YANGI QIZILTEPA

QIZILTEPALIK BITIRUVCHILARGA MEDALLAR TOPSHIRILDI

Tuman hokimligi binosida sektor rahbarlarining bitiruvchilar bilan ochiq muloqot tarzidagi uchrashuvi o‘tkazildi.

Uchrashuv avvalida tuman hokimi U. Fayziyev bitiruvchilarni tabriklab, ularga katta hayotdagi yo‘llarida omad va zafarlar tiladi. Bitiruvchi yoshlarning tumanimiz kelajagi uchun muhim ahamiyat kasb etishlarini alohida ta’kidladi.

Shundan so‘ng maktabni oltin va kumush medallari bilan yakunlagan o‘quvchilarga rahbarlar ishtirokida medallar topshirildi.

Uchrashuv davomida sektor rahbarlari bitiruvchilar bilan ochiq muloqotda suhbatlashishdi.

Ma’lumot uchun: joriy o‘quv yilida tumandagi maktablarni jami 51 nafar bitiruvchi medallar bilan yakunladi. Shundan 47 nafar bitiruvchi oltin medal bilan, yana 4 nafari kumush medal bilan bitirdi.

O‘quvchilari eng ko‘p medal olgan maktablar:

- 1-maktab (7 ta oltin, 1 ta kumush medal)
- 4-IDUM va 42-maktab (6 tadan oltin medal)
- 5-IDUM (5 ta oltin, 2 ta kumush medal)
————————
https://t.me/yangiqiziltepaa

Bugun Xoja Boyazid Bаstomiy ziyoratgohidan 48 nafar tumandoshlarimiz Haj safari uchun Navoiy xalqaro aeroporti tomon yo‘l olishdi.

Ertaga yana 21 nafar qiziltepaliklar safarga chiqishadi.

Safarga yo‘l olish oldidan tuman hokimining o‘rinbosari O‘. Istamov barchaga oq yo‘l, safarlari bexatar bo‘lishini va duolari qabul bo‘lishini tiladi.
——————————
https://t.me/yangiqiziltepaa

QIZILTEPALIK HAMSHIRA KO‘KRAK NISHONI BILAN TAQDIRLANDI

Bugun Toshkent shahrida 2023-yilgi "Yilning eng yaxshi o‘rta tibbiyot va farmatsevtika xodimi" tanlovi g‘oliblarini taqdirlash marosimi o‘tkazildi.

Tanlovning "Yilning eng yaxshi shoshilinch tibbiy yordam hamshirasi" nominatsiyasidagi g‘oliblik Qiziltepa TTBning shoshilinch tez tibbiy yordam bo‘limi hamshirasi N. Gʻafforovaga nasib etdi.

N. Gʻafforovaga g‘oliblik munosabati bilan vazirlikning sovg‘alari va "O‘zbekiston Respublikasi Sog‘liqni saqlash a’lochisi" ko‘krak nishoni topshirildi.
—————————————————
https://t.me/yangiqiziltepaa

Xotira va qadrlash kuni munosabati bilan Ziyokor mahallasida yoshlar o‘rtasida futbol bo‘yicha xotira musobaqasi o‘tkazildi.

Unda Buxoro viloyatining Peshku tumani jamoasi, Navoiy shahri jamoasi  va tumandagi mahallalar   mehmon bo‘lib, ishtirok etishdi.

Musobaqa natijalariga ko‘ra Ziyokor mahallasi yoshlari jamoasi g‘oliblikka erishishdi.

Musobaqa ishtirokchilari diplom va  esdalik sovg‘alari bilan taqdirlandi.
———————————————
https://t.me/yangiqiziltepaa

Tuman tibbiyot birlashmasi rahbariyati tashabbusi bilan tuman ko‘p tarmoqli markaziy poliklinikasi binosida “Yurak jamoasi” va “Shoh intervansion jamoasi” a’zosi intervension kardiolog-aritmolog va funksional diagnostika shifokori Sh. Xidirov va kardiologlar M. Vafoyev hamda D. Esanov ishtirokida yuragida muammosi bo‘lgan bemorlar uchun bepul tibbiy ko‘rik o‘tkazishdi.

Ko‘rikda 70 dan ortiq tumandoshlarimiz ishtirok etishdi. Ularga kardiologlar tomonidan tegishli tavsiya va maslahatlar berildi.
——————————————
https://t.me/yangiqiziltepaa

HOSIL YIGʻILMOQDA

Paxtaobod mahallasidagi xonadonlarda pilla terish mavsumi boshlandi.

Hosil yig‘ishda mahalla raisi D. Sharopova va mahallaning xotin-qizlar faoli R. Safarova ham ishtirok etishmoqda
https://t.me/yangiqiziltepaa