Xurramov Blog

2022-08-24 15:45:05 Qalb ozuqasi

Hech e'tibor qilganmisiz? Inson hayot kechirishi uchun (suv va boshqa oziq-ovqati mavjud) ozuqasi bor. Bordi-yu, tanamizga kerakli ozuqa moddalarni bermasak, hayot kechira olamizmi? Yo'q, albatta, energiyamiz qolmay, holsizlanib halok bo'lishimiz mumkin... Nafsimizga kerakli narsalarni estimol qilamiz, ba'zilar mevalarni xo'sh ko'rsa, ba'zilar go'shtli mahsulotlarni estimol qiladi va o'ziga yoqmagan ozuqadan uzoq bo'ladi.

Xo'sh endi, buni qalb ozuqasi bilan nima aloqasi bor deyishingiz mumkin? Imkon qadar, tushunarli yozishga harakat qilaman. Bizning jismimizga (nafsimizga) kerakli moddalarni estimol qilar ekanmiz, shu jumladan qalbimizga ham ozuqalanib ketamiz. Va ich-ichimizdan shu kabi holatlarni xohlaymiz!

Masalan, kimdir ishlaganda musiqa eshitib ishlaydi va o'sha musiqadan energiya olib ishlaganday his qiladi o'zini. Shu jarayonda u kishining qalbi musiqaga o'rganadi va musiqasiz ishlayotgan holatda o'zini quvvatsizday his qila boshlaydi! Bunga sabab u ko'p vaqtini musiqa tinglab, shu jarayonga o'rganib qolganidandir. Yoki bo'lmasa, taqvodor inson namozini qazo qildi deylik, u o'sha kuni o'zini yashamaganday his etadi va holsizlanib qolishi mumkin. Negaki, uning qalbi islom bilan, Allohga muhabbat bilan yashaydi.

Biz nima qilyapmiz, nafsimizga va qalbimizga nimani joylayapmiz va boshqa shu kabi savollarni o'zingizga berib ko'ring?!

Qalb ozuqasi uchun eng yaxshi ozuqa bu ilm o'rganish va ortiqcha keraksiz narsalardan uzoq bo'lishdir. Musiqa, kino, serial hakozo keraksiz yozishmalardan uzoq bo'lgan odam o'ziga munosib va eng yaxshi qalb ozuqasini topadi, inshaalloh!

P.s: Bu post foydali bo'lgan bo'lsa o'z yaqinlaringiz bilan, postda yozilganlari bo'yicha o'zingizni tahlil qiling. Postda shaxsiy fikrlar yozilganini unutmang, nuqson va kamchiliklari uchun!

Suxrobjon Xurramov

@suxrobjonxurramov Ochish/sharhlash

2022-08-16 14:40:34 ​​Izlanish ko'nikmasi

Tafakkur qila olish uchun ikkinchi asosiy omil bu - Izlanish degan edim.

Agar kimdir "Hozirgi davrda eng katta defitsit nima?" deya so'rovnoma o'tkazsa, shubhasiz "IZLANISH" varianti eng ko'p ovoz to'plagan bo'lardi.

Mustaqil izlana olish shu qadar kamyob ko‘nikma-ki...

Ajib-ki, aynan shu yo'qolib borayotgan ko'nikma sabab insonlarda tafakkur qilish yoki hech bo'lmaganda bunga urinib ko'rish kamayib ketyapti.

Fikr yuritish - Izlanish ortidan keladigan jarayon. Odamzot qachon bir narsani o'zi mustaqil izlanib/qiynalib topib olsa - o'sha topgan narsasi haqida o'ylashni, fikr yuritishni boshlaydi.

Nouman Ali Khan o'zining bir ma'ruzasida Alloh Taoloning arilar va ularga qarab tafakkur qilish to'g'risida nozil qilgan oyatini o'qigach tasavvurga ega bo'lish uchun arilar haqida 5-6 ta hujjatli ko'rsatuvni ko'rib chiqqanini aytgandi.

Tushunayapsizmi?

Bir hashorot haqida Alloh oyat nozil qildi. Siz esa o'ylab qoldingiz "Alloh nega o'rgimchak, ninachi, chuvalchang, kapalak va boshqa hasharotlar qolib aynan arilar haqida zikr qildi?" deb.

So'ng telefonni olib internetdan arilarning hayoti, uyasi, asal tayyorlashi va hkzlar haqida ko'rsatuv ko'rishni boshladingiz.

