Соғинчлар юкидан езилмоқда жон, Сенингдек хеч кимни суймадим и | Bilmadim
Соғинчлар юкидан езилмоқда жон,
Сенингдек хеч кимни суймадим ишон,
Қидириб, амаллаб топиб бир имкон,
Кетгим келаяпти сенинг қалбинга...
Буюк муҳаббатим кўнглимга солиб,
Ҳиёнатга тўлган дунёдан нолиб,
Юрагинг чиптасин қўлимга олиб,
Кетгим келаяпти сенинг қалбинга...
Унутиб дунёнинг аламларини,
Тезлатиб висолнинг қадамларини,
Шу ерда қолдириб оламларини,
Кетгим келаяпти сенинг қалбинга...
Кўрайин бахт дея аталмиш кўлни,
Сен сабаб гуллатай дилдаги чўлни,
Қўлимдан тутгину кўрсатгин йўлни,
Кетгим келаяпти сенинг қалбинга...
Кундан-кун соғиниб ортмоқда жабрим,
Юракни ҳижронга тортмоқда жабрим,
Ортиқ озорларга етмайди сабрим,
Кетгим келаяпти сенинг қалбинга...
Танҳойим ўзингсан ёруғ жаҳонда,
Исминг шиддат билан оқмоқда қонда,
Бошқа кутолмайман айни шу онда,
Кетгим келаяпти сенинг қалбинга...
Соғинчлар юкидан езилмоқда жон,
Сенингдек хеч кимни суймадим ишон,
Қанийди, қанийди топилса имкон,
Кетгим келаяпти сенинг қалбинга...
