Odilbek Yo'ldoshev

2022-12-26 06:57:01



Кўришни қаттиқ тавсия қиламан.

@yuldoshev_0dilbek Ochish/sharhlash

2022-12-25 18:06:23 Изоҳсиз...

@yuldoshev_0dilbek Ochish/sharhlash

2022-12-23 18:25:03 "Сен Аллоҳга ишон. Умидлар ҳеч кутмаган вақтингда гуллайди" – Ҳазрати Мавлоно

Юқоридаги сўзларни исботини бир неча бор ҳаётимда кўрдим. Сўраганларим ва орзуларимнинг амалга ошишидан жуда ҳам ташвишланмай қўйганман.

Агар мен учун яхши бўлса, эртами, кечми улар амалга ошади. Мен учун яхшиликка бўлмаганлари эса амалга ошмагани маъқул. Буни мен била олмайман.

@yuldoshev_0dilbek Ochish/sharhlash

2022-12-14 07:49:03 Бугунги кундан эсдалик (14.12.2022/09:49)

Институт, дарсдаман. Кимдирлар ухлаб ётибди, бошқалар телефонда ё видеолар кўриб турибди, ёки ўйин ўйнаяпти, қолганлар нималарнидир мухокама қилиб гаплашиб ўтирибди.

Мен эса ушбу постни ёзмоқдаман.

Абитуриентлик даври қийинчиликларини шу нарсалар учун енгиб ўтдимми? Шундай дарслар, шундай муҳит учун ўша пайтдаги қийинчилик ва стрессларга чидаган эдимми!?

@yuldoshev_0dilbek Ochish/sharhlash

2022-12-10 21:02:13 Қадрланмаган Роналду

Ватани учун қанча иш қилди. Бутун умрини шунга бағишлади. Охирида унга ҳурматсизлик қилишди.

Мен уни нафақат футболдаги, балки ундан ташқаридаги ишлари учун ҳам ҳурмат қиламан. У ёшлигимнинг унутилмас бир қисми бўлиб қолади.

P. S. 8 ёшимдан бери унга мухлислик қиламан

@yuldoshev_0dilbek Ochish/sharhlash

2022-12-10 20:53:43 Футбол тарихидаги энг ёрқин фаолият. Футбол тарихидаги энг аламли якун.

Ҳа, якун. Қийин вазиятда бутун Португалия уни қўллайди деб ўйлади. Адашди. Кубок орзуси сабаб чидади. Энди қолишидан маъно йўқ. Ўзи ҳам билади

t.me/Davron_Fayziev Ochish/sharhlash

2022-12-06 19:16:03 Қанчалик кўп чет тилини ўрганганим сари ўз тилимни жуда ёмон даражада билишимни англаб етмоқдаман.

Бир мисол келтирсам, инглиз тили дарсида устозим текстни таржима қилиш учун уйга инглизча матнларни бериб юборади. Кейинги дарс қандай таржима қилганимни сўрайдилар. Мен таржимасини тушуниб туриб, ўзбек тилига таржима қилишга қийналаман.

Муаммо шундаки, ўзбек тилида ўша тушунганимдек маъно бера оладиган сўзни тополмай қоламан. Нутқимда ҳам кўп инглизча ва русча сўзларни қўшиб гапиришга одатланиб қолмоқдаман, афсуски.

Менинг шаҳсий фикрим, инсон ўз она тилисини яхши билиши ва ҳурмат билан қараши керак. Мен ҳам шунга доим ҳаракат қиламан. Иложи борича соф ўзбек тилида гапиришга ва ёзганда имло хатоларсиз ёзишга интиламан.

@yuldoshev_0dilbek Ochish/sharhlash

2022-12-04 22:35:38 O'z shaxsiy fikriga ega bo'lmaslik va o'ziga bo'lgan ishonchning yetishmasligi juda katta muammolarni keltirib chiqararkan. Shuningdek, bu katta maqsadlarni ko'zlab yo'lga chiqqanda pand berib ham qo'yarkan.

"Insonning eng katta dushmani — bu uning o'zi" degan gapning ma'nosini tushungandek bo'lyamman.

@yuldoshev_0dilbek Ochish/sharhlash

2022-11-30 07:17:38 #Шикоят

Ўрганганларимнинг тагида эзиляпман. Нима қилишим керак, нима қилмаслигим керак эканини биламан, аммо қила олмаяпман.

Бир жойда қотиб турибман. Олдинга кета олмаяпман. Шунчаки эшитиш билан чекланяпман. Кунлар ўтгани сари бу юкнинг тагида эзилаётганимни ҳис қиляпман. Виждоним тинч қўймаяпти мени. Нафсим билан мужодала ҳолатидаман ҳамон. Нафсимга енгиляпман ҳар кун. Бу ҳам мени жуда қийнаяпти. Бир четдан бошлашим кераклигини биламан, аммо бошлай олмаяпман.

Ҳудди кимдир мени олдинга кетаётганимда, орқага тортаяпти.
Қимирлай олмаяпман.
Жон чекишяпман ҳудди.
Бу ҳол яна қанча давом этади, билмайман.

Тундалик ёзди.

@MubashshirAhmad Ochish/sharhlash

2022-11-27 21:52:08 Мен ҳам шаҳсий блогимни, энг аввало, ўзимга эслатма сифатида юритишни бошлаганман. Ундаги фикрлар ва маслаҳатларнинг катта қисми ўзимга айтилган.

Ичингиздаги фикрларни қаергадир ёзиб қўйиш анча енгиллик беради.

Орадан анча йиллар ўтгач, ўтмишдаги фикрларингизни ўкиш ҳам жуда завқли бўлади )

@yuldoshev_0dilbek Ochish/sharhlash