"Yunus Ali Oxund" jome masjidi | Qorasuv

2022-07-27 10:13:55 Live stream started Ochish/sharhlash

2022-07-27 10:11:08 Live stream scheduled for Jul 27 at 07:16 Ochish/sharhlash

2022-07-27 08:56:40 Ўлчов ва тушунчаларни тўғрилаб олиш керак
Бир қўйни сўйишди. Расулуллоҳ соллаллоҳу алайҳи васаллам сўрадилар? “Қўйдан нима қолди?” Дейишди: “Фақат олд оёғи қолди холос”. У зот: “Олд оёғидан бошқа ҳаммаси қолибди”, дедилар.

Имом Термизий
@yunusalioxund Ochish/sharhlash

2022-07-27 08:47:35 Ватан ҳимоячиси деган унвонга эга бўлиш энг шарафли ва олий касбдир.
Расулуллоҳ соллаллоҳу алайҳи ва саллам: ”Кечалари Аллоҳдан қўрқиб ёш тўккан кўзни ва Аллоҳ йўлида тунлари посбонлик қилиб, мижжа қоқмаган кўзни дўзах оташи куйдирмайди”,-дедилар.
@yunusalioxund Ochish/sharhlash

2022-07-27 04:42:10 БИЗ НЕГА ИЛМИМИЗГА АМАЛ ҚИЛМАЙМИЗ?!

Аллома Ферузободий хилватнинг турлари ҳақида сўзлаб туриб, шундай дейдилар:

"Иккинчиси - хилватлари фикр сафоси учун бўлганлардир. Улар буни маълумотлар талабидаги тушунчалари тўғри бўлиши учун қилишади. Бу нав хилват илмни ақл мезонида талаб қиладиган қавм учундир. Бу мезон жудаям нозик. У энг кучсиз ҳавои нафс билан ҳам истиқоматдан* чиқиб кетади" (Аллома Ферузободийнинг "Китобу сифрис-саодат" китобларидан).

Яъни, илм ладунний (Аллоҳнинг ҳузуридан келадиган илм) ва ақлонийга бўлинади. Ақлоний илм талабидагилар хилватдан ҳам фикр ва тааммул учун фойдаланишади.

Бу билан фикр ва тушунчалари тўғри бўлишини таъминлашади. Лекин бу фикрлар зикрсиз бўлгани учун фақат ақллари тўйинади, қалблари эмас.

Ладунний илм талабидагилар эса, хилватларини фикр билан эмас, зикр билан ўтказишади. Чунки фикр бўлса, Ундан бошқани зикр қилган бўлинади.

Уларнинг хилватлари Ҳақдан ҳақиқат илмини кўпроқ олиш учун бўлади. "Мен Мени зикр қилганнинг ҳаммажлисиман"дан** истифодани исташади. Шу сабаб уларга Илоҳий файз, фатҳ ва илмлар ҳосил бўлади.

Бу ўринда хилват воситасида фикримизни англатяпмиз холос. Мақсадимиз, ақлоний илмнинг ўзи билан истиқомат - тўғри йўлда мустаҳкам туролмаслигимизни кўрсатиш.

Чунки руҳ ва қалб тўйинтирилмай, фақат ақл билан илм олиш, эгасини истиқоматда тутиб туролмайди. Шайх Ферузободий айтганларидек, у энг кучсиз ҳавои нафс билан ҳам истиқоматдан чиқиб кетади.

Демак, илмимизга амал қилмаслигимиз, дунёга мубтало бўлганимиз, ибодат ва амалларимиз ихлоссизлигини шу нуқтадан қидиришимиз керак. Тамаъ, ҳасад, адоват каби хасталикларимиз давоси мазкур фикрларда яширин эканини англашимиз лозим.

Яхшилаб мулоҳаза қилайлик!
@yunusalioxund Ochish/sharhlash

2022-07-27 03:50:23 Ваҳб ибн Мунаббиҳ роҳимаҳуллоҳ айтадилар: «Аллоҳнинг наздида Аллоҳга ширк келтиришдан кейин гуноҳларнинг энг каттаси - инсонларни масхаралашдир».
@yunusalioxund Ochish/sharhlash

2022-07-27 01:15:11 Ассалому алайкум ҳайирли тонг ! ибодатларини адо этишга тавфиқ берган Аллоҳга ҳамду санолар бўлсин.
Бугун Чоршанба 2022 йил.27 июл
28 Зулҳижжа.1443 сана Аллоҳим бугунги кунни фазилатларидан барчамизга насимб қилгин.омийн https://t.me/yunusalioxund Ochish/sharhlash

2022-07-26 20:40:32 «ШИФО ОЯТЛАРИ»

«Шифо» сўзи қатнашган олтита оят шифо оятлари, дейилади. Ривоят қилинишича, Абулқосим Қушайрийнинг фарзанди оғир касал бўлиб қолганда унга шифо оятлари ўқилган. Натижада бемор тезда соғайиб кетган.

