★Xatirchilik shoir★she'rlari

2022-09-29 09:32:48 НАМОЗДА ТЕЛЕФОН ЖИРИНГЛАБ ҚОЛСА
#қисқа_савол_жавоблар

CАВОЛ: Намозда телефон жиринглаб қолса, ўчириб қўйса бўладими?

ЖАВОБ: Бисмиллаҳир Роҳманир Роҳим.
Аввало намозхон намозга киришишдан олдин уни чалғитиб, ибодатига халал берадиган нарсаларни бартараф қилиб олишлиги керак. Ҳозирда деярли ҳаммада мавжуд бўлган қўл телефонларни намоздан олдин ўчириб ёки овозсиз ҳолатга келтириб олиш ҳам шу жумладандир. Энди бевосита саволга жавоб берадиган бўлсак, намоз вақтида телефон қўнғироғини бир қўл билан ўчириб қўйиш имкони бўлса, ўчириб қўйиш мумкин ва бунда намоз бузилмайди. Аммо, телефонни ўчириб қўйиш икки қўл билан амалга оширилиб, ҳаракатлар кўплигидан ташқаридан қараган одам "бу киши намоз ўқимаяпти"деб ўйласа намоз бузилиб қолади. Чунки, намозни бузувчи амаллардан бири "амали касир" кўп амал қилишдир. Валлоҳу аълам.

Ўзбекистон мусулмонлари идораси
Фатво ҳайъати.

Улашинг: @diniysavollar Ochish/sharhlash

2022-09-28 08:22:10 МОЛ ЭГИЗАК ТУҒСА БИРИНИ САДАҚА ҚИЛИШ КЕРАКМИ?
#қисқа_савол_жавоблар

CАВОЛ: Молимиз эгизак туғди. Одамлар мол эгизак туғса бирини садақа қилиш керак дейишяпти, ҳақиқатда шундайми?

ЖАВОБ: Бисмиллаҳир Роҳманир Роҳим.
Динимизда бундай гап йўқ. Мол эгаси хоҳласа садақа қилади, хоҳласа ўзида олиб қолади. Валлоҳу аълам.

Ўзбекистон мусулмонлари идораси
Фатво маркази.

Улашинг: @diniysavollar Ochish/sharhlash

2022-09-28 07:17:07 ​​ҚИЁМАТ КУНИДА СИЗГА ШАФОАТ КЕРАКМИ!

Расулулоҳ соллаллоҳу алайҳи вассаллам:
“Ҳар бир пайғамбарнинг қабул бўладиган дуоси бор. Мен дуоимни умматимга шафоат қилиш учун охиратга олиб қўйдим” дедилар.
Имом Бухорий ривояти.

Расулулоҳ соллаллоҳу алайҳи вассаллам: “Қиёматда: “Ё Роббим заррадай имони бўлганни жаннатингга қўйгин” дейман. Уларни барчаси жаннатга киради” дедилар.
Имом Бухорий ривояти.

Расулулоҳ соллаллоҳу алайҳи вассаллам: “Мендан аввал келган пайғамбарларнинг ҳеч қайсисига берилмаган бешта нарсанинг бири шафоат. Агар ширк билан ўлмаган (иймон билан ўлган) одамларнинг барчасига шафоат қиламан” дедилар. Баззор ривояти.

Расулулоҳ соллаллоҳу алайҳи вассаллам: “Шафоатимга энг лойиқ одам, менга энг кўп саловат айтган одам” дедилар. Имом Термизий ривояти.

Мавлид ойи Пайғамбаримиз соллаллоҳу алайҳи васалламни сийратларини ўрганадиган, кўпроқ салавоту дурудлар йўллаш ойидир.

Шафоатчимиз Муҳаммад Мустафо соллаллоҳу алайҳи васалламга салавоту дурудларимиз бўлсин! Амин!

@Xatirchimuslim Ochish/sharhlash

2022-09-27 12:02:16 УНАШТИРИЛГАЧ КЎРИШИБ ЮРСА БЎЛАДИМИ?
#қисқа_савол_жавоблар

CАВОЛ: Ҳозирги кунда ёшлар унаштирилгач кўришиб ёки телефон орқали гаплашиб юришса бўладими?

ЖАВОБ: Бисмиллаҳир Роҳманир Роҳим.
Уйланмоқчи бўлган йигит ва қиз ота-оналарининг розилиги билан гувоҳлар иштирокида бир марта учрашади. Маъқул бўлса, тўй бўлади, акс ҳолда эса йўқ. Бундан бошқа ҳолатларда никоҳ ўқитилмагунига қадар учрашишлари ва телефон орқали гаплашишлари мумкин эмас, балки гуноҳ ишдир. Динимизда йигит-қиз бир-бирини ўзаро "синаб" юришларига рухсат йўқ. Валлоҳу аълам.

