Xondamir | Bloger

2023-02-17 15:46:38 Kuni kecha bir tanishim dasturchi sifatida birinchi pulini topdi.
(Noutbukini sotib) ... Ochish/sharhlash

2023-02-16 13:52:21 ChatGPT.. Ochish/sharhlash

2023-02-15 21:13:15 Musulmon yurti bo‘lmish Movarounnahrni rus zolimlariga berib qo‘ydik. Musulmon xalqlar o‘zi bilmagan holda ruslarning cho‘ntagi uchun kunini dalada o‘tkazmoqda. Musulmonman deganlarning ko‘pi bilimli emas. Hozir faqatgina qo‘limizdan Allohga duo qilib, yordam so‘rashdan boshqa ish kelmaydi

Halqa - Akrom Malik Ochish/sharhlash

2023-02-05 09:11:02 Shaxsni ilohiylashtirish qoralangan..

Musulmon birodaringiz xato qilayotgan bo'lsa ham, uni oqlab, yonini olavermasdan, o'rni kelganida tanqid qila olish ham kerak.

Har qanday kuchli ilm ahliga fanat bo'lib, ular uchun qilgan eng katta ixlosingiz u bilan olamon ichida so'rashishingiz yoki yana boshqa biror narsalar emas, balki ular beradigan ilmlarni o'rganish bo'ladi. Ochish/sharhlash

2023-02-04 14:48:12 @MubashshirAhmad Ochish/sharhlash

2023-02-03 21:23:47 Sizlarga nima yordam kerak?

Amaldorlar bilan ko‘rishib qolsam, ko‘pincha aytadigan bir gaplari bor: “Tadbirkorsiz, qanday yordam kerak, nimadir kerak bo‘lsa, ayting”, deyishadi. Ko‘p holatda tashakkur aytib, hammasi joyidaligini bildiraman. Aslida aytadigan gaplarim bor bo‘lsa ham...

Bugungi so‘zlarim aslida tushlarimda ko‘radigan “odil sudlov” haqida. Lekin mavzuni uzoqdan olib kelmoqchiman. Ayni paytda “Najot Taʼlim”da 330 nafar inson 2700 nafar o‘quvchiga dasturlash, dizayn, marketing bo‘yicha 11 xil yo‘nalishda taʼlim berib kelishmoqda. Bu O‘zbekistondagi eng ko‘p o‘quvchiga ega AyTi o‘quv markazi hisoblanadi. Bugun “Najot Taʼlim”ni rivojlantirishdagi eng katta muammo kadr masalasiga borib taqaladi. Taʼlim berish uchun tajribali dasturchi, dizayner, marketolog topish HR bo‘limining eng katta og‘riqlaridan biri. Vaholanki, bu bo‘limda 8 nafar inson ishlaydi.

Mavzuga sudlovni nima aloqasi bor, deyotgandirsiz. Kecha va bugun ikki yigitning “diniy materialni saqlash va tarqatish” bo‘yicha qamalgani haqida eshitdim. Biri SMM-menejer, ikkinchisi kuchli dasturchi yigit. SMM-menejer bo‘lgan yigit bundan 3 yil avval yuklab olgan nashidasi tufayli qamalgan bo‘lsa, dasturchi yigit insonlarga manfaat beradigan mobil ilova tayyorlash jarayonida hatto Din ishlari boʻyicha qo‘mitaning xabari bo‘lgan loyiha uchun qamalgan. Afsus, ming afsus... Eng ajablanarli tomoni shundaki, ikki sudda ham qoralovchi kamroq muddat so‘rasa ham, sudyalar ikki holat uchun ham 5 yil berishgan... Biz uchun kerakli bo‘lgan ikki kadr qamoqda o‘tiribdi, biz kadr izlab yuribmiz...

Mavzuning boshiga qaytgan holda aytaman! Bizga odil, mustaqil sudlov kerak. Nahotki shu yigitlar telegramdagi material uchun qamalishga loyiq deb topilgan bo‘lsa, yigitlar bo‘yicha ijobiy xulosalar ham sudda inobatga olinmagan bo‘lsa? Odil sudlov bo‘yicha kimga murojaat qilishimiz kerak o‘zi? Dardimizni kim eshitadi shu vaqtda? Axir inson achinadi yoshlar uchun...

