Yoqubjon Kamolov

2022-08-06 22:30:51 Ilon sudralib ketayotib, yo'l o'rtasida unutib qoldirilgan arraga turtilib ketibdi.​​ Arraning o'tkir tig'lari terisini ozroq tilib yuboribdi. Bundan g'azabga kelgan ilon uni bir chaqib, tishlab esini kiritib qo'ymoqchi bo'libdi.

Afsuski, arraning o'tkir tishlari ilonning og'zini battar tilib, unga yanayam qattiqroq jarohat yetkazibdi. Ilon qo'rquv va g'azabda dushmaniga so'ngi, halok qiluvchi zarbani berish uchun uni o'rab, bo'g'ib olibdi.

Arraning tishlari tanasiga chuqur botib, qattiq azob bera boshlabdi. Ilon hayoti uchun kurashib, dushmanini albatta yengishga azm qilganicha bor kuchi bilan arrani bo'g'ishda davom etibdi. Arra uni bir necha bo'laklarga bo'lib yuboribdi. Ilon esa halok bo'libdi.

P/s. Sen mana shu ilondek nodon bo'lma! Senga ozroq ozori yetgan har qanday kimsa dushmaning bo'lavermaydi. Ularning har biri bilan jang qilishinga ham aslo hojat yo'q.

Ba'zida indamay, yuz o'girib ketish yagona oqilona yo'l bo'ladi. Biroq g'azab qilsak, kuchimiz va vaqtimizni bekorga sarflasak, o'zimizni halok qilishdan boshqasiga erishmaymiz.

Mahmud Usmon.

yoqubjonkamolov Ochish/sharhlash

2022-07-08 02:32:47 Eshitib ko'ring-a, bir bor bo'lsa ham,
Dilimda sarg'ayib ketgan nolani.
"O'pgim kelar porloq peshonasidan
Kitob do'koniga kirgan bolani!"

@yoqubjonkamolov Ochish/sharhlash

2022-06-19 21:36:11 Qani endi muammolarim yo'q bo'lganida...

Aslida muammo degan narsaning o'zi yo'q. Lekin ba'zi narsalarga sen muammo deb qarar ekansan, u har doim bo'ladi.

Ilgari aytib o'tganimdek, yangi yoki bilmaydigan narsalaring senga muammo bo'lib ko'rinadi. Ularni yengib o'tish uchun esa sendan shijoat va qat'iyat talab qilinadi.

@yoqubjonkamolov Ochish/sharhlash

2022-06-10 18:52:20 Bola edim.
Onamga "-daraxtga chiqaman yordam bering!" dedim

Onam: "Birov chiqarib qo'ygan joydan tusholmaysan, yiqilasan" dedi.

Bir umr bu gapni unutmadim...

P.s. Har qanday cho'qqiga o'zingni mehnating bilan chiq. Kimdir orqali chiqsang, yiqilishing aniq. Chiqolmayapsanmi sabr qil, hali cho'qqiga chiqishga tayyor emassan. Har narsani o'z vaqti soati keladi.

https://t.me/yoqubjonkamolov Ochish/sharhlash

2022-05-24 00:38:04 "Oxir-oqibat, hamma narsa yaxshilik bilan tugashi kerak. Agar biror narsa yomonlik bilan tugagan bo'lsa, demak bu hali oxiri emas"

https://t.me/yoqubjonkamolov Ochish/sharhlash

2022-05-13 21:01:13 -Savatda nima olib ketayapsan?
- Olma!
- Kimga?
- Sevgilimga
- Nechta?
Qiz hayron...

- Sevgiliga bergan narsalarni sanaydilarmi hech?

...Odamning qo'lidagi tasbeh yerga to'kildi...

@yoqubjonkamolov Ochish/sharhlash

2022-05-07 19:49:27 Lahza...

Hech qachon hech kimga butkul ishonib qolmang! Bugun chanqog'ingizni qondirgan suv ertaga cho'ktirishi mumkin.

@yoqubjonkamolov Ochish/sharhlash

2022-05-01 21:34:49 Ketmas boylik!

Menda bir so’m bor. Sizda ham bir so’m bor...
Men sizga o’zimning pulimni berdim.
Siz ham menga o’zingizning pulingizni berdingiz…

Hech nima o’zgarmadi. Sizda ham bir so’m pul qoldi, menda ham...

... Menda yangi bir fikr bor. Sizda ham yangi fikr bor...
Men sizga yangi fikrimni aytdim. Siz ham menga yangi fikringizni aytdingiz…

Sizda ham ikkita fikr paydo bo’ldi, menda ham…

Esli odam pul almashmaydi. Fikr almashadi.

O‘tkir Hoshimov. "Daftar hoshiyasidagi bitiklar"

@yoqubjonkamolov Ochish/sharhlash

2022-04-25 20:03:09 Qamchining zarbidan sher ham boshqa joyga o'tib, o'tiradi. Lekin u sherni o'rgatilgan deydilar, o'qimishli demaydilar..... tushundingiz-a?!

@yoqubjonkamolov Ochish/sharhlash

2022-04-25 19:59:38 Har bir insonni qalamdan o'rnak olishini istardim...

Uning 5 ta xususiyati bor. Inson bo'laman desang qalamdan o'rnak ol!

- Birinchidan: o'zingni qancha dono bilsang ham, seni yurgizib, yo'naltirib turgan Qo'l borligini unutma. Shu Qo'lga suyanishni, uning izmida bo'lishni o'rgan.

-Ikkinchidan: yengil, ravon yozishi uchun qalamni vaqti-vaqti bilan charxlab turish kerak. Bu - og'riqli jarayon. Ammo biror natijaga erishmoqchi bo'lsang, mashaqqatlarni sabr bilan yengishga to'g'ri keladi. Zero insonni sinovlar toblaydi.

-Uchinchidan: qalamda yoza turib xatoga yo'l qo'ysang, o'chirg'ichda to'g'irlasa bo'ladi. Mard insongina xatosini tan oladi. O'zini isloh qilishdan erinmaydi, or ham qilmaydi.

-To'rtinchidan: qalamning shakl-u shamoyili emas, ichidagi o'zagi muhim. Shunday ekan qalbingda yaxshiliklarni saqla. Har qanday vaziyatda qat'iyatingni yo'qotma.

-Beshinchidan: qalam o'zidan iz qoldiradi. Shu kabi sening ham biror amaling izsiz ketmaydi. Demak, qadamingni o'ylab bos. Ortingdan faqat ezguliklar qolsin.

@yoqubjonkamolov Ochish/sharhlash