Ўзбекистон мусулмонлари идораси
Фатво маркази.

Улашинг: @diniysavollar Ochish/sharhlash

2022-09-25 14:11:52 НАМОЗ ЎҚИЙДИЮ БАХШИЛИК ҚИЛАДИ


CАВОЛ: Ёмон амал билан яхши амални тенг ушлаб келаётганларга динимиз қандай қарайди? Мисол: 5 маҳал намоз ўқийдию бахшилик қилади ва фол очади. Ўшанга ўхшаш.

ЖАВОБ: Бисмиллаҳир Роҳманир Роҳим.
Намоз ўқиш фарз амали, уни бажариш бандаларнинг мажбуриятидир. Агар инсон намоз ўқиб ҳам ёмон ишлардан қайтмаётган бўлса, бу яхши ҳолат эмас. Чунки Аллоҳ таоло: (Эй, Муҳаммад!) Китоб (Қуръон)дан Сизга ваҳий қилинган нарсани тиловат қилинг ва намозни баркамол адо этинг! Албатта, намоз фаҳш ва ёмон ишлардан қайтарур. Албатта, Аллоҳнинг зикри (барча нарсадан) улуғдир. Аллоҳ қилаётган ишларингизни билур (Анкабут сураси 45-оят).

Демак, Аллоҳ таолонинг ҳузурида қабул бўлган намоз ўз эгасини ёмон ишлардан, гуноҳлардан қайтариши аниқ бўлди. Шундай экан, беш вақт намозни вақтида ўқиб туриб, бошқа гуноҳлардан қайта олмаётган киши — намозларини мукаммаллигига эътибор қилиши керак бўлади. Валлоҳу аълам.

Ўзбекистон мусулмонлари идораси
Фатво маркази.

Улашинг: @diniysavollar Ochish/sharhlash

2022-09-24 16:13:18 ХОТИННИНГ ОДОБИ

Хотин эр кириб келганида уни ўрнидан туриб, очиқ юз ва табассум билан «Марҳабо, бегим» каби чиройли сўзлар билан қаршилайди.

Эрининг уст кийимини, қўлидаги нарсасини ёки юкини дарров қўлидан олади.

Эрининг ҳар бир амрига итоатда туради, гуноҳ бўлмаган ишини ва топшириғини сўзсиз бажаради.

Эр ётоғига таклиф этса, турли баҳоналарни рўкач қилиб, бўйин товламайди, эрининг истакларига нафсини таслим этади.

Эрининг изнисиз бирор ёққа бормайди, ҳатто ота-онасини кўргани ҳам изн олиши яхши.

Эрининг кийимларини ювиб, тозалайди, йиртиғини тикади, буюм ва ашёларини асраш чораларини кўради.

Эрининг ош-нонини пишириб беради, дастурхонини тузайди.

Эрининг чироғи ва ўчоғини ёқади, тўшагина ёяди. Эрининг ғусл ва таҳоратига сув ҳозирлайди, эр истаса унинг ғусл ва таҳорат олишида хизматини қилади, ёрдамлашади.

Эрига моли, насаби ва гўзаллиги билан мақтанмайди.

Эрига кийим айтишда ва емак ейишда бирон ғамташвиш келтирмайди, эҳтиёжидан ортиқ нарсаларни буюриб, қийин аҳволга солмайди.

Овозини эриникидан баландлатиб, бадахлоқлилик кўрсатмайди, унга сўзидан ё хулқидан азият етказиб, жонидан тўйдирмайди.

Эри олдида ҳам, йўқлигида ҳам уни дуо қилади, Аллоҳдан тавфиқ, тақво, икковига тотувлик тилайди.

Фақат эри учун безаниб, кийинади, иффат ва номусини ўзгалардан ҳимоя қилади, номаҳрамларга рўпара бўлмаслик чораларини кўради, эри ва хонадони шаънини пок тутади.

Эрининг уй-жойи, мол-мулкини авайлаб-асрайди, унинг изнисиз бирор нарсасини ўзгаларга бермайди.

Эрининг ночор, фақир, мухтож бўлиб қолган кунларида буни юзига солмай, тасалли кўрсатади. Булар бир имтиҳон эканини айтиб, далда беради.

