2023-03-23 14:50:17
Бош прокуратура ташаббуси билан Хива шаҳрида манфаатдор вазирлик ва идоралар ҳамда "Ичан қалъа" давлат музей-қўриқхонаси билан ҳамкорликда
"Миллий либосларимиз - қадрятларимиз кўзгуси” номли кўргазма ташкил қилинди.
Музей қўриқхонасидаги Тош ҳовли мажмуасида ташкил этилган тадбирда Бош прокуратура, "Осиё рамзи" дизайнерлар уюшмаси, Тошкент тўқимачилик ва енгил саноат институти масъуллари ҳамда таниқли санъатшунос ва тарихчи олимлар, дизайнерлар, хорижий ва маҳаллий сайёҳлар иштирок этди.
Тадбирда Бош прокуратура бўлим бошлиғи Ў.Ўтаев сўзга чиқиб, кейинги йилларда мамлакатимизда олиб борлаётган кенг кўламли ислоҳотлар ҳақида гапириб, дунёнинг йирик шаҳарларида ўтказилаётган аёллар либослари кўргазмаларида Ўзбек миллий либосларига қизиқиш ортиб бораётгани, улуғ аждодларимизни дунёга келтирган ва тарбиялаган момоларимиз кийган кийимларнинг чуқур тарихий маданий аҳамият борлигига, тарихий манба Авестода зикр этилган Хоразм воҳасида Ислом цивилизациясигача ва ундан кейинги даврларда истиқомат қилган халқларнинг тарихи ва кийиниш маданияти ҳақида фикр билдирди.
Турли даврларга оид миллий кийимлар жонли намойиши, шунингдек, ҳунармандлар, рассомларнинг маҳорат машғулотлари айниқса, иштирокчилар ва сайёҳларга унутилмас таассуротлар бағишлади.
Тадбир давомида Хоразм вилоят қўғирчоқ театри ижодий жамоаси томонидан тарихий мавзудаги майдон томошалари, концерт дастури, саҳнавий кийимлар ва қўғирчоқлар кўргазмаси намойиш этилди.
Бош прокуратуранинг ижтимоий тармоқлардаги саҳифаларига аъзо бўлинг!
Telegram | Instagram | YouTube | Facebook
430 viewsХоразм вилоят прокуратураси К.Б.Рахимов, 11:50