.

2023-03-11 23:46:57 #study

Bu yerda ham maqtanib ketay, qiziqqanlar bo'lsa. Mana bunaqa "chotki" interaktiv dashboard (ma'lumotlar tahlili taqdimoti) yaratolaman

Nega bu ish "chotki"ligi haqida narigi Data Analitics UZ kanalimda yozdim. Ranglar uyg'unligi, dizayn, ma'lumotlarning uzviy ketma-ketlikda berilgani va boshqa zo'r jihatlari bor. Bu Looker Studio'da qilingan birinchi jiddiyroq loyiham. Shuncha narsani qilguncha hammasini 0 dan o'rgandim.

Biram aqllimanmi? Ochish/sharhlash

2023-03-10 15:00:42 Ochish/sharhlash

2023-03-10 13:54:55 Oxirgi paragraf hazilmas edi, esli chto. Hubbyjon bilan endi tanishgan paytlarimiz o'zi tushlik qilmasdan, uning puliga menga snikers (ichida bir nechta donali katta snikers) olib kelardi. Shokoladni yoqtirardim. O'zim olishga qurbim yetardi, ishli boy talaba edim, lekin u tushlik o'rniga shokolad olayotgani tushimga kiribdimi.

Hozir istalgan payt istalgan restoranda ovqatlanish imkonimiz bor. Shunga qaraganda, boyib ketganmiz ancha

Yegulik va ovqatlar haqida ko'p yozishimning sababi, men food manyakman. Hatto vatan sog'inchim ham milliy taomlar sog'inchi bilan o'lchanadi. Shuning uchun istagan paytim istalgan taom/yegulikni olish imkoniyati men uchun juda ahamiyatli narsa.

Ya'ni izohlarda so'raydiganlardek, biror tansiq narsa yeyishim uchun homilador bo'lishim shartmas. Shunchaki, yangi, mazali oziq-ovqat tatib ko'rish - men uchun xobbi desa ham bo'ladi. Sayohat qilganimizda ham doim mahalliy taomlar va yeguliklar ro'yxati bilan yo'lga chiqaman.

Hubbyjon esa shu qiziqishimni qo'llab-quvvatlaydi, xolos. O'zi bir-birimizning hamma qiziqishlarimizni qo'llab-quvvatlarkanmiz. Balki shuning uchun "boyib ketgandirmiz"? Ochish/sharhlash

2023-03-10 13:37:25 #mood

Kechagi depressnyakdan keyin ertalab tursam, bir qancha tanishlardan xabar kelibdi: xavotir olma, oyligi 1000-3000 doldr oraliqda ish topsang bo'ladi, mabodo qaytsang.

O'ylab qarasam, ishlashim mumkin bo'lgan sohalar ko'p ekan: turizm (butun O'rta Osiyoni yaxshi bilaman,o'zim borganman, tur mahsulot yaratolaman), Data Analytics yoki iqtisod sohasida tajriba orttirishim yoki tarjimonlik bilan shug'ullanishim mumkin.

Juda bo'lmasa, shuncha o'qiganim va diplomimni tandirga otib, o'quv markazida dars beraman. Besh yil oldin IELTS ballim 8.0 edi. Qayta topshirsam, 8.5-9.0 chiqib qoladi.

U ham bo'lmasa, uyda qamalib olib, depressiyada erimni boyib ketishga "ilhomlantirib" o'tiraman. Turmush qurganimizdan beri ancha "boyib ketganimizni" hisobga olsak, bu hunarni yaxshi egallaganman Ochish/sharhlash

2023-03-10 12:40:05 #Austria

Novvoyxona. Har tong yonidan o'tamiz. Erta tongdan issiq non hidi taralib turadi. Lekin tandir nonmas bu, albatta Ochish/sharhlash

2023-03-09 23:25:23 #baby_language

Bugun monstrcha bilan 6 ta kitob o'qibmiz. 1,5 soat ichida. Har birini 2-3 martadan

Hali tuzalmagan tomog'im bo'g'ilib, ovozim chiqmay qoldi. Har betini ifodali qilib, rasmdagi hayvonlar, insonlar roliga kirib o'qimasak, otib tashlaydi kitoblarini.

