2023-01-01 08:35:50
2 минг йигирма уч, омад олиб кел,
0 йдин эт юргувчи йўлларимизни.
2 дунёсига етгулик бахт бер,
3 карра қувонтир дилларимизни.
2 минг йигирма уч, кўнглимизга боқ,
0 қсин биз томонга замоннинг зайли.
2 қўйма бизга ҳаёт дарсидан,
3 бора имтиҳон қилсанг ҳам майли.
2 минг йигирма уч, раҳм эт кўнглима,
0 ташингга солма, куйдирма ҳадеб,
2 йўл ичинда қолдирма мени,
3 пулга арзимас ғанимларни деб.
2 минг йигирма уч, ишқ бер,юрагим,
0 шиқлик сурури шавқидан тўлсин.
2 кўзим бирла севаман ишон,
3 сўзимдан бири "Муҳаббат" бўлсин.
2 минг йигирма уч, оқизма асло,
0 дан бошлаганлар манглайидан тер.
2 миллион берма харомдан, майли,
3 сўм бўлса ҳамки, ҳалолидан бер.
2 минг йигирма уч, илтижойим шу,
0 рзулар юртига қадам ташлайлик.
2 кафтим очиб сўрайман Ҳақдан,
3 кунимиз борми..., шодон яшайлик.
310 viewsedited 05:35
