BEST GONSULTING Xorijda ta'lim ПЕРЕВОД Qozog'istonda, Qirg'izistonda, talim, perevod qilish

2022-07-07 04:06:01 "Ochisleniya" bo'lgan talabalar haqida!

SAVOL: "Сздан узур йана безота килдим Сздан соромокчиман биза очисление болдик 2 курсдн семестр тугашига сздан соромокчидим транскрипт осаг отадими йоми шуни билиб этиб берин илтемос".

JAVOB: Ayni vaqtda xorijda o'qiyotgan talabalarning katta qismi o'z vaqtida kontrakt to'lamaganligi yoki boshqa sabablarga ko'ra o'qishdan chetlatilgan. Mana shu talabalar ham o'qishini ko'chirishi mumkinmi degan savol ko'pchilikni qiynayotgan ekan.

Bu talabalar ham o'qishini ko'chirish mumkin. Buning uchun u o'qigan davri ko'rsatilgan transkripti (yoki akademik ma'lumotnoma) hamda talabalar safidan chetlatilganligi to'g'risida buyruqdan nusxa yuklashi shart ariza qabul qiluvchi platformaga.

Aslida bu yerda o'qishdan chetlatilganligi haqida buyruq pdf shaklini yuklash ham shart emas. Bu jarayon o'qishni ko'chirishga sabab keltirish bilan bog'liq masala. Qabul jarayonlari boshlangach, aynan mana shu toifa talabalariga ariza yozishda yordam beramiz.

Xulosa qilib shuni aytishimiz mumkin-ki, yuqoridagi toifaga kiruvchi talabalar ham bemalol yurtimiz oliygohlariga o'qishlarini ko'chirishlari mumkin.

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash

2022-07-05 03:05:15 #Ichki_perevod

Bir OTM ichida ta'lim yo'nalishini o'zgartirish haqida!

O'zbekiston hududida o'qishni ko'chirish masalasi bo'yicha bir qator o'zgarishlar bo'lib o'tdi va ko'pchilikni "Bir oliygoh ichida "perevod" masalasi nima bo'ladi?" degan savol qiynay boshladi va biz ushbu savolga oydinlik kiritdik.

Bir oliygoh doirasida o'qishni ko'chirish masalasiga o'zgartirish kiritilgani yo'q, demak quyidagilar mumkin:

Ta'lim shaklini o'zgatirish;
Ta'lim yo'nalishini mos va turdosh yo'nalishga o'zgartirish;
Ta'lim yo'nalishini noturdosh yo'nalishga o'zgartirish (super-kontrakt to'lanadi);
Ta'lim tilini o'zgartirish; (Rus guruhdan o'zbek guruhga yoki aksincha kabi)
O'zi o'qiyotgan yo'nalishning boshqa guruhiga (agar mavjud bo'lsa) o'tishi;
O'qishni mos va turdosh yo'nalishlarga tiklash mumkin.

Yuqoridagi barcha harakatlar qabul jarayonlari boshlangan kundan e'tiboran transfer.edu.uz sayti orqali ariza yozish bilan amalga oshiriladi. Hech qanday imtihonsiz oliygohning o'zi yakuniy xulosaga keladi.

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash

2022-07-02 03:04:01 #Tashqi_perevod

Ichki perevoddan norozilar uchun foydali layfxak

SAVOL: Assalomu aleykum yaxshimisz .Sizga savolim bor edi. Chet elda o'qib turib o'zbekistondagi universitetlarga topshirsa bo'ladimi? Bunda qandaydir cheklovlar yo'qmi?

JAVOB: Xorijda yoki yurtimizdagi birorta davlat yoki nodavlat oliygohda tahsil olayotgan talaba abituriyent sifatida o'qishga hujjat topshirishi mumkin. Agarda u o'qishga qabul qilinib qolsa ikki o'qishdan birini tanlaydi.

Ichki perevod deyarli tugatilganligi sababli ham yurtimizda o'qiyotgan talabalar ham abituriyent sifatida hujjat topshirishlari mumkin. Agarda o'zi tanlagan boshqa yo'nalishga o'qishga kirib ketib qolsa bu uning omadi. Sinab ko'rish zarar qilmaydi.

Buning uchun:

my.dtm.uz saytiga pasport ma'lumot va diplom yoki attestat rasmini yuklansa kifoya.