Men bundayligimda qo'limga kitob yo daftar tushsa, o'qishni bilmasam ham termulib o'tirardim. Bolam ham o'zimdek mo'min-qobil, yuvoshgina bola bo'ladi, hubbyjon ham bosiqqina-ku, derdim.

Monstrchaning nega monstrligini hubbyjon bolaligida kalamush tutib, terisini shilib, olovda pishirib yemoqchi bo'lganlari va kalamush tozalanayotgan paytda momosi ko'rib qolib, rosa xivich yeganliklarini aytib bergach sal anglagandek bo'ldim. Ochish/sharhlash

2023-03-09 21:03:32 #Austria

Bugun nuqul depressiv yangiliklar uchradi. O'zi hammasi ertalab mana shu kruassandan boshlandi. Yana narxi oshibdi yaramasning: donasi 59 sent edi, endi 69 sent (8300 so'm). Nonushtaga qahva bilan yeyishga 2 ta kruassan olaman har tong.

Endi olmaymanmi? Olaman, albatta. Stipendiyam O'zbekistondagi oyliklarning aksariyatidan yuqoriroq bo'lsa Qaytganimda omadim chopgan taqdirda ham stipendiyamning yarmisiga teng oylikka ishlashim mumkinligini o'ylasam, ko'zimga yosh keladi.

Qiziqqanlar uchun: stipendiyam 1000 yevrodan baland Ochish/sharhlash

2023-03-09 20:04:39 Ikki yil oldin Yevropadan O'zbekistonga qaytgan tanishim yozib qoldi. Vazirlikda nufuzli lavozimda ishlaydi. Mabodo qaytib qolsam, yozda rezyume ko'tarib boraman oldingga, desam, indamay qoldi.

Bir necha daqiqadan keyin esa ketma-ket havola tashlayapti:

- Oliy Majlis referendum muhokama qilayotgani haqidagi yangilik.
- Besh yil oldin xorijdan qaytib, davlat tashkilotlarida yuqori mansablarda ishlab, keyin yana chetga ketib qolganlar haqidagi yangiliklar.
Oxirida esa:

- Yozda PhDga topshiraman. GREni qayta topshiryapman. Yashan bo'lmayapti. Qolgan umr va bolalaringga rahminglar kelsa, qaytmanglar, - debdi.

Yaqinda qayerdadir bir turkning yozuviga ko'zim tushgandi: qaytishga vatan qolmasligi mumkin. Nuqul kelajagimas, hoziri ham porloq vataning bo'lsa. Surishnimas, xorijlik iste'dodlarni jalb qilishni o'ylashga arzigulik. Bolang surish, pechkaga o'tin, elektr yoki rasvo havo haqida qayg'urmasdan normal yashaydigan makon. Ochish/sharhlash

2023-03-09 15:22:32 Izohlar guruhini o'chirdim kanaldan. Bugundan endi izoh bo'lmaydi. Asablarim qadrli. O'g'liga ayolini qanday urishni o'rgatadigan va qiziga kaltak yeyish normalligini uqtiradiganlar bilan inson qadrini muhokama qilishni o'zi ahmoqlik.

Run, Forrest, run! deydi-yu. Qizi borlarga orqa-oldiga qaramay qiz itoatkor qul emas, to'laqonli odamdek ko'riladigan joyga surishni tavsiya qilaman. Ochish/sharhlash

2023-03-09 11:54:59 Qizlarini xo'rlikni normal qabul qilishga o'rgatuvchi qanaqa jamiyat-ey bu? Yosh qizlaringni 40% er urishini normal deb bilsa-ya.

Hech kimni seni kaltaklashga haqqi yo'q. Eng dahshatli jinoyat sodir qilsang ham. Ering qo'l ko'tarishi bilan 02 ga qo'ng'iroq qil, demaydimi? Ko'chaga chiqqani uchun er kaltaklashi normalmish O'rta asrga qarab g'izillab ketyapti bu odamlar. Qizlaringni qultabiat qilib tarbiyalamanglar. Qiz ham erkin va ozod odam.

https://t.me/muhrim2022/1314 Ochish/sharhlash