АНТИУДАЛЕНИЕ «Хаттар: Дlайса яхьийтинчух дlа яьхна йолчу хӀумане (статус, сообщени) хьожуьйтуш йолу функци латоран хьукм хӀу ду? Дала боху: «Вовшийн къайленаш ма леха!» [ал-Хьуджурот, аят: 12] Иштта Пайхамара а ﷺ аьлла: «Вовшийн сакхташ ма леха! Вовшийн къайленаш йовза ма гӀерта». Имам ал-БагӀавыйс (АллахӀа къинхетам бойла цунах) аьлла: «АллахӀа дихкина нехан къайленаш йовза гӀертар а, Дала хьулдина долу церан сакхташ довза гӀерташ царна тӀаьхьа ваьлла лелар а.» Ибну Хьажар ал-ХӀайтамийс (АллахӀа къинхетам бойла цунах) шен «Аз-Заваджир» (2/32) олучу жайнахь аьлла: «Дала дихкина долу тӀаьхьа ваьлла лелар иза - нехан къайленаш Ӏад цайитар ду. Ца доьвзуш диснехь хьан дагна а, динан а гӀолехь долу хӀума довза гӀертар ду иза». Байттамал яӀ! И къайле йоьвзинчул тӀаьхьа стагна сингаттам а, нахах лаьцна вон ойла яр бен хуьлуш хӀумма а ца хилча хӀунда гӀерта те и къайле йовза?» Шайх Лабиб Нажиб حفظه الله. 3.8K viewsedited 19:02