Aslida mavzu juda keng, men deputatlar, quyi va yuqori palata vakillariga yuzlanmoqchiman. Nima uchun shunday qonun hali ham amalda ekan, siz jim o‘tiribsiz, nima uchun o‘sha qonunni o‘zgartirish tashabbusi bilan chiqmaysiz? Agar tashabbus bilan chiqa olmasangiz, dardimizni eshitmasangiz, nima qilib o‘tiribsiz u yerda, xalqning pulidan oylik olib?

Sudlov tizimiga, qonun chiqaruvchi tizimga yuzlanib aytaman, dardimizni kimga aytaylik, qarg‘ashdan boshqa chora bormi bu kabi holatlar uchun? Ochish/sharhlash

2023-02-01 20:15:37 Qiyomat yaqin

Ushbu ikki kalima odamlarni o'ylanishiga sabab bo'ladiyu, lekin uni havotirlantirib qo'ymaydi. Yuzingga baqrayib, qani aytilgan alomatlar? Senga vahiy keldimi? O'zingdan kimni yasab olding? Bizga dalil keltir (deydilar)

- Ayolni erkakka o'xshashga intilishi, erkakni erkak kishida bo'ladigan sifatlari yo'qligi, farzand ota-onasiga oq bo'lishi, bir farzand o'z onasini kimligini bilolmasligi, olim deb bilganlaringning og'zidan boda kirib shoda chiqishi, oddiy omi xalq ham alifni bilib olib o'zidan mulla yasashi, kimnidir ketini kovlash bilan umrni sarf etilishi, isrofgarlik, keraksiz urflarni o'ylab topishlik, ayollar qolib erkaklarning g'iybatlashishi, ikki musulmon orasidagi baxsda ilm bilan emas, lag'v va fosiqona so'zlar bilan javob berishlik, o'z joniga qasd qilishlar, yetimlar moliga ko'z tikishlar, adolatsiz qozi, mezonsiz umrguzaronlik, ibodatsiz lahzalar, zikrsiz tillar, o'ziga o'zgani iloh qilgan manqurtlar, Allohga sherik qo'shuvchilar, o'zini payg'ambar deb ataguvchilar, Allohning kalomini yoqib, kul qilguvchilar, sunnatni tuttim deb o'z holicha hadisni tavil qiluvchilar, tanasini o'zgartiruvchilar, jismini sotuvchilar, aysh-ishratga qul bo'luvchilar, harom qilingan ichimliklarni kunlik yemak tutganlar, omonatga xiyonatlar, vafosizlik, qotillik, mansabparastlik, o'z manfaati uchun har ishga bosh suqish, ertayu kech reallikdan qochib ijtimoiylikka hayotni alishish, bilganlariga amal qilolmaslik...

Bular nimaning alomati ekan. Asli hayot shundan iborat deysizmi? Ochish/sharhlash

2023-01-31 15:43:16 Nahoringda paxta, shomingda paxta,
Ayvoningda paxta, tomingda paxta,
Oqar ogʻu boʻlib qoningda paxta ...

Muhammad Yusuf

P. S. Paxta soʻzini "paxta" maʼnosida ham talqin qilish mumkin. Oʻsha davrning ijtimoiy va siyosiy sferasi yoritilgandek. Ochish/sharhlash

2023-01-31 15:04:38 Eng oliy hislat oʻzingga va oʻzgalarga ziyon yetkazmaydigan beparvolik ekanligini tushunib yetyapman. Ochish/sharhlash

2023-01-30 15:13:04 "Chetga surish" yoki "surmaslik" har bir insonning ichki missiyasi. Buni hammaga aytib, doston qilish kerak emas.(aslida bundan ma'ni ham yo'q)

Qayerda ko'proq foydang tegayotgan bo'lsa, o'sha joy sen uchun vaqtinchalik "Vatan". Hammada ham qaytish bor.

***

Siyosat haqida yozganingdan nima foyda bor?)

Ularning ham ko'zlari ochilsin, bilsin, deysanmi?) Kel, kulgini qistatma. Buni o'z mutaxassislari qilishyapti. Sen va bizdan yaxshi hamda a'lo darajada. Hozirgi siyosat haqida bozorchi Mamarayim aka ham sendan yaxshi biladi nimalar bo'layotganini. Ochish/sharhlash