Пешкў тумани ҳокимининг жуда халқпарварлиги, тадбиркорларга бе | Haqiqatnoma

Пешкў тумани ҳокимининг жуда халқпарварлиги, тадбиркорларга бераётган чексиз эътибори туфайли навбатдаги тадбиркорлар ҳуқуқни муҳофаза этувчи органлар томонидан "бели синдирилди". Навоий деҳқон бозорида тадбиркорлик билан шуғулланиб келаётган икки нафар фуқаро Ғ.Р ва Ш.О лар бир ёлланган фуқаронинг аризаси билан атиги 200 АҚШ доллори билан ушлашмоқчи бўлишган. Ушлашмоқчи бўлишган дейишимга сабаб тадбир охирига етказилмаган. Ёлланган дейишимга сабаб фуқаро бориб департаментга икки тадбиркорни устидан шикоят қилган эмиш. Менимча шикоятнинг мазмуни тахминан бундай бўлса керак "мени тадбиркорлар чўнтагимдан 200 АҚШ тортиб олиб мажбурлаб майдалаймиз деб ҳоли жонимга қўймаяпти шу мақсадда тадбиркорларга чора кўриб беринг" деган бўлса керак. Шундан сўнг тадбиркорлар қамоққа олинган. Дунёдаги энг одил судимизнинг суд ҳукмига кўра тадбиркорларнинг бирига 5 йил яна бирига 4 йилу 8 ойгина озодликни чеклаш яъни уй қамоғи жазоси тайинлаган.