Спорт- нафақат соғлиқ гарови, тинчлик ва дўстлик элчиси ҳам. | Янгийўлликлар(расмий)®

Спорт- нафақат соғлиқ гарови, тинчлик ва дўстлик элчиси ҳам.

Бугун Янгийўл туман 3-сектор ҳудудида 15 та МФЙ аҳолиси ва умумтаълим мактаби ўқувчилари учун спорт байрами уюштириб берилди. Иш, иш, иш- чойхона, гап, тўй.. эмас, спорт орқали ҳам кўнгил ёзиш ва кайфиятни кўтариш мумкин.

Болаларни хурсандчилигини кўриб, доимий шундай спорт мусобақалари қилиб туриш керак эканлиги хаёлга келади. Кўзбўямачилик ёки ҳисоботлар учун эмас. Бугунгидай.

Бир қизча шахматда ютқазиб қўйиб жуда қаттиқ йиғлади...
Бири эса ғалаба қозониб...
Футбол бахсларида рақиб бўлган болалар ўйин пайти уришиб-тортишиб ғалаба учун тўп суришди, мусобақа тугагач, баъзида катталар ҳам қилмайдиган иш: ўйиндан сўнг бир бирларига билдирган самимий миннатдорчилигини кўриб - спорт нафақат соғлиқ гарови, балки тинчлик ва дўстлик элчиси эканлигини ҳис қиласан.

Якунда эса ғолибларни тақдирлаш маросими барчани хурсанд қилди.
Бу эмоциялар ва болаларни табассуми давомий бўлишини истаймиз.

P.s. Ютқазиб қўйиб йиғлаган қизчага эса: ўйиндан хулоса чиқаришни ўрганишини, хато ва мағлубият орқали тажриба тўплагани, иштирок этиш кўпинча ғалаба қозонишдан кўра муҳимроқ эканлигини, айтгим келди...
Хаа бугунги кун эмоцияларга бой бўлди

Каналга аъзо бўлинг
@yangiyolliklar