Шифо оятлари қуйидагилар:


وَيَشْفِ صُدُورَ قَوْمٍ مُّؤْمِنِينَ
1. Мўмин қавм дилларига шифо - ором беради.
(Тавба сураси, 14-оят).


وَشِفَاء لِّمَا فِي الصُّدُورِ
2. Дилларидаги нарсаларга шифо.
(Юнус сураси, 57-оят).


فِيهِ شِفَاء لِلنَّاسِ
3. Унда одамлар учун шифо бордир.
(Наҳл сураси, 69-оят).


وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ
4. Биз мўминлар учун шифо ва раҳмат бўлган Қуръон оятларини нозил қиламиз.
(Исро сураси, 82-оят).


وَإِذَا مَرِضْتُ فَهُوَ يَشْفِينِ
5. Касал бўлган вақтимда Унинг Ўзи менга шифо беради.
(Шуаро сураси, 80-оят).


قُلْ هُوَ لِلَّذِينَ آمَنُوا هُدًى وَشِفَاء
6. Айтинг: «(Қуръон) имон келтирган зотлар учун ҳидоят ва шифодир»
(Фуссилат сураси, 44-оят).

«Қуръон - қалблар шифоси» китобидан.
@yunusalioxund Ochish/sharhlash

2022-07-26 20:04:49 Ривоят қилинишича Умар ибн Хаттоб рoзияллоҳу анҳу Шом аҳлидан бўлган бир кишини йўқотиб қўйдилар. У киши доимо Умар бин Хаттобнинг мажлисларига келиб турар эди. Саҳобалардан Фалончи қани?-деб сўрадилар. Улар: Эй, амирул муъминийн, у ароқ ичадиган бўлиб кетди. Биз ҳам уни кўп вақтдан бери кўрмаймиз, дейишди. Шунда Умар рoзияллоҳу анҳу котибларини чақириб: ёз, дедилар (Умар ибн Хаттобдан Фалончи ўғли Фалончига. Сенга салом бўлсин. Аммо баъд. Ундан бошқа илоҳ йўқ бўлган Аллоҳ таолога ҳамдлар бўлсин. «(У) гуноҳни мағфират қилувчи, тавбани қабул этувчи, азоби қаттиқ ва эҳсон эгасидир. Ундан ўзга илоҳ йўқ. Қайтиш (қиёмат куни) фақат Унинг ўзигадир». (Ғофир сураси, 3-оят)) Сўнгра саҳобаларга: Биродарингиз ҳақига Аллоҳга қайтишини сўраб дуо қилинглар, дедилар. Умар рoзияллоҳу анҳунинг мактуби унинг қўлига етиб борганида, очиб ўқиди ва: «(У) гуноҳни мағфират қилувчи, тавбани қабул этувчи, азоби қаттиқ», деган жойини қайта-қайта кўзидан ёш тўкиб ўқиди ва: Аллоҳ мени азобидан огоҳлантиряпти, гуноҳларимни кечиришини ваъда қиляпти, деди, сўнгра тавба қилди ва тавбасида содиқ турди.

Ушбу хабар Умар рoзияллоҳу анҳуга етиб борганида у киши саҳобаларга: «Мана шундай қилинглар, қачон биродарингиз йўлдан адашиб қолса, уни йўлга солиб қўйинглар, тавба қилишини сўраб Аллоҳга дуо қилинглар. Зинҳор ва зинҳор шайтонга ёрдамчи бўлманглар», дедилар.
@yunusalioxund Ochish/sharhlash

2022-07-26 18:49:43 . Имом ибн Қойййим раҳимаҳуллоҳ дедилар: “Ҳақ сўзни хоҳ ёқтирмаган инсонинг бўлсин, хоҳ яхши кўрган инсонинг бўлсин, бирдек қабул қилмас экансан, сенда тавозуънинг мартабаси бўлмайди”.

“Мадорижус соликийн” асаридан.

@yunusalioxund Ochish/sharhlash