Асабим салга бузилаверади, нима қилай? Ассалому алайкум! Ме | Ёндафтар
Асабим салга бузилаверади, нима қилай?
Ассалому алайкум! Менинг асабим сал нарсага бузилаверади. Нима қилишим керак? Маслаҳат беринг!
Руҳшунос жавоби:
Ва алайкум ассалом! Аввалом бор, асаб бекорга бузилмаслигини тушуниб олишимиз керак! Бу болалигингизда баъзи бир нохуш воқеалар таъсири ёки бирон касаллик оқибатида қолган асорат, эҳтимол, ота-онангизда бор бўлган асабийликдан сизга ўтган бир парча бўлиши мумкин. Агар шу саволларга жавоб тополганимда, эҳтимол, кўпроқ ёрдамим теккан бўларди.
Нима бўлса ҳам, инсон ўзини қўлга олишга ҳаракат қилиши лозим. Сизга аччиқ, шўр ва ҳаддан ортиқ ширин нарсалар мумкин эмас. Тез-тез янги тайёрланган ва кўп кўкат солинган салатларни истеъмол қилинг. Албатта, тузсиз. Туз ўрнига лимон суви ва зайтун ёғи солингани маъқул. Эрталабки нонуштага, албатта, гречка, тариқ, сули ёрмасидан тайёрланган сутли бўтқалар истеъмол қилинг.
Вазнингизни ўлчаб, ўша сонни 40 га кўпайтиринг ва ҳар куни шу миқдорда сув ичинг (масалан, 70 кг × 40 = 2800, демак, 2 литру 800 гр сув). Ухлашдан ярим соат олдин 250 гр сутга 1 чой қошиғида асал солиб, илиқлигича ичинг. Иложи борича интернетдан ва телевизордан нохуш, инсоннинг кайфиятини бузувчи кўрсатувлар ҳамда янгиликларни кўришдан ўзингизни эҳтиёт қилинг. Кўп зикр қилинг, қалбингиз, миянгиз хотиржам бўлади. Валлоҳу аълам!
Ёндафтар
