Президент мактабига ўқишга кира олмаганлар учун қўшимча имтиёз | Yoshlar - kelajagimiz ️️️
Президент мактабига ўқишга кира олмаганлар учун қўшимча имтиёз берилади
Маълум бўлишича, Президент мактабига ўқишга кира олмаган ўқувчилар янги ташкил этилаётган ихтисослаштирилган мактабларга имтиҳонсиз қабул қилиниши мумкин.
Хабарда айтилишича, Вазирлар Маҳкамасининг 15 апрелда тасдиқланган 8-сон баёни бунга асос қилиб келтирилган. Унга кўра, Президент мактабига 5-синф кириш имтиҳонлари иккинчи босқичида иштирок этиб, ўқишга кира олмаган номзодлар ҳар бир вилоятда ташкил этилган аниқ фанларга ихтисослаштирилган мактабга ўқиш истагини билдирган тақдирда, ариза топширади ва квота доирасида баллар кетма-кетлиги асосида имтиҳонсиз қабул қилинади. Таъкидланишича, қабул қилинадиган ўқувчиларнинг сони 24 нафар этиб белгиланган.
Шунингдек, белгиланган қабул квотасидан ортган талабгорлар битта ихтисослаштирилган мактабга ўқиш истагини билдирса, устунлик юқори балл тўплаган ўқувчига берилади.
