ХИЗМАТ-НЕЪМАТДИР ЁХУД ОРИФЛАР ЙЎЛИ

2022-08-31 06:30:31 Бир куни ота ўғлининг елкасига қўлини қўйиб:
- Ўғлим, бу дунёда ким кучли? - деб сўраб қолибди.
Ўғил:
- Мен, кучлиман, дадажон, мен! - деб жавоб қилибди.

Ота яна бир марта шу саволини такрорлабди. Ўғли яна шундай жавоб қилибди. Отанинг ҳафсаласи пир бўлиб, ортига қараб етти қадам юриган экан, "Кел, майли, 3-марта ҳам сўрай" деб:
- Ўғлим, бу дунёда ким кучли? - деб сўраб қолибди.
Ўғил эса:
- Сиз кучлисиз, сиз, дадажон, - деб жавоб қилибди.

Шунда ҳайратланган ота:
- Нимага икки марта сўраганимда шу жавобни бермадингиз? - деб сўрабди.
- Унда сизнинг қўлларингиз менинг елкамда турган эди. Қачонки, сизнинг қўлларингиз менинг елкамда бўлганида дунёдаги энг кучли одам бўламан, - жавоб қилибди.

Буни эшитган ота йиғлаб юборибди!
https://t.me/xizmatnematoriflar Ochish/sharhlash

2022-08-31 06:27:45 https://t.me/xizmatnematoriflar Ochish/sharhlash

2022-08-31 06:24:00 ҚУРТ ТУШГАН ОЛМА ҲИКМАТИ

Луқмони Ҳакимнинг фарзанди ўзига номақбул дўстларни улфат билибди. Улар билан борди-келдини кўпайтириб бориши хар қандай ота сингари Луқмони Ҳакимнинг ҳам ғашини келтирибди. Бир куни у ўғлини чақиртириб:
– Болам, дўстнинг бўлгани яхши, аммо дўст танлашда адашиб қолма. Ҳозирги дўстларингнинг хулқи яхши эмас. Сенга ёмон таъсир кўрсатишлари мумкин – деб насиҳат қилибди.

Ўғли эса ўзига ишонч билан:
– Отажон, сиз менга кучли тарбия бергансиз, панд-насиҳатларингиз хар доим қулоғим остида туради, дўстларимнинг ёмон хулқлари менга асло таъсир кўрсатмайди, хавотир олманг – деб чиқиб кетибди.

Шу аснода Луқмони Ҳаким боғдорчилик ишлари билан ўғлини ёрдамга чақирибди. Қараса, ўғли бутун олмаларни алоҳида, кам сонли бўлсада, қурт тушган олмаларни эса алоҳида саватга жойлаяпти экан. Ҳаким ўғлига барча олмаларни бир савтга жойлайверишини тайинлаб ўз ишида давом этибди.

Вақт ўтибди, зарур бўлганда олмалар қўйилган жойга бориб қарашса, барча олмаларга қурт тушиб бутуни кам қолган экан.

Луқмони Ҳакимнинг ўғли унга эътироз билдириб:
– Отажон, олмаларни қўшиб теришимни буюриб эдингиз, қурт тушган бир икки олмани деб бутун олмаларнинг ҳаммасини қуртга ем қилибмиз-ку –дебди.

Ота эса бир жилмайиб қўйиб:
– Кўрдингми, болам, гарчи соғ-бутун олмалар қуртлаганларидан кўра кўпроқни ташкил қилган бўлсада қолганларини ҳам бузибди, уларга ҳам қурт туширибди. Сен қандай қилиб қалбига қурт тушган улфатларинг билан бир жойда кўп вақтга қоласану улар орасидан соғлом қалб билан қайта оласан – деб айтган экан.

: Фарзандингизнинг атрофидаги дўстларига ниҳоятда эътиборли бўлинг. Зеро, пашша ахлатга, асалари гулзорга етаклайди!
https://t.me/xizmatnematoriflar Ochish/sharhlash

2022-08-31 06:12:43 Хожа Убайдуллоҳ Аҳрор валий қуддиса сируҳу дейдиларки: "Зикр машғулотига қаттиқ берилиш билан беш-олти кун ичида шундай даражага етишиш мумкинки, одамларнинг ҳар қандай гаплари зокир (зикр қилучи) қулоғига зикрдай туюлади ва ўзи ҳам неки деса, зикр каби бўлади. Бу даражага етмоқ учун эса қаттиқ сайъ ҳаракат даркор".
https://t.me/xizmatnematoriflar Ochish/sharhlash

2022-08-31 06:09:27 Хожа Авлиёи Кабир қуддиса сирруҳу дейдиларки: "Зокир зикрга шу даражада берилсинки, ҳатто бозорда бўлганда ҳам шовқин-сурон унинг қулоғига кирмасин, ҳеч қандай ташқи ҳодиса уни зикрдан чалғитмасин".
https://t.me/xizmatnematoriflar Ochish/sharhlash

2022-08-30 20:59:07 Маърифат, Пайғамбаримиз соллаллоҳу алайҳи ва салламга тобеъ бўлмасдан ҳосил бўлмас. Бутун таҳқиқ аҳли бу хусусида бир хил фикрдадир. Тобеъ бўлиш тобеъ бўладиган нарсанинг нақадар билинишига боғлиқдир. Аллоҳ Расули соллаллоҳу алайҳи ва салламнинг сўзлари, феъллари ва ҳоллари бордир. Сўзлари тили билан, феъллари зоҳири билан, ҳоллари эса ботини билан боғлиқдир.
Расулуллоҳ саллолоҳу алайҳи ва салламнинг сўзларига тобеъ бўлмак унинг шариатига мухолиф бўлган ҳеч бир сўзни тилга келтирмаслик билан бўлур: ғийбат, ёлғон ва мусулмонларни ранжитадиган сўзлар каби....
Айтилган сўзларнинг ижобат этилишини ҳисобга олган ҳолда, оғиздан чиққан калималар қалбни нурлантириши керакдир: Қуръони Карим тиловати, ҳазрати Пайғамбаримиз соллаллоҳу алайҳи ва салламдан ривоят этилган дуоларни ўқимоқ, Аллоҳнинг қулларини Унинг шариатига тобеъ қилмоқ учун ташвиқ этадиган суҳбатлар қилмоқ каби...
Хожа Убайдуллоҳ Аҳрор қуддиса сирруҳу.
https://t.me/xizmatnematoriflar Ochish/sharhlash

