#ИД_33_пост_172_2024 АЛЛОҲ БИЛАН РОЗУ-НИЁЗ Дедим: Худойим, қ | ХЎЖА САХАТЛИКЛАР

#ИД_33_пост_172_2024

АЛЛОҲ БИЛАН РОЗУ-НИЁЗ

Дедим: Худойим, қандай бошлайин?
Худойим деди: Менинг номим ила.
Дедим: Худойим, қандай тинчланай?
Деди: Мени зикр этиш ила.
Дедим: Худойим, жуда ҳам яккаландим!
Деди: Сен Мендан кўра яккамисан?
Дедим: Худойим, атрофимда ҳеч бир кимса қолмади.
Деди: Менчи? Мен борманку!
Дедим: Худойим, баъзилардан дилим сиқилган.
Деди: Ҳатто, Мендан ҳамми?
Дедим: Худойим, қалбим бўшаб қолган.
Деди: Унда, қалбинг жомини Менинг ишқим ила тўлдиргин.
Дедим: Худойим, қўлларим калта ва муҳтожман.
Деди: Унда Менинг қўлларимдан тутгин.
Дедим: Худойим, бошимдаги мушкулларимни нима қилай?
Деди: Менга таваккул қилгин.
Дедим: Худойим, Сенинг зоти покингдан узоқлашганимни ҳис қилаяпман.
Деди: Йўқ, асло ундай эмас. Ҳеч бир зот Мен каби сенга яқин эмасдир.
Дедим: Худойим, битмас-туганмас орзуларим бор. Уларни не қилай?
Деди: Саъй-ҳаракат қил ва Менга умид боғлагин.
Дедим: Худойим, нега бунчалар "МЕН" деяверасан?
Деди: Чунки, Мен сен билан ва сен Мендансан!

“Қуръон сирлари” китобидан Саййид Азиз Саййид Исо ўғли таржимаси

https://t.me/xujasoatliklar