Аргентина пойтахти Буэнос-Айресда терма жамоанинг финалга йўл олгани мана шу тариқа қарши олинди. Дунёда футболни аргентиналиклардек севувчи миллат кам, улар стадионларда қўшиқ куйлаш борасида ливерпулчилардан қолишмайди.
Аргентина яримфинал учрашувида Хорватия устидан 3:0 ҳисобида ғалаба қозониб, сўнгги 8 йил давомида иккинчи марта финалга йўл олди. Месси ошналарининг бахти шундаки, бу сафар уларни финалда Германия кутиб тургани йўқ)
Маълумот учун, Аргентина ўз тарихида бешинчи марта ЖЧ финалига йўл оляпти (дастлабки — 1930 йили Уругвайда бўлиб ўтган ЖЧни ҳисобга олмаганда). Шундан иккитасида — ЖЧ-1990 ва ЖЧ-2014 финалларида аргентиналиклар айнан Германияга мағлуб бўлишган. 1978 ва 1986 йилги мундиал баҳсларида эса жаҳон чемпионига айланишган.
Бу сафар Аргентина кубокни уйига олиб кетадими?
Дўстларга улашиш
https://t.me/+SgjJE7y8s_r4J8pv
