Yuridik Klinika

2021-09-18 10:21:03 #bilasizmi

Янги транспортлар ДЙҲХХ органларида рўйхатдан ўтказишда техник кўрикдан ўтказилмайди

Транспорт воситалари қуйидаги даврийликка мувофиқ техник кўрикдан ўтказилиши керак:

1) тижорат асосида йўловчилар ташувчи енгил автомобиллар, автобуслар, троллейбуслар, трамвайлар ва ўриндиқлар сони 8 та ва ундан ортиқ бўлган (ҳайдовчининг ўрнидан ташқари), одамларни мунтазам ташиш учун жиҳозланган юк автомобиллари, йирик габаритли, оғир вазнли ва хавфли юкларни ташиш учун махсус транспортлар ва уларнинг тиркамалари – бир йилда икки марта;

2) ишлаб чиқарилганига 6 йилдан кўп бўлмаган транспортлар – икки йилда бир марта;

3) ишлаб чиқарилганига 6 йилдан ортиқ бўлган, шунингдек ишлаб чиқарилган вақти аниқ бўлмаган транспортлар – бир йилда бир марта;

4) тиркамалар техник кўрикка транспорт воситаси – шатакчи учун белгиланган муддатларда;

5) навбатдаги техник кўрикдан ўтказишнинг илгари ўрнатилган муддатларидан қатъи назар, уларни ДЙҲХХ органларида рўйхатдан ўтказиш (қайта рўйхатдан ўтказиш) вақтида.

Янги транспортлар ДЙҲХХ органларида рўйхатдан ўтказишда техник кўрикдан ўтказилмайди. Ochish/sharhlash

2021-09-11 20:32:37 #bilasizmi
Йўл ҳаракати Қоидаларига мувофиқ, ҳайдовчиларга ҳаракатланиш тезлиги билан боғлиқ қуйидаги ҳаракатлар тақиқланади:

тезликни мазкур транспорт воситасининг техник тавсифномасида кўрсатилган энг юқори тезликдан ошириш;

тезликни транспорт воситасига ўрнатилган “Тезлик чекланган” таниқлик белгисида кўрсатилганидан ошириш;

зарурият бўлмаганда жуда паст тезликда ҳаракатланиб, бошқа транспорт воситаларига халақит бериш;

йўл-транспорт ҳодисасининг олдини олиш зарурияти бўлмаганда кескин тормоз бериш. Ochish/sharhlash

2021-09-10 17:06:02 #noodatiyqonunlar

Италиянинг Милан шаҳрида фуқароларнинг жамоат жойларида қавоғини солиб юришлари қонунга зид ҳисобланади, дафн маросими ва касалхонада кимнидир кўришга бориш бундан мустасно. Ochish/sharhlash

2021-09-10 15:15:55 Таълим кредити кимларга берилади?

Маълумки 18.08.2021 йил 527-сонли "Олий таълим ташкилотларида тўлов-контракт асосида ўқиш учун таълим кредитлари ажратишни тартибга солиш чора-тадбирлари тўғрисида"ги Вазирлар Маҳкамасининг қарори қабул қилинди.

УНГА КЎРА, таълим кредити

кундузги таълим шаклида ўқийдиган
бакалавр ёки магистрга
тўлов-контракт асосида ўқишга кирган
ёки ўқишини кўчирган талабаларга берилади.

Аммо

супер-контракт учун ёки махсус сиртқи, кечки ва сиртқи таълим шакллари учун таълим кредити берилмайди. Ochish/sharhlash

2021-09-10 10:01:48 #foydali
Ўзбекистон Республикаси Президентининг 2021 йил 13 июлдаги ПФ-6260-сон Фармонига асосан:

- “Темир дафтар”га киритилган оилаларнинг давлат ОТМларида таълим олаётган фарзандларига 2021/2022 ўқув йилида биринчи ўқув йили учун тўлов-контрактнинг тўлиқ суммаси қоплаб берилади;

- "Темир дафтар" ва "Аёллар дафтари"га киритилган оилалар фарзандлари ҳамда "Ёшлар дафтари"га киритилган ёшларга янги турмуш қураётганида ўз хонадонида қўшимча уй-жой қуриши учун 33 миллион сўмгача гаровсиз кредит ажратилади;

- ёш оилаларнинг ижтимоий ҳимоясини кучайтириш мақсадида ипотека дастури доирасида бошланғич бадал ва фоиз тўловлари бўйича қўшимча 2 мингта ёш оилага уй-жой сотиб олиши учун субсидия ажратилади. Ochish/sharhlash