ассалому алейкум сизга саволим бор эди. Бокувчимни йукотганман 3 нафар вояга етмаган фарзадларим бор мактабда укитувчи бб ишлайман мен учун кандай имтиёзлар бор? Кандай солииклардан озодман. Илтимос саволимга батафсил жавоб берсангиз. Падахотний налог ойлигимдан ушланадими 16 ёшгача фарзандларимга олишим керакми, Болалар нафакасини оламан факат, Ёрдамиз тегса сиздан оллохим рози булсин рамазон ойида ... Мазхалладан хам хеч кандай ёрдам йук, Мактабдан хам. Жавобингизни интизорлик билан кутаман.

ЮРИСТ ЖАВОБИ:

Қаранг! Солиқ кодекси 380-моддасига мувофиқ қуйидаги солиқ тўловчилар қисман (даромадлар қайси ойда олинган бўлса, ўша ойда ҳар бир ой учун меҳнатга ҳақ тўлашнинг энг кам миқдорининг 1,41 баравари миқдоридаги даромадлар бўйича – 2022 йил 12 апрель ҳолатига МҲТЭКМ 822 000х1.41=1.159.020 ) солиқ солишдан озод этилади.

икки ва ундан ортиқ ўн олти ёшга тўлмаган болалари бор ёлғиз оналар. Бу имтиёз ҳар бир бола учун фуқаролик ҳолати далолатномаларини ёзиш органлари томонидан тақдим этиладиган маълумотнома асосида берилади;

икки ва ундан ортиқ ўн олти ёшга тўлмаган болалари бор ҳамда боқувчисини йўқотганлик учун пенсия олмайдиган бева аёл ва бева эркаклар.

Бу имтиёз эрнинг (хотиннинг) вафот этганлиги тўғрисидаги гувоҳнома, болалар туғилганлиги тўғрисидаги гувоҳномалар, янги никоҳдан ўтмаганлик ҳамда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси туман (шаҳар) бўлимининг боқувчисини йўқотганлик учун пенсия олинмаслиги ҳақидаги маълумотномаси тақдим этилган тақдирда берилади.

Хулоса қиладиган бўлсак, сиз ўзингиздаги ҳолатдан келиб чиқиб, юқоридаги икки асосдан бирига кўра солиқ имтиёзини олишингиз мумкин. Бунинг учун ўзингиз яшайдиган ҳудуддаги туман солиқ инспексияга мурожаат қилишингиз мумкин.


Бепул Консултация: https://t.me/yurist247_uz

Пулли консултация: https://bit.ly/38MPLfD

@Yurist_247