БИР ДОНА ТУХУМ (бўлган воқеа) Муҳаммаджон ака кўпинча дала ҳ | Ибратли хикоялар

БИР ДОНА ТУХУМ

(бўлган воқеа)

Муҳаммаджон ака кўпинча дала ҳовлисида яшайди. Шаҳардаги уйига ҳар замонда бир келади. Кеча келган экан, қўшнисининг товуқлари кириб экинларни чўқиб ташлагани етмагандай омборхонадаги ем солинган қопдан анчагина емни ебди. “Барака топгур қўшни-ей, товуқларинг ҳам бор бўлсин”, деб уларни ўз уйига ўтказиб юборди. Ем солинган қопларнинг оғзини маҳкамлар экан, ўша ерда турган битта товуқ тухумини кўриб қолди. Бир кўнгли қўшнини чақириб, тухумни бервормоқчи бўлди-ю, аммо шошиб турганидан бу ишни эртага қолдирди.
Кейин баъзи ишларини битказди-да, керакли анжомларни олиб машинани ўт олдирди. Озгина йўл юргач ўзига-ўзи “Сен эртагача яшашнинг кафилини олганмисан? Пайғамбар алайҳиссалом намоздаги икки салом орасини ҳам омонат билганлар-ку!”, деб шартта ортга қайтди. Тухумни олиб, қўшнини чақирди. “Қўшни товуқларингиз бизнинг ҳовлига тухум қўйган экан, мана олиб қўйинг”, деди. “Қўявермайсизми, битта тухум экан-у, мен розиман”, деди қўшни Солижон ака. “Йўқ, у ёқдаги савол-жавобда нима дейман?” дейди Муҳаммаджон ака.
Мамнун бўлиб машинасини ҳайдаб кетган Муҳаммаджон аканинг елкасидан тоғ ағдарилгандек эди.

Барча, онасини яхши кўрадиганлар учун канал

https://t.me/jannatim_onam_onajonim_otam