2021-05-25 06:41:06
7-9 oylik bolaga qo'shimcha ovqat
Yetti-to'qqiz oyda bolaga ko'pchilik qo'shimcha ovqatni bera boshlagan yoki davom ettirayotgan bo'ladi.
Qanday mahsulotlarni bu davrda berish foydali va mumkin?
- Avokado
- Sabzi
- Kabachok
- Qovoq
- Kartoshka pyuresi
- Kasha
- Pechene
- Nok va olma sharbatlari
Qanday ko'rinishda berish mumkin?
Yetti-to'qiiz oylik bolalarning ko'pchiligida faqat oldi tishlari chiqqan bo'ladi. Shuning uchun berilayotgan taom pyure shaklida bo'lishi lozim. Tishi chiqayotgan payti qattiq pechenelarni qo'liga berib qo'yish mumkin. Ko'pchilik butilkani o'zi ushlab choy icha oladi.
Yetti-to'qqiz oylik bola uchun taomlar misoli:
1. Sabzavotli pyure: Kartoshka va sabzini qaynagan suvga solib pishirib olamiz (agar imkoniyatingiz bo'lsa qasqonda pishirib olsangiz vitaminlar ko'proq saqlanib qoladi). Pishgandan so'ng yaxshilab ezamiz. Tuz qo'shish kerak emas. Tuz va shakarni qanchalik kech berishni boshlasangiz, bolangiz sog'lig'i uchun shunchalik ko'p foyda bo'ladi. Kartoshka yoki sabzi o'rniga kabachok yoki qovoqni qo'shib berishingiz mumkin.
2. Tvorogli pyure. (9 oydan boshlab) Yog'siz tvorogga (yarim piyola) nokdan qilingan pyureni qo'shamiz. Mayinroq bo'lsin desangiz nok sharbatini ham qo'shishingiz mumkin.
3. Guruch va mevali quymoq. Tayyor bolalar uchun guruchli kashaga, ezilgan barge yoki nok, yoki olma pyuresini qo'shamiz. Yaxshilab aralashtirib, agar quyuq bo'lib qolsa, meva sharbatidan yoki ona sutidan (yoki bolalar smesidan) qoshib berishingiz mumkin.
Asosiysi, bola yeyishni istamasa, uni zo'rlamang.
483 viewsedited 03:41
X