- Nima uchun?
- Robbingiz, sizga ularga qarab fikr yuritishni buyurgani uchun!

Axir qaysi birimizni hozir shunday qilishga toqatimiz yetadi?

Elementar bo‘lgan savollarni Googlega yozishga erinib, kimdir kelib bizga tayyor javobni berishini xohlaymiz-ku, endi izlanish haqida gap bo'lishi mumkin emas!

Inson o'ziga kerak bo'lgan narsani boshqalardan so'ramay qidirar ekan:

- O'z ustida ishlashni boshlaydi
- Mustaqil bo'ladi
- Odamlarni ensa qotirishi va malollantirishdan uzoq turadi
- Izlab topgan narsasi bir umrga o'ziga ilm bo'lib qoladi

Izlanuvchanlik - zamon talabi! Zamon bilan hamnafas yashay olish - har bir musulmonning burchi!

Fathiyya Nabijon

@fathiyyanabijon
#fathiyya_bilan_tafakkur Ochish/sharhlash

2022-08-07 12:12:21 ​​Ayol kishining ishlashi va onalik qilishi

Bolalarimizning tarbiyasidagi eng muhim shaxs onadir. Biroq ertalab tongdan to kechgacha kuniga 8 - 10 soat ishlaydigan ayol kechga charchoq bilan uyga kelganida bolalariga nima bera oladi? Ayollarimiz faqatgina ishxonada ishlash majburiyatida emas, uylarida ham ularni supur-sidir, tozalik, taom tayyorlash kabi ishlar kutib turadi. Inson bunday og'ir shart-sharoitda ishlab, qanday qilib baxtli bo'lishi mumkin?! Qachon u farzandining dini va axloqi borasida shug'ullanishga vaqt ajratadi?

Ayol umuman ishlamasin demaymiz, deya olmaymiz ham. Chunki ishlayotgan ayolning nimalarni boshdan kechirayotganini, qanday vaziyat uni ishlashga undayotganini bilmaymiz. Turmush o'rtog'i hayot bo'lmagan, xo'jayini tirik bola turib, borligi hech narsani o'zgartirmaydigan va ishlash majburiyatida qolgan qancha ayollarni bilamiz. Faqat ayol o'ziga hamda fitratiga munosib bo'lgan bir ish bilan shug'ullanishi kerak, degan bolardik. Pul topsam bo'ldi, qanday ish bo'lsa bo'lsin deyish noto'g'ri. Bugungi kunning zamonaviy fikrlovchi jamiyatida «ayolman, hamma ishni qilaman» degan qolip mavjud. Reklamalarda ayollarning qurilishlarda, avtoservis xizmatlarida ishlayotganini ko'rsatish bilan yanglish yo'lga boshlashyapti. Ayollarning o'zlaridek nozik, o'z dunyolariga uyg'un, jismoniy jihatdan ham ularni toliqtirmaydigan ishlarga mas’ul qilish kerak. Bunday ishlar ayollarning fitratiga ham mos keladi.

Ayol hamma ishni eplay oladi deb unga taksi haydovchiligi va'zi berish qanchalik to'g'ri?! Ayolning qiladigan yuzlab ishi bor ekan, nega aynan shofyorlik?

Ayol ishlay oladi, faqat ayolligining va Allohning unga yuklangan javobgarliklarini tark qilishiga majbur bo'lmaydigan ishni bajarishi afzaldir. Tadqiqotlar olib borish davomida, men styuardessalar haqida qiziqib ko'rdim. Styuardessalik uchun quyidagi shartlar lozimligi korsatilgan edi:
— Bo'ylari 163 - 180 sm; 
— Yoshi 19 – 29 orasida bolgan;
— Bir vaqtda hamma narsaga diqqatini qarata oladigan;
— Qurollarni ishlata oladigan;
— Insonlarga xizmat qilishdan, muhtojlarga yordam berishdan mamnun boladigan;
— Uzoq vaqt tik oyoqda tura oladigan;
— Kulib turuvchi, ozoda, xorijiy tillarni
(xususan, ingliz tilini) bilishlari kerak.
Endi bu shartlarni ko'ring va Buyuk Allohning Qur’oni karimda, Payg'ambarimiz sollallohu alayhi vasallamning hadislarida kelgan bir ayolga berilgan vazifalar bilan solishtiraylik...

Uyda turmush o'rtog'i va bolalariga xizmat qilgan ayol qul, samolyotda yuzlab yo`lovchiga xizmat qilgan ayol zamonaviy ayolmi?!

