2022-08-30 14:05:12
#shunchaki
Ўзим учун хулосалар
Тўрт қизимиз бор, уларни вақти келиб турмушга берсак, гендер тенглик деган тушунча кирмаган оилага келинликка берамиз, иншааллоҳ. Исломда аёл қадрияти улуғланади, тенглик эмас, аксинча юқори кўрилади. Атир сепмай кўчага чиқишим, пошнаси таққилламайдиган пойафзал кийишим, рўмолда юришим менинг ҳуқуқим паймол бўлганини билдирмайди. Биргина эримга итоат этишим эвазига у киши бизнинг бутун таъминотимизни қиладилар. Бу ишхонада қайсидир бошлиққа итоат этиб ҳар ой давлат санаб берадиган маошни кутиб яшашимдан яхшироқ. Рўзғордаги оғир юмушнинг ҳаммаси дадамизнинг зиммаларида. Уй рўзғор ишларига ҳам лозим бўлганда ёрдам бериб кетаверадилар. Гоҳ гўдагимизгаям алишиб қараймиз.
Дадамиз сайлаш ва сайланиш ҳуқуқига эгалар, ҳудди шундек, менда ҳам айни фуқаролик ҳуқуқлари бор. У кишида иккита паспорт бор, менда ҳам: фуқаролик ва хорижга чиқиш паспорти. Ўқиганликлари ҳақида диплом бор. Менда ҳам бор. Иккимизда ҳам ҳайдовчилик гувоҳномаси бор. Битта ётоқнинг ва битта шкафнинг ҳам кўпроқ қисмида менинг нарсаларим туради. Пулни дадаси ишлаб топадилар, мен эса сарфлашни биламан. Аммо:
Дадаси истасалар тўрттагача аёлни никоҳларига олишлари мумкин. Менинг шаръан бу нарсага ҳақсизлигим ҳуқуқимнинг паймол бўлиши эмас, аксинча, шарафланишимдир. Дадаси сафарга ёлғиз кетишлари мумкин, менинг бунга ҳақсизлигим, ҳимояланишимдир. Дадасининг кийимларини ювиб дазмоллашим ё келганларида бир коса овқат, бир пиёла чой тутишим, менинг фитратимга синган фазилатимдир.
Эркак ва аёлни гендер тенглик тушунчаси остида тенглаштириш даражаси қандай бўлади, ақлим етмаяпти шунга?
Биз ўзи қайси масалада улардан каммиз, сиёсийми, ижтимоийми? Қайсидир оиладаги разиллик гендер тенглик йўқлигидан эмас, Ислом йўқлигидан.
Шахсан мен, гендер тенглик деган нарсага қаршиман, сабаби, оиламизда аёллар қадрияти эркакларимизникидан устун. Биз биргина эркакка итоатимиз эвазига бутун бошқарувни олиб бўлганмиз))
Жамият мавжуд бўлгандан бери қотиллик ва таҳқирлар бор, бу масала гендер тенгликка эришган давлатларда юқори кўрсатгичда кетаяпти. Гендер тенглик ғояси ишлаётган шаҳарларда аёлларни зўрлаш кўпайиб бормоқда. Нега? Тенглик аёлга нима берди? Иззатми, ҳурматми, латофатми? Минбарларга чиқволиб аёллар ҳуқуқи ҳақида бонг урадиган аёлларнинг кўпчили эрсиз, боласиз, оиласиз. Шу бахтми? Шунақа тенгликнинг нима кераги бор. Машинани ўзи бошқарадиган аёл билан машина эшигини очиб бериб орқа ўриндиққа ўтирғизиб уни манзилига обориб қўядиган эркакнинг аёлини таққосланг, унинг ҳуқуқи паймол бўлиб қолаяптими? Аксинча, эр унга хизматчи—ку!
Аллоҳ яратган мезондан ташқарида ҳеч бир масалага ечим йўқ. Жамиятда аёл аёллигича, эркак эрлигича қолса, ҳаммаси яхши бўлади. Бор кучни синовга дош беролмаган, саодатли натижа бермайдиган ғояни илгари суришга қаратмай, исломий таълимотда фарзандларимизни тарбия қилаверайлик. Чунки шундоғам ҳукуматимиз ҳеч бир нарсада аёллар ҳуқуқини чеклагани йўқ, фақат аёллар оилада ўз ўринларини билса бўлди...
Яна айтаман, тўрт қизим бор, уларни гендер тенглик деган вирусдан сақлаб қолишим керак. Мен сен билан тенг бўлишим керак, деб эрлари билан тортишса, бахтсиз бўлишади. Улар Аллоҳ буюрган ҳар масалада эрларига итоат қилишининг тарафдориман. Уларнинг эрларига исёни Яратганга исёни бўлиб қолаверади... Биз эса Аллоҳнинг чегарасидан чиқишдан қўрқамиз.
#Умму Амина
@YAXSHILAR_UZB
1.7K views11:05
Y
