2021-01-02 16:46:12
Куч бирликда!1960 йил 1 февралда тўрт афроамерикалик талаба Гринсборо шаҳарчасида жойлашган Woolworth’s супермаркетининг кафесида ўтиришган бўлган. Улар қаҳвага буюртма беришди. Кафенинг официанти қора танлиларга хизмат қилмаслигини айтиб, талабаларга у ердан чиқиб кетишни маслаҳат берди. Бироқ, улар кафе ёпилгунича кетишмади - уларни чиқариб юборишга эса ҳеч кимнинг ҳаққи йўқ эди.
Эртаси куни эрталаб кафеда 12 нафар қора танли одам пайдо бўлди, учинчи куни – 60 нафарга етди. Тўртинчи куни кафеда қора танлиларнинг сони 400 нафарга етди. Улар кафени эгаллаб, ҳатто кўчада ҳам туришди. Woolworth’s раҳбарияти хавотирга тушди.
Мамлакат бўйлаб афроамерикаликлар норозилик намойишларини бошладилар. AҚШ муассасаларида зудлик билан ирқий қонун-қоидалар бекор қилина бошлади. Тўрт йил ўтгач, фуқароларнинг ҳуқуқларини ҳимоя қилувчи Civil Rights Act қонуни имзоланди.
Расмда ўша оммавий норозиликларга сабаб бўлган 4 нафар афроамерикалик йигит. Ҳукумат оммавий норозиликларни тартибга келтира олмай, қора танлиларнинг фойдаси учун чора кўришга мажбур бўлган.
Қиссадан ҳисса шуки, дунёни ўзгартириш учун 4 киши ҳам кифоя бўлиши мумкин экан. "Куч бирликда!" деб бежиз айтилмаган экан!
Telegram | Facebook | YouTube
42 views13:46