Амалдорлар талашиб ўрин, Бир-бирининг қуритар шўрин. Тентак б | @XalqparvarUzb
Амалдорлар талашиб ўрин,
Бир-бирининг қуритар шўрин.
Тентак бермай тентакка тўрин,
Қуритади тентакнинг шўрин.
Шахматчилар излашиб зўрин,
Бир-бирининг қуритар шўрин.
Олим топиб олимнинг қўрин,
Касбдошининг қуритар шўрин.
Қассоблар-ку ҳаммадан бурун
Танишининг қуритар шўрин...
Шоирлар-чи? Бериб қалб қўрин,
Шеър ёзмоқнинг ўрнига, кўринг —
Ўлмай туриб талашиб гўрин,
Бир-бирининг қуритар шўрин.
Эркин Воҳидов
@XalqparvarUzb