Xolis fikr

2021-02-13 11:56:06 Амрсиз хамир бўлмайди

Тошкент шаҳар ҳокими Жаҳонгир Ортиқхўжаев “Истиқлол” мажмуаси барпо этилиши кутилаётган хиёбонда жамоатчилик вакиллари билан учрашув ўтказаётган экан.

Ваъда беришларича, хиёбондаги бирорта ҳам дарахтга кесилмайди. Мустақиллик рамзини акс эттирувчи стелла ўрнатилади, холос. Қурилиш иншоотлари бўлмайди.

Мажмуанинг бу ерда қурилишига жон-жаҳди билан қарши бўлаётган одамларни тушунаман. Лекин учрашувдаги гап-сўзлардан англаганим, эътирозларга ўрин йўқ. Танланган жой — “Истиқлол” мажмуаси учун энг мақбули.

Фақат амрсиз хамир бўлмаслигини эслатмоқчиман. Яъни қайнона амри билангина келин хамир қоради...

Бизни кузатиб боринг:
https://t.me/xolisfikr Ochish/sharhlash

2021-02-12 09:22:25 Сўхда янги аэропорт қурилиши бошланди

Фарғона вилоятининг Сўх туманидаги эски аэропорт ўрнида янгиси қурилмоқда. «Новобод» МФЙ ҳудудида бунёд этилаётган аэропортнинг умумий майдони қарийб 10 гектарни эгаллайди.

Фарғона вилоят ҳокими Хайрулло Бозоров туманга ташрифи давомида янги аэропорт қурилиши билан танишибди.

Президент қарорига кўра, аэропрт 6 ой ичида қуриб битказилиши белгиланди. Аэропорт фойдаланишга топширилгач, “Ан-2” самолёти ҳамда “МИ-8” вертолётлари орқали Сўхдан Фарғона ва Қўқонга авиақатновлар йўлга қўйилади.

Бизни кузатиб боринг:
https://t.me/xolisfikr Ochish/sharhlash

2021-02-12 08:13:39 Метрочилар ибрати

Ер усти метро линиялари бекатлари олдида велосипедни қолдириш учун махсус жойлар ҳозирланибди. Кўпчилик йўловчилар метрогача “велик”да келишга одатланаётганини кўриб, хурсанд бўлдим. Айтишларича, улар орасида метрополитен ходимлари ҳам бор экан.

Менга энг ёққан жойи “велик”лар “стоянкаси”даги ёзув бўлди. Унда шундай дейилган: “Экологик тоза транспорт турини танлаганингиз учун ТАШАККУР”.

Бизни кузатиб боринг:
https://t.me/xolisfikr Ochish/sharhlash

2021-02-11 18:49:28 Юқоридаги иккита пост ўчирилди

Ветеринария ва чорвачиликни ривожлантириш давлат қўмитаси Ахборот хизмати раҳбари айтишича, биз кўтарган масалалар юзасидан хизмат текшируви ўтказилди. Булунғур тумани ветеринария ва чорвачиликни ривожлантириш бўлими бошлиғи лавозимидан озод қилинган. Ҳудуддаги муаммоларни бартараф этиш учун тезкор чоралар кўрилмоқда.

Бизга ҳам муаммо ҳал этилгани муҳим.

Бизни кузатиб боринг:
https://t.me/xolisfikr Ochish/sharhlash

2021-02-11 08:22:28 Ochish/sharhlash

2021-02-11 07:29:33 Ўзбекистонда Халқлар дўстлиги куни нишонланади

Президент “Халқлар дўстлиги кунини белгилаш” тўғрисидаги Қонунни имзолади.

Бугундан кучга кирган ҳужжатга кўра, 30 июль — Халқлар дўстлиги куни этиб белгиланди.

Бизни кузатиб боринг:
https://t.me/xolisfikr Ochish/sharhlash

2021-02-11 07:06:44 Бир ой ичида банк карталаридан 1,7 трлн. сўм ечилди

2021 йилнинг январь ойида банк кассалари, шу жумладан, банкоматлар орқали берилган нақд пуллар 2020 йилнинг шу давридагига қараганда, 6,7 фоиз ошган. Бунга банк карталаридан нақд пул ечиш ҳажми 1,5 баробар ортиб, 1,7 трлн. сўмга етгани сабаб бўлган.