Бундай аёли бор эр дунёдаёқ жаннатга эришибди. Бу каби аёлининг қадрига етмаган эр кўр бўлгани яхши.
А.М.Али

T.me/OCHILDI_DOMLA Ochish/sharhlash

2022-09-18 23:33:12 ​​​​​​​​ФАРЗАНД УЙҒОТИШ

Фарзандингизни уйғотишдан олдин унинг ёнида уч дақиқа ўтириб, паст овозда «Оятул курси» билан икки «Қул аъузу» сураларини ўқинг.
Кейин уни оҳиста уйғотинг. Бақир чақир ўрнига тасбеҳ айтинг.
Аллоҳни севдирадиган сўзлар айтинг, «Аллоҳ ризқимизни кенг қилсин», «Аллоҳ сизларни ёрлақасин» денг. Фарзанд Аллоҳни яхши кўриб улғайса, У Зотга гуноҳ қилишдан қўрқади, солиҳ амаллари билан тенгдошлари орасида ажралиб туради.

Эй Мусо алайҳиссаломни чақалоқ пайтида сақлаб қолган Зот! Ўғил-қизларимизни ҳаёт фитналаридан сақла!

Аллоҳим! Фарзандларимизни солиҳлардан, ота онасига яхшилик қилувчилардан қил!
ㅤㅤㅤㅤ
••┄┄┄❅┄┄┄•••
Ilmiy ma'rifiy blog: @sof_ibrat
ㅤㅤㅤ Ochish/sharhlash

2022-09-18 23:33:11 Бахтли аёл сирлари..

Турмуш ўртоғингиз уйга келганида “Хуш келибсиз” деб, табассум ила қарши олинг.

Ишдан келганида унга кўпроқ эътибор беринг, куни қандай ўтганлиги ҳақида сўранг.

Муваффақиятга эришганида ёки иши ўнгидан келмаганда “мен” ва “сен” сўзлари ўрнига “биз” ни қўлланг. Турмушда “менлик”нинг “бизлик”ка айланиши бир-бирингиз учун яшаётганингизнинг белгисидир.

Қанчалик ҳақ бўлсангиз ҳам, тортишишга уринманг. Тортишиш эр-хотин ўртасидаги муҳаббатни сўндиради. Бундай ҳолатда сукут сақланг. Бир оз вақт ўтгач, хотиржамлик билан тўғри тушунтирсангиз, у сизни албатта тушунади.

Турмуш ўртоғингизни бошқалар олдида, айниқса, яқинлари олдида пастга урманг. Аксинча, улар олдида унга кўпроқ ҳурмат кўрсатинг.

Турмуш ўртоғингизга бошқа эркакларнинг ютуғини гапириб ўтирманг. Билингки, ҳар кимнинг ўз ютуғи ва камчиликлари бўлади.

Яқинларингиз турмуш ўртоғингизга қандайдир ёрдам кўрсатган бўлсалар, буни асло унинг юзига солманг, миннат қилманг.

Унинг ота-онасини, қариндошларини ҳурмат қилинг, уларнинг камчиликларини айтиб юрманг. Уйингизга таклиф қилиб, меҳмон қилинг ва дуоларини олинг.

Дўстлари, яқинлари билан кўришиб туришига тўсқинлик қилманг, ҳадеб қистовга олиб уни сиқманг.

Турмуш ўртоғингиз ва унинг оила аъзоларига қилган хизматингизни айтиб, миннат қилманг.

Истакларингиз инобатга олиниши учун унга буйруқ берманг. Яхшиси, илтимос қилинг.

Оилангизда моддий танқислик сезилаётган бўлса, буни айтиб уни ранжитманг. Бу акс натижа беради.

Турмуш ўртоғингизга чиройли кўриниш учун ўзингизга оро беринг. Ишдан келишидан аввал ёки уйда эканлигида чиройли ва ораста кийининг.

Кайфиятсиз, жаҳлдор ёки хўмрайиб юрманг. Доим табассум ила юришга ва гўзал хулқли бўлишга ҳаракат қилинг.

Турмуш ўртоғингиз уйга келганида барча ишларингизни бир озга четга суриб, у билан ўтириб суҳбат қуринг.

У уйда бўлмаганида уни соғинганингизни, келганидан қувонганингизни ва келишини сабрсизлик билан кутганингизни айтинг.

Нималарни ёқтириб-ёқтирмаслигини билиб, кўнглига ёқадиган ишларни кўп-кўп қилиб туринг.

Бирор бир хато иш қилганида, “Сизга айтгандим-ку” деб ақл ўргатманг. Унинг ҳам вазиятини тушунишга ҳаракат қилинг.

