2022-08-30 19:42:13
OʻTINCH.
Shamol eltgin dardlarimni olislarga,
Bersang mayli õsha yaxshi xolislarga,
Faqat meni bu azobdan qutqar shamol,
Dardim yorim tomonlarga yetqar shamol.
Faqat darding og'ir deya qilma araz,
Sening birla ketmoqlikni qildim faraz,
Shu dilozor jamoliga yetay shamol,
Dardim ila men ham birga ketay shamol.
Bir õzimga tor bõldi - ku bu keng dunyo,
Tanim tirik ruhim õlib qolgan gõyo,
Õlgan ruhim janonimga etgin shamol,
Dardlarimni jamlab olay kutgin shamol.
Xohla tog'lar xohla sahro qabul qilsin,
Maqsad yorim dardlarimni anglay bilsin,
Muhabbatim xalos qilgin qutqar shamol,
Dardlarimni janonimga yetqar shamol.
Sen yelmasang men ham ranjib qolar bõldim,
Sog'inchlarim tõkib she'rga solar bõldim,
Men sendaman sen ham menda bõlgin shamol,
Sevgim ila dunyo kuchga tõlgin shamol.
Janonimga aytgin uni sog'inganman,
Uzun tunlar she'rlar yozib og'ringanman,
Sendan bitta shu iltimos mayin shamol,
Õylaymanki iltimosim kelmas malol.
Miraliyev Shahzod.
35 views......, 16:42