Ҳа, пулимизни банкоматларда бемалол ечадиган замон ҳам келди. Бунинг қадрини бир пайтлар пластикдаги пулини 25-30 фоиздан нақдлаштирганлар яхши билади.

Умуман, ўтган бир ойда нақд пул айланмаси 32,1 трлн. сўмни ташкил этган. Бу 2020 йил январь ойидагига нисбатан 7 фоиз ошганини англатади.

Бизни кузатиб боринг:
https://t.me/xolisfikr Ochish/sharhlash

2021-02-10 14:00:56 #ғалати_статистика

Уйингизда нечта телевизор бор?

Расмий статистика қараганда, ҳар 100 та хонадонга 162 тадан телевизор тўғри келаркан. Бундан 10 йил олдин эса бу кўрсаткич 132 тани, 5 йил бурун эса 152 тани ташкил этган.

Қанчалик ажабланарли туюлмасин, телевизори йўқ оилалар ҳам йўқ эмас. Бунга шахсий кузатувларимда кўп гувоҳ бўлганман. Лекин бундайлар Давлат статистика қўмитасининг танлама кузатувларига негадир киритилмайди. Табиийки, телевизор ёки бошқа маиший жиҳозларсиз яшаётган хўжаликлар ҳақида расмий маълумот шакллантирилмайди.

Бунинг сабаби нимада? Ё статистика Янги Ўзбекистонда ҳаммаси “5” деган тасаввур уйғотиш учун юритиладими?

Бизни кузатиб боринг:
https://t.me/xolisfikr Ochish/sharhlash

2021-02-10 10:36:50 “Antonio Couture” компанияси Ўзбекистондан чарм импорт қилади

Италиянинг “Antonio Couture” компанияси билан “Angren Charm Invest” компанияси ўртасида шартнома имзоланди. Унга кўра, “Antonio Couture” компанияси 2021 йилнинг март-апрель ойларидан бошлаб Ўзбекистондан тайёр чарм маҳсулотлари импорт қилишни бошлайди.

Хорижлик ҳамкорга “Angren Charm Invest” корхонаси томонидан ишлаб чиқариладиган маҳсулотларни чекланмаган ҳажмда импорт қилиш ва Европанинг барча давлатларига экспорт қилиш ҳуқуқи берилибди. Бундан ташқари, у Ўзбекистон маҳсулотларини Европа бозорларида реклама қилиш билан ҳам шуғулланар экан.

Ҳаммаси яхши. Лекин четга фақат хом ашё сотилиши, Европа бозорига шу битта компания орқали киришга розилик берилгани сал эриш туюляпти менга.

Бизни кузатиб боринг:
https://t.me/xolisfikr Ochish/sharhlash

2021-02-10 08:14:29 “Имом Бухорий” телеканали ташкил этилади

Буюк аллома ва уламоларимиз, айниқса, Имом Бухорийнинг бебаҳо меросини тарғиб қилиш мақсадида “Имом Бухорий” зиёрат туризми йўлдош телеканали ташкил этилади.

Ички ва зиёрат туризмини янада ривожлантиришга доир Президент Фармонида уч ой муддатда ушбу телеканални ташкил этиш ва уни ривожлантириш концепциясини ишлаб чиқиш вазифаси белгилаб берилди. Унга кўра, янги канал индонез, бенгал, малай, турк, араб, ҳинд, урду, пушту ва бошқа хорижий тилларда кўрсатув ва теледастурлар тайёрлайди. Чет давлатларда ўз мухбирларига эга бўлади.

Айтганча, яна бир янгилик. Юртимизнинг табиий, маданий ва тарихий мерос объектлари билан таништириш ҳамда ички туризмни оммалаштиришга қаратилган ахборотлар маънавият ва маърифат масалаларига доир ахборотга тенглаштириляпти. Ягона шарти — уларда тижорат мақсадларни кўзламаган бўлиши керак.

Бизни кузатиб боринг:
https://t.me/xolisfikr Ochish/sharhlash