Xorijdagi o‘zbeklar

2023-02-16 15:20:20 Туркиянинг зилзила содир бўлган Малатя шаҳрида 4000 кишилик ош тарқатилибди

@xorijdagiozbeklar Ochish/sharhlash

2023-02-16 13:33:26 Истанбулда яшовчи ўзбекистонлик Абдукарим Мирзаев ижтимоий тармоқдаги пости билан Туркиядаги табиий офат қурбонлари учун 6,5 миллион лира (350 минг доллар атрофида) йиғди. Мирзаев йиғилган ёрдамни ҳозир табиий офатдан жабрланганлар эҳтиёжлари учун сарфламоқда.

@xorijdagiozbeklar Ochish/sharhlash

2023-02-13 13:32:19 Канадада яшаб ишловчи Фарҳод Файзуллаев ёзяпти:

"Мен электрга арзон тўлайман, киловатти 7 Канада центи (590 сўм). Чунки 1,5 йил аввал, электр арзон пайтида, етказиб берувчи компания билан 5 йиллик шартнома тузганман. Бу давр мобайнида нарх ўзгармайди. Фикс шартнома тузиб қўймаганлар ҳозир 25 цент (2100 сўм)дан тўлаяпти".

@xorijdagiozbeklar Ochish/sharhlash

2023-02-13 08:11:25 Ўзбекистонликлар Туркиянинг Хатай вилоятидаги Овакент ўзбек маҳалласида зилзиладан қийналганларга беғараз ёрдам кўрсатди.

@xorijdagiozbeklar Ochish/sharhlash

2023-02-11 07:28:19 Ўзбекистонга раҳмат!

@xorijdagiozbeklar Ochish/sharhlash

2023-02-10 15:23:49 «...Кўчада қолган бошпанасиз одамларнинг ёнидан бошимизни баланд кўтариб ўтиб кетардик ёки инсоф қилсак, майда пул бериб ўтардик. Зилзиладан кейин, ҳокимият тарқатаётган емаклардан олиш учун улар билан бир қаторда навбатга туришга мажбур қолдик... Йўқ, мен бундан нолимаяпман. Сенга бошқа нарсани айтмоқчиман.

Кўчада олов атрофида исиниб ўтирганимизда кекса бир киши: «Ол, қизим, шунга ўраниб ўтир», - деб қалин кўрпа кўтариб келди. Кейин: «Ўғлинг тирикми, жабр кўрмадими?» - деб сўради. Ҳайрон бўлдим. Бутунлай нотаниш одам. «Худога шукр, ўғлим соғ-омон» - десам, хурсанд бўлиб кетди. Бироз гаплашдик. Билсам, бу одам кўчада яшаркан. Қачондир ўғлим иккимиз унга тўртта нонга етгулик пул берган эканмиз... Унутмаган экан... Ўпкам тўлиб кетди... Бу зилзила шахсан мен учун хайрли бўлди. Ўз қобиғимга ўралиб, одамгарчиликдан чиқиб қолаётган эканман. Ўзимга келдим. Кўзим очилди!..

Сен шуни ёз. Токи, бошқаларнинг ҳам кўзи очилиши учун бошига бир бало келиши шарт бўлмасин. Одамлар кўзини очсин!..»

Дилфуза Комил

@xorijdagiozbeklar Ochish/sharhlash

2023-02-09 19:34:28 Ўқинг, фақат йиғламанг!

Ўзбек халқи болажон халқ. Мана шу талотўпларда ҳам кеча 20 га яқин она штабга телефон қилишибди. “Туркияда болалар етим қоляпти. Олиб келинглар, мен боқиб оламан. Ота-она меҳрисиз ўсмасин, ўзимнинг фарзандларимдек тарбия қиламан”, деяпти.

Яна бир собиқ ҳарбий қўнғироқ қилиб: “3 йил бўлди, пенсиядаман. Чидай олмаяпман. Қандай бўлса ҳам жўнатинглар, илтимос. Болалар ўлмасин. Улар яшаши керак. Жонимни беришга ҳам тайёрман”, дебди.

Самарқанддан травматолог врач қўнғироқ қилди: “Жабр кўрганларга оилам билан ёрдам беришга тайёрмиз. Фарзандларимни ҳам олиб бораман. Ҳар қандай мураккабликдаги операцияни қила оламиз”, дебди.

Яна бир ёши каттароқ опа телефон қилиб: “3 та ўғлим бор. Ҳаммаси ёрдамга тайёр. Мен фарзандларимни инсониятга фойдаси тегсин деб ўстирдим. Ҳар қандай ҳолатда ҳам ёрдам берамиз. Ҳозир десангиз, ҳозир жўнатаман”, дебди.

Одамлар янги қишки либослар, озиқ-овқат, кўрпа ва матраслар олиб келишяпти. Тошкентдаги либос сотадиган дўкон эгаси 100 нафар бола учун қишки кийимлар, этиклар олиб келибди.

Халқимиз — болажон халқ. Меҳр-оқибатли инсонлар орасида яшар эканмиз. Мен бундай олийжанобликни кутмаган эдим. Оналаримиз омон бўлсин, фидоий халқимиз омон бўлсин!

Равшан Бурҳонов

@xorijdagiozbeklar Ochish/sharhlash

2023-02-09 18:56:48 Хорижда яшаётган ватандошлар орасида ўзбек тилини кенг тарғиб қилиш мақсадида ўзбек тили фани бўйича уларга мўлжалланган онлайн машғулотлар ташкил этилади.

2023 йилги давлат дастури лойиҳасида шу нарса кўзда тутилган.

@xorijdagiozbeklar Ochish/sharhlash

2023-02-09 17:45:26 11 ўзбекнинг жасади Тошкентга қайтяпти

Туркиядаги вайронкор зилзилада жабрланган Ўзбекистоннинг 11 нафар ва Қирғизистоннинг 6 нафар фуқароси Тошкентга эвакуация қилинди.

Туркиянинг Ҳатай вилоятидаги қидирув-қутқарув жараёнларига жалб этилган қутқарувчиларимиз вайроналар остидан олган жасадларининг умумий сони 50 нафарга етди.

@xorijdagiozbeklar Ochish/sharhlash

2023-02-09 12:34:55 Анқарадаги ўзбекистонликларнинг ташаббуси билан Хатайдаги Дўртйўл давлат шифохонаси ва Овакент (ўзбеклар қишлоғи)га дори-дармон, озиқ-овқат ва иссиқ кийимлардан иборат ёрдам жўнатилди.

@xorijdagiozbeklar Ochish/sharhlash