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash

2022-07-01 06:03:01 #Tashqi_perevod

Xorijdan o'qishni ko'chirish uchun ariza to'ldirishda:

Transkript va spravkada ta'lim yo'nalishi bir xil bo'lishiga ahamiyat bering

Transkriptda baholar ochiq qolmaganiga e'tibor qarating

Transkriptda yo'nalish, familiya-ismingiz to'g'ri yozilganiga e'tibor qarating

Hujjatlarni yuklayotganda sifatiga e'tibor qarating

Saytning izoh qismida o'qishni ko'chirish sababi yoki boshqa hollarda izoh yozing

O'qishni ko'chirayotgan mos va turdosh ta'lim yo'nalishlarinigina tanlang

Siz o'qiyotgan yo'nalish O'zbekistonda bo'lmasa unda mutaxasis bilan maslahatlashing

Ariza to'ldirishdan osoni yo'q, sayt hammasini qabul qilaveradi va keyinchalik rad etilish holati kuzatiladi, muhimi xatoga yo'l qo'ymang

Yuklayotgan qalbaki hujjatlaringiz baribir fosh bo'lib, javobgarlikka tortilishingizni unutmang

O'qishga kirgizib qo'ygan firmalaringiz yo'nalishingizni o'zgartirib tayyorlab bergan hujjat bilan ariza topshirsangiz, biling-ki, keyingi taqdiringiz zax va panjarali podvallarda davom etishi mumkin

Qayoqdagi domlalaringiz va mahalla xotinlarining mish-mishlariga ishonavermang. Faqatgina ushbu soha rasmiylari bergan fikrlarnigina qabul qilishni o'rganing....

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash

2022-06-30 05:02:01 "PEREVOD" qabuli surilishi mumkin

Har yili o'qishni ko'chirish uchun hujjatlar qabuli 15-iyuldan 5-avgustga qadar davom etardi. 15-iyul sanasida abituriyentlar uchun qabul jarayonlari yakunlanib, "perevod" uchun qabul boshlanardi.

Bu yildan abituriyentlar qabuli 20-iyundan boshlanib, 20-iyulga qadar davom etadi. Shu sababli ham o'qishni ko'chirish uchun qabul jarayonlari 20-iyul sanasidan onlayn bo'lishi kutilmoqda.

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash

2022-06-28 04:01:02 Ayrim OTM tegishli yo‘nalishlarida sirtqi ta’lim shakliga qabul amalga oshirilmaydi

Qarorga ko‘ra, 2023/2024 o‘quv yili qabulidan pedagogik kadrlar tayyorlovchi OTMning ayrim ta’lim yo‘nalishlari bo‘yicha sirtqi ta’lim shakliga qabul amalga oshirilmaydi (jadvalda keltirilgan).

Yuqoridagi jadvalda ko‘rsatilmagan pedagogika sohasidagi ta’lim yo‘nalishlariga sirtqi ta’lim shakli bo‘yicha o‘qishga ta’lim tizimida pedagogik faoliyatga oid kamida 5 yillik ish stajiga egalar qabul qilinadi.

Bunda ularning pedagogik ish stajiga ega ekanligi “Yagona milliy mehnat tizimi” idoralararo dasturiy-apparat kompleksidagi ma’lumotlar asosida belgilanadi.

Keyingi yildan o'qishini ko'chirmoqchi bo'lganlar va bu yil o'qishga kirmoqchi bo'lganlar mana shu narsani inobatga olib qo'yishlari kerak.

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash

2022-06-19 00:44:01 Qirg‘izistonda 100 dan ortiq o‘zbekistonlik talaba o‘qishdan haydaldi

O‘quvchilar darsga muntazam qatnashmagani uchun chetlashtirilgan. Ular qayta-qayta ogohlantirishga qaramay, o‘qishga kelmagan.

Talabalar universitetdan haydalgandan keyingina O‘zbekiston va Qirg‘izistondagi turli tibbiyot muassasalaridan maʼlumotnomalar olib kelgan. Ammo unda kasallik vaqti ko‘rsatilmagan yoki kasallik vaqti o‘tkazib yuborilgan dars kunlariga to‘g‘ri kelmaydi, shuningdek, sertifikatlarda sanalarga o‘zgartirish kiritilgan.