«Olim yetishtirgan onalar» kitobidan.

Telegram | Instagram | TikTok | YouTube Ochish/sharhlash

2022-07-31 20:57:29 Oilaviy munosabatlar va muammolarga yechim

Yosh oilalar va ajrimlar haqida oʻz fikrlarimni boʻlishmoqchi edim. Lekin, yaxshigina va juda foydali manbalar turganda bugunchalik fikrlarimni yozmoqchi emasman...

Shu sababli, Ikrom Sharif ustoz tomonlaridan taqdim etilayotgan oilaviy munosabatlar mavzusidagi videolarni boʻlishmoqchiman:

“Qanday qizga uylanish kerak?” – Ushbu video orqali uylanish arafasida boʻlgan yigitlar uchun foydali maslahatlar berib oʻtilgan.

“Qanday yigitga turmushga chiqish kerak?” – mavzusida qizlar uchun, eshitsalar manfaati tegadigan maʼlumotlar berilgan.

“Nigohning birinchi kechasida...” – yosh oilalar uchun, oilaviy munosabatlarini qanday boshlash kerakligi haqida...

“Oilaviy ajrimlar oldini olish boʻyicha eng samarali yoʻl” – jamiyatimizda kundan-kun sayin, ajrimlar soni oshib bormoqda, buning oldini olish uchun ushbu videodagi fikrlar manfaatli boʻladi, inshaalloh!

“Farzand tarbiyasidagi eng ibratli yoʻl” – farzandini tarbiyasiga befarq boʻlmaganlar uchun foydali videorolik.

P.s: Yuqorida taqdim etgan videokontentlarimizni koʻrib, hayotingizga yaxshi oʻzgarishlar sezilsa, men bundan xursand boʻlar edim)

@suxrobjonxurramov Ochish/sharhlash

2022-07-31 09:15:14 ​​Бугун ўзбек ижтимоий тармоқларини портлатган ушбу сурат ва ҳодиса тафсилотлари ойдинлашгани сайин фожиа кўлами кенгаяверди. Аввалига аёллар устидан зўравонлик сифатида қабул қилдик, вазият аниқлашавергач, бошқа муаммоларимиз очилди: сурат бугунги ижтимоий-иқтисодий аҳволимизни кўрсатувчи ўта қайғули полотнога айланди.

Аёл ва бола… Мардикор аёл ва шу аёлга ишониб топширилган бола… Боланинг ота-онаси? Аёлнинг опаси ичган экан… аёлни дўппослаган “эркаклар” қарийб 10 млн сўм зарар кўрган — уларнинг ҳам бола-чақаси ризқи қийилди… бригадирлар — шу аёлларнинг пешона тери билан топилган пулидан “чўтал” олади, кимгадир бир қисмини берса ҳам керак — қандайдир солиқдан ташқари солиқ… нимага бу аёллар кўчадан иш қидиради, 21-асрда шу бозор ҳамон замонавий ташкил қилинмаган… нима учун болакай боғчада, уйда, ота-онаси бағрида эмас, ичган, уришқоқ аёллар ёнида?.. одамлар ош-нонга пул топаман деб шундай калтакланяпти-калтаклаяпти… шунча муаммо, шунча азоблар ва аянчли тақдирлар тўқнашган нуқта бу сурат

Энди ўчириб бўлмас
Ҳатто кечириб бўлмас…

Тирикчилик тошдан қаттиқ…

Модомики, иш билан таъминлай олмас эканмиз, ўқитолмас эканмиз, ҳеч бўлмаса, ишини ўзи топиб юрганлар учун тартиб ва хавфсизликни таъминлаш керак. Аёллар қийналгани — бу иситма, жамиятдаги кўп муаммоларнинг белгиси. Мардикор аёлларнинг меҳнати қадрли, унга талаб бор экан, зарур инфраструктура қилиб берайлик ҳеч йўқ. Кўчада одамлар меҳнат қиламан, нон топаман деб бундай хор бўлиши қайси мақсадларимизга мувофиқ???

Шу суратни кўриб инсон сифатида хўрланиб кетдим…

Бу суратда тирикчилик жангининг бир лаҳзаси муҳрланган.

“Куйи шундай бўлса, ғамнинг ўзига қандай чидай олган экан одамзот?”

Номи қийин, қиммат машиналарда юрган ҳокимбовалар, шу суратни иш кабинетингизга илиб қўйинг!

