Шаръий ҳукм: Маййит қабрга қўйилгач, ўша кеча “Хуфтан” намозид | ХЎЖА САХАТЛИКЛАР

Шаръий ҳукм: Маййит қабрга қўйилгач, ўша кеча “Хуфтан” намозидан кейин “Ваҳшат” намозини ўқиш мустаҳабдир.

БИСМИЛЛАҲИР РАҲМАНИР РАҲИЙМ
ВАҲШАТ НАМОЗИ

Ҳазрати Расули акрам (с.а.в.о.) буюрадилар: “- Орангиздан, фоний дунёни тарк этганларга раҳм қилинг, уларнинг биринчи қабр кечасида Накир ва Мункарлар билан савол – жавоблари осон кечиши ва қабр сиқишидан қийналмасликлари учун улар ҳақига ваҳшат намозини адо этинглар”.

Ваҳшат намози 2 (икки) ракъатдан иборат бўлиб, у қуйидагича ўқилади:

Ният: Икки ракъат “Ваҳшат” намозини адо этаман, қурбатан илаллоҳ Аллоҳу акбар.

Биринчи ракъатда: “Ҳамд” сурасидан сўнг “Оятал курси”

Иккинчи ракъатда: “Ҳамд” сурасидан сўнг 10 маротаба “Қадр” (инно анзалноҳ) сураси ўқилади.

Намознинг охирида саломлар берилгач, қуйидаги зикр айтилади:

Аллоҳумма салли ало Муҳаммадин ва Оли Муҳаммад, вабъас савобаҳо ило қабри ИСТАМ БИН ЖЎРАҚУЛ, дея намоз ниҳоясига етказилади.

Аллоҳ ўз даргоҳида қабул қилсин!
Кулли нафсин зоиқатул мавт