Xushnudbek - o‘ta shaxsiy

2022-10-12 21:03:22 Facebook eslatdi: Zakovatning Buxorodagi Grand-final tadbiri o’tkazilganiga roppa-rosa 1 yil bo’libdi.

“Zakovat” klubi uchun tarixiy va unutilmas kun bo’lgan edi.


@xushnudbekuz Ochish/sharhlash

2022-10-12 16:40:06 ​Иши йўқ ит суғорар, дейдику.

Тошкент шаҳар ИИББ ижарачи қизларни чиқараётган аёл ҳақида ролик суратга олган 1-курс талабасини топиб, у билан профилактик суҳбат ўтказибди ва узр сўраттирибди. Яна қўшимчасига ёш талабага "сохта обрў орттириш мақсадида" дея тамға ҳам қўйибди.

Вооо, баракалла, жуда катта жиноятчини ушлабсизлар, қойил сизларга. Пойтахтда ИИББ курашадиган бирорта жиноят қолмадими, нима бало? Бутун Тошкент қонунларга бўйсуниб яшаётганидан зерикиб ўтирганмидингларки, бечора талабани қидириб топиб, салкам 1 кун вақтингизни шунга сарфлабсизлар.

Хўп, сизлар ҳақингизда яхши гумонда бўлиб, дастлаб резонансли видеони ҳақиқат деб ўйлаб, ўша аёлни қидиргансизлар, ҳам дейлик. Аммо кейин бунинг саҳналаштирилгани маълум бўлгач, талабани омма олдида сазойи қилиб бало бормиди?

Дард устига чипқондек, Тошкент шаҳар ИИББ каналида ушбу видео тагига "Интернетда тарқалаётган видеоларнинг ҳаммаси ҳам ҲАҚИҚАТ ЭМАС" деб ёзиб ҳам қўйишибди.

Нимаси ҳақиқат эмас? Уй эгалари Россия фуқаролари оқими кўпайгани учун ижара нархини отнинг калласидек қилиб олгани ҳақиқатмасми? Куппа-кундуз куни пул учун уйидан ижарачиларни кўчага ҳайдаб чиқараётгани, талабалар оёғи куйган товуқдек ижарага уй қидириб юргани ёлғонми? Минглаб уй эгалари лафзидан қайтиб, "ёки қимматроқ тўлайсан, ёки чиқиб кет", демаяптими нима бало? Унда Тошкент шаҳар ИИББдагилар кўрми ёки карми?

Қачондан буён бирор ўткир муаммоли вазиятга бағишлаб ролик суратга олиш қонунбузарлик ёки сохта обрў орттириш бўлиб қолди? Қачон буён ички ишлар органлари эркин ижодни таъқиб қилмоқда?

Ижтимоий тармоқларда нега бу ролик кескин ва нафрат билан кутиб олинди, биласизларми? Чунки видеодаги бу ҳолат — АЙНИ ҲАҚИҚАТ! Ўн минглаб одамларнинг ДАРДИ бу!

Шармандалик! Тошкент шаҳар ИИББ қилган ишдан уялиб кетдим очиғи.

Ўша 1-босқич талабаси ва унинг курсдошлари фаолиятига эса омадлар тилайман! Ҳали энди бошланғич курс бўлишига қарамасдан, яхши саҳналаштириб, худди реал ҳаётга ўхшатиб суратга олибди, баракалла. Агар ўқишдан бўш вақтида имкони ва хоҳиши бўлса, бажонудил ЎзА Медиа марказига ишга олишга ҳам тайёрмиз. Бизга айнан шу каби ўткир ва ҳаётий репортажлар етишмаяпти.

P.S.: айтганча, бу постни мен ҳам "сохта обрў орттириш мақсадида" ёздим. Мени ҳам профилактик суҳбатга чақиришларингиз мумкин, тайёрман.


@xushnudbek Ochish/sharhlash

2022-10-11 14:51:17 Prezident ta’lim muassasalari agentligi tizimidagi maktablar o‘rtasidagi “Zakovat” turniri yakuniy natijalari:

1-o‘rin: Namangan shahridagi Prezident maktabi;

2-o'rin: Qarshi shahridagi Abdulla Oripov ijod maktabi;

3-o‘rin: Samarqand shahridagi Prezident maktabi.

Mazkur turnir sovrindorlariga ham mana bu mukofotlar beriladi.


@xushnudbekuz Ochish/sharhlash

2022-10-11 11:37:56 Yaxshi kelajak qurish uchun eng avvalo yaxshi ota-onalarni tarbiyalashimiz kerak.


@xushnudbekuz Ochish/sharhlash

2022-10-11 10:56:30 Ochish/sharhlash

2022-10-11 10:09:50 Shunchaki ma'lumot uchun. Ochish/sharhlash

2022-10-11 08:44:14 Bu esa maktablar o‘rtasidagi “Zakovat”da chempion bo‘lgan Farg‘ona tumani 36-maktab o‘quvchilarini Marg‘ilon vokzalida kutib olish.

Karnay-surnaylar, gullar, qarsaklar... Barchasi ajoyib!

Hali maktabida va viloyat hokimligida yana alohida tadbirlar bo‘lsa kerak.

P.S.: Nurbek Alimov ham shu poyezdda bor ekan, Zakovatni shkolotronlar o‘rtasidagi chempionatida kimdir yutibdi shekilli, deb so‘rayapti ))


@xushnudbekuz Ochish/sharhlash

2022-10-10 19:30:13 Kecha maktablar o’rtasidagi “Zakovat” turniri respublika bosqichida 2-o’rinni egallagan Samarqand viloyati Nurobod tumanidagi 11-maktab o’quvchilarini o’z maktabida mana shunday kutib olishibdi.

Bilim ortidan muvaffaqiyatga erishgan bu kabi zamonamiz qahramonlarini ko’proq yaratishimiz va qadrlashimiz kerak.


@xushnudbekuz Ochish/sharhlash

2022-10-10 13:19:09 To‘lov-kontrakt mablag‘larini to‘lash muddati 1 noyabrga qadar uzaytirildi Ochish/sharhlash