Йўл, касалхона, мактаб… қураман деб триллионларни ўмараётган ўғрилар — тешиб чиқсин!

Ўз халқига бирни иккига сотиб, одамларни баттар қашшоқлаштираётган лоббистлару монополистлар — сиз қачон тўясиз?

Ва яна бошқалар…

Бунча қийин бўлиб кетди бу тирикчилик???

@shahnozxon Ochish/sharhlash

2022-07-09 14:08:30 Qurbon hayiti bilan barcha musulmon ahlini tabriklayman!

Ushbu qutlug' kun munosabi bilan, barchaga tinchlik, farovonlik va oilaviy baxt tilab qolaman.

Ko'nglingizdagi barcha ezgu niyatlarga yetib yurishingiz, ko'ngil xotirjamligi va ishlaringizga Allohdan baraka berishini so'rab qolaman.

Hurmat ila Suxrobjon Xurramov! Ochish/sharhlash

2022-05-02 06:09:22 Ramazon bayrami barchamizga muborak boʻlsin azizlarim! Ochish/sharhlash

2022-03-01 22:27:34 Anchadan beri o'zbek tilida nashr qilingan va "O'qilishi shart bo'lgan" kitoblar ro'yxatini tuzishni reja qilib yurgan edim. Va nihoyat, ushbu ishni bugun Allohning izni ila tugatishga muyassar bo'ldim. Ushbu ro'yxatdagi kitoblarni barchasini o'qib chiqishni tavsiya qilgan bo'lar edim. Albatta, ushbu ro'yxatga kira olmagan juda ko'plab yaxshi kitoblar mavjud, ammo shaxsiy tajriba va ustozlar maslahatiga ko'ra shunday yakunlashga qaror qildik.

Alloh barchamizning ilmimizni ziyoda va barakali qilsin, amiyn !

Hurmat bilan, duolaringizga umidvor bo'lgan Hasanxo'ja Muhammad Sodiq.

P.s. Ushbu ro'yxatdagi kitoblar ko'pchilikka manfaatli bo'lishi uchun yaqinlaringiz bilan ulashishingizni so'rab qolamiz. Ochish/sharhlash

2022-03-01 22:20:30 #xushxabar

O'zbekzabon hamyurtlarimizga xushxabar!

Yurtimizda yana bir TaqvoTV — ilmiy-ma’rifiy onlayn kanali o'z faoliyatini boshladi. Alloh bu xayrli ishga O'z barokatini yog'dirsin! TaqvoTV kanalining jamoasiga kuch, g'ayrat, shijoat ato qilsin!

Hurmatli obunachilarimizga TaqvoTV kanalining ijtimoiy tarmoqdagi sahifalariga obuna bo'lishni tavsiya qilamiz.

Mazkur kanal o‘zbekzabon musulmonlarning sog‘lom e’tiqodlarini shakllantirish, ma’naviy-ma’rifiy salohiyatini oshirish hamda shar’iy bilimlarini yuksaltirishga xizmat qiladi.

Shu bilan birga kanalda oyatlar va hadislar sharhi, sahobalar pand-u nasihatlari, tafsir, fiqh, hadis, aqoid fanlaridan turkum darslar va ularning sharhlari onlayn tarzda taqdim etiladi.

TaqvoTV — taqvo istagan qalblar uchun!

Telegram | YouTube | Instagram | facebook Ochish/sharhlash

2022-03-01 22:18:58 ГулДУ (Гулистон давлат университети)даги ҳолат.

Ҳижобли қизлар дарсга киритилмаяпти.

Бу билан уларнинг қонуний ҳақ-ҳуқуқи топталяпти, аёллар камситиляпти.

Аммо аёллар ҳуқуқлари деб ҳайқирадиган аксар фаолларимиз бундай пайтда жим кузатади. Сабаби ҳижоблиларни ҳимоя қилиш «не стоит».

Диндорларга сигнал беришни қойиллатувчи, бироқ диндорларнинг ҳуқуқи топталса мум тишловчи Адлия вазиримиз ҳам вазиятни индамай кузатишни маъқул кўради.

Мана шундай ишларни қўрқмай, очиқчасига қилишдан чарчамаётганларга доим бир гап айтгим келади: Сизларнинг онангизнинг маҳрига дунёвий давлат бўлиб тушган юртда биз ҳам ўзимизнинг қадриятларимизга амал қилиб яшасак бўладими?

@temurazam Ochish/sharhlash