2022-08-25 19:16:37 Мана тасаввуф тарбиясининг мақсади, бу комил инсонлар билан учрашиб, комил инсон бўлишдир. Бу йўлга кирган ва комил инсонни ўзига раҳбар қилган ҳамма, поғона-поғона нафсини тарбия қилиб улуғ Аллоҳга яқин бўладилар. Шундай қилиб инсонликнинг мазасини тотади, абадий саодатни топади. Бу учун нима қилинса ва қанча меҳнат кўрса ҳам оздир.
https://t.me/xizmatnematoriflar Ochish/sharhlash

2022-08-24 22:32:49 Алҳамдулиллаҳ, каналимизда таржимаси бериб борилаётган "Орифлар йўлининг одоблари" китоби якунига етди.
Аллоҳим буни сизу бизларга манфаатли ва баракотли қилсин! Амийн!

https://t.me/xizmatnematoriflar Ochish/sharhlash

2022-08-24 22:08:59 ТАСАВВУФДА ИСТИҚОМАТ ВА МАҚСАД (...давоми)
Тасаввуф, бутун ўзлиги билан Аллоҳ йўлига боғланмоқдир. Бу йўл, суннати санийяга бош эгишдан бошқа нарса эмас. Бор буди билан диннинг хизматкоридир, диннинг ҳақиқий моҳиятини англашга ва том маънода яшашга хизмат қилади. Бутун завқлар, важдлар, кашфлар, кароматлар, ҳоллар, фақат динни тушунишга таянч ва гўзал яшаши учун бир далил бўлиши керак. Бу йўлда бундай нарсалар исталмайди, кутилмайди, ўйланилмайди. Лекин бир ҳикмат ўлароқ берилса, одоб билан олиш, тортинчоқлик ва тавозеъ билан қабул қилиш керак. Бу нарсалар мақтанишга эмас, шукрга сабаб бўлиши, нафснинг кайфига эмас диннинг ўсишига ва хизматига васила бўлиши керак.
Истиқомати ва ягона ғояси Аллоҳ ризоси бўлган кимсанинг, суннат одоби узра гўзал бандалик ва хизмат қилишдан бошқа бир хоҳиши бўлса, алданган бўлади. Ниятини назорат қилиб, йўлини тузатмаса, натижа Аллоҳга эмас, оташга кетади.
Аллоҳ ризосини қўлга киритиш учун, бир фарзни бажармоқ, мингларча суннат ва нафл ибодатдан юқори туради. Амалда муҳимлик навбатини аралаштирмоқ, ҳаром ва фарзларни менсимасдан нафл ҳукмидаги ишларга шўнғимоқ шайтоннинг бир найрангидир.
Истиқомат-ният ва амалда улуғ Аллоҳнинг чизган йўлида кетмоқдир. Бўлмаса бутун севгилар ва ишлар азобга сабаб бўлади. Бу хавфдан қутилишнинг энг ишончли йўли, ҳар ишда Қуръон ва Суннатни раҳбар қилмок ва уни раҳбар қилганлар изидан кетмоқдир. Динимиз бизга ҳар ишда мувозанатни ўргатган, етарки бу ўлчовларни ўрганайлик.
Улуғ Аллоҳдан бошқа нарсалар, Аллоҳ учун севилса гўзалдир. Бир Пайғамбар ёки валий, фақатгина Аллоҳ учун яхши кўрилади. Жаноби Ҳақ амалда бўлгандай, ният ва севгида ҳам истиқомат узра бўлишимизни амр этади.
Энг буюк каромат- бу истоқомат узра яшамоқ ва ўлмоқдир.
Истиқоматнинг охири, Аллоҳ ризоси ва Жаннатдир.
Бундан ортиқ давлат ва саодат йўқдир.
Дуомиз шудир:
رَبَّنَا لَا تُزِغۡ قُلُوبَنَا بَعۡدَ إِذۡ هَدَيۡتَنَا وَهَبۡ لَنَا مِن لَّدُنكَ رَحۡمَةًۚ إِنَّكَ أَنتَ ٱلۡوَهَّابُ
Эй Роббимиз!, бизни ҳидоят йўлига солганингдан кейин дилларимизни (тўғри йўлдан) оғдирма ва бизга ҳузурингдан бир раҳмат ато эт! Албатта, Сен (барча неъматларни) ато этувчидирсан. (Оли Имрон сураси 8-оят)
اَللَّهُمَّ اِنِّي اَسْاَلُكَ حُبَّكَ وَ حُبَّ مَنْ يُحِبُّكَ وَ حُبَّ عَمَلٍ يُقَرِّبُ اِلَى حُبِّكَ
“Аллоҳим! Сендан севгингни, сени севганларнинг севгисини ва мени сенинг севгингга яқинлаштирадиган амалларнинг севгисини истайман.”
Оламларнинг Роббиси улуғ Аллоҳга ҳамду санолар бўлсин!
https://t.me/xizmatnematoriflar Ochish/sharhlash