КАСАЛЛИК ҚОН ОРҚАЛИ ЮҚИШИНИНГ ОЛДИНИ ОЛИШ УЧУН НИМАЛАРГА АҲАМИ | Хоразм вилояти ОИТСга қарши курашиш маркази

КАСАЛЛИК ҚОН ОРҚАЛИ ЮҚИШИНИНГ ОЛДИНИ ОЛИШ УЧУН НИМАЛАРГА АҲАМИЯТ ҚАРАТИШ КЕРАК?
1. Тиббий муолажаларда стерилланган асбоб-анжом (гинекологик, стоматологик, жарроҳлик ва бошқа)ларнинг ишлатилишини назорат қилиш.
2. Тиббий муолажаларда, шунингдек ўғил болаларни хатна қилганда, қиз болаларнинг қулоғини тештирганда бир марталик асбоб-анжомларнинг ишлатилишига аҳамият беринг. Бир марталик асбобларнинг қопламасини кўз олдингизда очишларини талаб этинг.
3. Терига игна ёрдамида расм солдириш (татуировка) бу қайтмас жараён, уни истаган вақтингизда ўчириб ташлай олмайсиз. Кейинчалик афсуслантирадиган бу ёт “урф”га берилманг!
4. Пирсинг, татуажда бир марталик асбоб-анжомларнинг ишлатилишини назорат қилинг!
5. Гиёҳванд моддаларни ҳатто бир марта таътиб кўриш ҳам хавфли эканлигини унутманг!
6. Тиш ювиш чўткаси, соқол олиш, тирноқ тозалаш асбоблари, устара каби шахсий гигиена воситаларидан бошқаларнинг фойдаланишларига йўл қўйманг!
Унутманг! Айнан шу йўллар билан жигарнинг сурункали юқумли касаллиги бўлган вирусли гепатитнинг В ва С турлари ҳам юқиши мумкин.
ОИВ ИНФЕКЦИЯСИ ЖИНСИЙ ЙЎЛ ОРҚАЛИ ҚУЙИДАГИ ҲОЛАТЛАРДА:
ОИВ инфекцияли шахс билан ҳимояланмаган ҳолда жинсий алоқада бўлганда ҳамда бетартиб жинсий алоқа, яъни бегона шахслар билан тасодифий жинсий алоқада бўлган ҳолатларда ОИВ инфекциясини юқтириб олиш мумкин.
КАСАЛЛИКНИНГ УШБУ ЙЎЛ БИЛАН ЮҚИШИНИНГ ОЛДИНИ ОЛИШ УЧУН НИМА ҚИЛИШ ЗАРУР?
Соғлом турмуш тарзи талабларига қатъий риоя қилиш, бегона шахслар билан тасодифий жинсий алоқада бўлишдан сақланиш, никоҳдан ўтишдан олдин албатта тиббий кўрикдан ўтиш, жумладан ОИВ инфекциясига текширишдан ўтиш шарт ва зарур. Бу борада лоқайдликка йўл қўйиш саломатлик, оила ва фарзандлар соғлигини хавф остига қўйиш демакдир.

@xvoits