°-°𝕟𝕆𝕋𝕙𝕀𝕟𝔾°-°

2023-01-01 07:50:56 Yangi yil

Deraza raxidan mo'ltiraydi qor,
Daraxtlar tik turar oppoq, mo'tadil.
Azizam, uyg'ongin, ko'zlaringni och,
Kirib kelmoqdadir yana yangi yil!

Ko'zingda yosh emas, sezib turibman,
Yangi yil sog'inchi oqib turibdi.
Oz emas, ko'p emas, bir yil kutganing,
Qara, eshigingni qoqib turibdi.

Ma'yus nigohlaring boisi nedur?
Qani bo'l, eshikni ochaqol endi!
Yangi yil shukuhi kutib qoldi-ku,
Sen esa so'raysan: Eski yil qani?

Deraza raxidan mo'ltiraydi qor,
Daraxtlar tik turar oppoq, mo'tadil.
O'rnini bo'shatib yangi yilga jim,
Tunda vidolashmay ketdi eski yil!

Solih Sulton / 2021 Ochish/sharhlash

2023-01-01 07:50:44 Rostligi qoldimi?..
Haqsiz dunyoning
Ajrini gunohlar yutib yuborar.
Kaftiga kaft berib Iblis - shaytonning,
Odamlar dinini unutib borar!..

Solih Sulton Ochish/sharhlash

2023-01-01 07:50:41 #ataldi_for_
Garchi bu dunyoda mavjudman, toki
Minglar gulxanida kuyib bo'lganman.
Birgina arzimas gunohim shuki,
Seni sendan ortiq sevib bo'lganman.

Qay yo'l bilan meni gunohkor etding?
Yoki sen shunchalar yaxshimiding, yor? Ochish/sharhlash

2023-01-01 07:50:37 #ataldi_for_
Seni sevib qoldim - gunohimdan o't,
Ko'nglimga so'zimni o'tkazolmadim.
Oh, meni sensizlik qilib qo'ydi mot,
Sog'inchni ruhimdan ketkazolmadim. Ochish/sharhlash

2023-01-01 07:50:15 #ataldi_for_
Kimdir pulga muhtoj, kim esa gulga,
Men senga muhtojman, bir senga muhtoj!

Solih Sulton Ochish/sharhlash

2023-01-01 07:49:51 Sensiz

Sensiz xayollarni surish og'riqli,
Sensiz bulutlarga termulmoq og'ir.
Oy va yulduzlarning yuzlari mungli,
Sensiz yurak yarim, sensiz u sag'ir!

Jonimni tilkalar turfa xil sitam,
Toliqqan ko'zimga ko'zyoshlar malol.
Ko'ksimga bosh urib epkinadi g'am,
Afsus yuragimning tomirlari shol.

Ketmoqni istayman dunyong qa'riga,
Falajlangan vujud, tanimni olib.
Erka nigohingni ishqdan nariga
Yo'qotgan kim bo'ldi kishanlar solib?

Xarobazor aro yuribman mudroq,
Holing ne kechdi deb so'rab kelsayding.
Chiqishga-ku chiqib ketding-ku, biroq
Yana hayotimga kirib kelsayding!..

Solih Sulton / 2022 Ochish/sharhlash

2023-01-01 07:49:38 Nima qilay...

Ko'zlarimga ko'zlaringni qorib bo'lmas,
Ko'zimdagi sirlarimni yorib bo'lmas.
Seni deya o'zimdan ham sovib ketdim,
Nima qilay, seni yomon ko'rib bo'lmas!

Favvoraday toshib borar muhabbatim,
Falaklardan oshib borar muhabbatim.
Yuragingga shoshib borar muhabbatim,
Nima qilay, seni yomon ko'rib bo'lmas!

Ishq gulini qo'ltig'imga qistirmadim,
Chunki uni bafurchaga o'stirmadim.
Seni sevib qoldim, ammo sezdirmadim,
Nima qilay, seni yomon ko'rib bo'lmas!

Ketay desam, oyog'imdan chilib qo'yding,
Bo'ynimga ishq zanjirini ilib qo'yding.
O'zligimni o'zligimdan olib qo'yding,
Nima qilay, seni yomon ko'rib bo'lmas!

Ko'zyoshlarim toma-toma ivib ketdi,
Har tomganda izlaringni yuvib ketdi.
Shuncha odam meni yomon ko'rib ketdi,
Nima qilay, seni yomon ko'rib bo'lmas!

Borgan sari kamaymadi zardalaring,
Yirtilmadi yurakdagi pardalaring.
Garchi yolg'on bo'lsa hamki va'dalaring,
Nima qilay, seni yomon ko'rib bo'lmas!

Lablarimni izlaringga bosay dedim,
Ishq doriga hislarimni osay dedim.
Senga atab shu misrani yozay dedim:
"Nima qilay seni yomon ko'rib bo'lmas!"

Solih Sulton / 2021 Ochish/sharhlash

2023-01-01 07:49:36 Chaqmoq chaqib qaro osmonda,
Yog'ib keldi mayin yomg'irlar.
Nafasingni joylab tomchiga,
Olib keldi mayin yomg'irlar.

Solih Sulton Ochish/sharhlash

2023-01-01 07:49:34 Ro'paramda yoshmi yo qari,
Yo'qotmoqda qadr-qimmatin...
Odamlarni tanigan sari
Ko'paymoqda itga hurmatim!

Solih Sulton Ochish/sharhlash

2023-01-01 07:49:30 Qaro ko'zlaringni tun uchun asra,
Guldek yuzlaringni kun uchun asra.
Dunyoda borliging men uchun bir baxt,
Azizam, o'zingni men uchun asra!

Solih Sulton Ochish/sharhlash