2022-07-07 01:56:04
Sen qo'ng'iroq qilmaysan...
Men ham.
Sen yozmaysan, menda ham subut.
Senga sog'inch qiladi alam,
Men sabrla saqlayman sukut!
Sen kibrli, men o'ta mag'rur,
Sen osmonda, men undan baland
Sen kibrga, men g'ururga qul,
Faqat mehr qahat, muhabbat qahat!
Unutdim deysanu, ammo parishon,
G'arq bo'lib ketasan hayolimga goh.
Unutdim deymanu, tunlari hamon.
Hayoling bag'ridan topaman panoh.
Istab kelolmaysan, ming bitta sabab,
Men boraman desam yo'lim unmaydi.
Ayt, nega bir umr Xudodan so'rab,
Bir umr shu ishqdan ketib bo'lmaydi.
Seni ko'ribdilar sochlaringda oq,
Faqat men haqimda so'rar emishsan.
Keyin lablaringa tarqalib titroq,
Jimgina ovozsiz yig'lar emishsan.
Menchi, men, o'zimni koyib charchadim,
Taslim bo'lganligim ehe, qachonlar.
Kamondek egilib bo'lsa ham qaddim,
G'urur gerdayishin qo'ymas, oqpadar!
Umrimiz o'tmoqda, o'tib bo'ldiyam.
Necha kun yashashga qoldi haqqimiz.
Balki xaq dunyoda tanib olishchun,
Birrovga sevishib oldik ikkimiz!
@yomgir_manzili
1.7K viewsRuslan Xoliqov, 22:56