O‘zbekistonning mamlakatdagi elchixonasi bu borada Qirg‘iziston Tashqi ishlar vazirligiga tegishli xat bilan murojaat qilgan.

https://t.me/xorijda_talim_perevod
https://t.me/xorijda_talim_perevod Ochish/sharhlash

2022-06-18 06:47:01 Xorijiy OTMda to‘lov-kontrakt asosida o‘qiyotgan Prezident maktablari bitiruvchilariga subsidiya beriladi

Hukumat qarori bilan, O‘zbekistondagi xorijiy oliy ta’lim tashkilotlari va ularning filiallari hamda nodavlat oliy ta’lim tashkilotlariga to‘lov-kontrakt asosida o‘qishga kirgan Prezident maktablari bitiruvchilariga subsidiya berish tartibi belgilandi.

Bunda Prezident maktablari bitiruvchilariga to‘lov-kontrakt summasining BHMning 100 baravarigacha qismi qoplab beriladi.

Subsidiya olgan talabalar universitetni tamomlagach Prezident ta’lim muassasalari agentligi yo‘llanmasiga asosan egallagan mutaxassisligi bo‘yicha respublikadagi tashkilotlarda 5 yilgacha ishlab berish majburiyatini oladi.

P/s: Shunaqa subsidiya magistrlargayam berilsa nima bo'larkan nima magistrlarni kuchik tishlaganmi?
Kanallardagi po'stlarni o'qib qolaman faqat talaba, talaba o'quvchi haqida qulayliklar va h.k po'strlarni ko'raman. Magistratura uchun faqat ayol qizlarga kontrakt summasi to'lab berilishini e'lon qilindi unga shubha yo'q boshqa tomonlamayam qo'llab quvvatlash kerak deb o'yliman.

https://t.me/xorijda_talim_perevod Ochish/sharhlash

2022-06-16 02:33:01 O'qishni ko'chirish masalasi quyidagi hujjatlar asosida amalga oshiriladi

1) 2017-yilda qabul qilingan "Oliy ta'lim muassasalariga o'qishga qabul qilish, talabalar o'qishini ko'chirish, qayta tiklash va o'qishdan chetlashtirish tartibi to'g'risidagi nizomlarni tasdiqlash haqida" VM-393 sonli Vazirlar Mahkamasi qarori

2) 2021-yilda qabul qilingan "2021/2022 o'quv yilida O'zbekiston Respublikasining Oliy ta'lim muassasalariga o'qishga qabul qilishning davlat buyurtmasi parametrlari to'g'risida" PQ-5157 sonli Prezident qarori

O'qishni ko'chirishda ikkita qarorning mavjudligi turli xil tushunmovchiliklarga olib kelmoqda. Xususan 5157-sonli Prezident qarori chiqqanida ichki va tashqi "perevod" uchun amal qilinishi kutilgan edi. Biroq, bir qaror ichkiga, ikkinchi esa tashqiga ishlatilyapti. Joriy yilda ham yangi qaror chiqishi kutilmoqda.

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash

2022-06-13 05:32:01 O'qishni ko'chirish bo'yicha bo'lib o'tgan ovozli chatdan quyidagilar ma'lum:

o'qishni ko'chirish imtihonlarida yetarli ball to'play olmagan talabgorlar abituriyentlar kabi "super kontrakt" to'lab o'qishlari mumkin.

o‘qishni ko‘chirishda qabul kvotasi bo‘lmaydi. Imtihonlardan o'tgan talabgorlarning barchasi o‘qishga qabul qilinadi.

turdosh yo'nalishlarning yangilangan ro'yxati iyul oyida taqdim etiladi

o'qishni ko'chirish imtihonlarida yetarli ball to'play olmagan talabgorlar abituriyentlar kabi "super kontrakt" to'lab o'qishlari mumkin.

o'qishni ko'chirish talabida bo'lganlar ham abituriyentlar kabi bazaviy hisoblash miqdorining 50% (135.000 so'm) to'lov qiladi.

kasbiy (ijodiy) imtihon topshiruvchilar ham 3 ta majburiy fanlardan test topshiradi.

3-4-kurslar ham o‘qishini ko'chirishga ruxsat etiladi. Bunda, kurs qanchalik katta bo'lsa, kursning pasayish ehtimoli ham shunchalik yuqori bo'ladi.

O'qishni ko'chirishga oid yangiliklar:
https://t.me/xorijda_talim_perevod Ochish/sharhlash