Сизни бехосдан ранжитиб қўйса, ундан хафа бўлиб узоқ вақт аразлаб юрманг.

Бирон бир илтимосингизни ўз вақтида бажармаса, “Майли, ҳечқиси йўқ. Бу сафар бўлмаса, кейинги сафар”, деб қўйинг. Кейинги гал ҳам унутса, сабр ва хотиржамлик билан унинг бу иши сизни хафа килишини эслатиб қўйинг.

Турмуш ўртоғингизни хафа қилган ёки кўнглини оғритган бўлсангиз, узр сўранг ва кўпроқ меҳр кўрсатинг.

Хато қилиб узр сўраганида дарҳол қабул қилинг.

Уйдан чиқаётганида табассум ила хайрлашинг.

Аёл турмуш ўртоғидан муҳаббат кутгани каби ўзи ҳам унга муҳаббат кўрсатиши ва доим буни билдириб туришни унутмаслиги даркор.

Мана шу қоидаларга амал қилсангиз энг бахтли оилани шакллантирган бўласиз..

Хикоялар Хадислар Ривоятлар Хикматлар
YouTube •|• Instagram

Чатда Фикир К,олдириш Ochish/sharhlash

2022-09-17 11:42:45 Tana harorati koʻtarilsa, tushirishga shoshilmang!

Koʻp odamlar haroratning koʻtarilishidan juda qoʻrqishadi. 36,9 dan oshishi bilan yalligʻlanishga qarshi va antipiretik preparatlar qoʻllashadi. Bu notoʻgʻri yondashuv.

Avvalo, haroratning koʻtarilishi infeksiyalarga qarshi tabiiy himoya ekanligini esga olish kerak. 37 dan yuqori tana harorati koʻp bakteriyalar va viruslar uchun noqulay va halokatli hisoblanadi. Yani yuqori harorat tanadagi viruslarni bartaraf etadi.

Xoʻsh, haroratni qachon tushirgan maqul? Buni ikki holatda qilish kerak: Agar harorat 38 yoki undan yuqori darajaga yetsa (bu tanaga zararli) yoki oʻzingizni yomon his qilsangiz (qattiq bosh ogʻrigʻi, boʻgʻimlarda moʻrtlik) sezganda haroratni tushirgan maqul.

@andrology_uz
www.andrology.uz Ochish/sharhlash

2022-09-14 21:30:57 Албатта ўқиб чиқинг!

Ҳақиқий севги.

"Биласизми орамизда шундай ёшлар борки, улар бир қизни ёки бир йигитни севиб қолишади.Ва баъзан улар бир-бирларини севишларини ўзлари ҳам билишмайди.
Улар айрим "Лайли ва Мажнун"лар каби бўлишмайди.
-Телефонда соатлаб суҳбат қилишмайди яъни умуман гаплашишмайди.
-Ижтимоий тармоқ орқали тунларини бедор ўтказиб ўзларича ҳаётнинг энг гўзал онларини ўтказишмайди.
-Кўча-кўйда пинҳона ёки ошкора учрашишмайди.
-Бир-бирларга ота-оналарига бера олмаган лекин ўз "севгиликлари" учун совға-саломларни аямайдиган ёшлардек бўлишмайди.
-8-мартда ёки 14-январда бугун менга севгилимдан менга нима келар экан деб кутишмайди.
Хўш нимага улар бундай иш қилишмайди биласизми?
Улар бир-бирларига етишиш учун Роббиларидан дуо қилиб сўрашади.Қудратли ва Қаҳҳор бўлган Роббиларига тақво қилишади.Уни ғазабини келтирувчи ҳар қандай ишдан тийилишга ҳаракат қилишади. Яна улар дуо қилишадики "Роббим уни менга хайрли айла,агар мен учун хайрсиз бўлса, хайр қилиб уни менга мени унга етиштир!" деб дуо қилишади.Ва улар юқоридаги "Лайли ва Мажнун"ларнинг ҳаётини бир-бирларига ҳалол бўлганларидан сўнг тақдим этишади.
Унутманг муслим биродарим ва муслима синглим ҳақиқий севги,муҳаббат тўйдан кейин (никоҳдан сўнг) бўлади.

Илтимос қилиб айтамизки, яқинларингизга ҳам юбориб уларга ҳам ҳақиқий севги қачон ва қандай бўлишини етказиб қўйинг!

@Oriflar -Орифона ҳикмат, орифона сўз ва орифона муҳаббат жумлалари. Ochish/sharhlash