"Dada, pul nima uchun kerak?" Bolalarni kelajakda moliyaviy mustaqil bo‘lishlari uchun ularga kichikligidan pul bilan to‘g‘ri muomalada bo‘lish kerakligini o‘rgatish lozim. Psixologlarning fikricha bolada 3-4 yoshdan pulga munosabat shakllanadi va shu bilan bog‘liq savollari ko‘payadi. Bunday vaziyatda quyidagicha yo‘l tutishni tavsiya qilamiz:
pul nima va u qayerdan olinishini tushuntirib berish;
oila budjeti bilan tanishtirish;
pulni oqilona sarflashni turli o‘yinlar bilan o‘rgatish;
pul jamg‘arish uchun to‘g‘ri maqsadlar qo‘yishda yordam berish;
moliyaviy vositalar haqida gapirib berish lozim.
Farzandning moliyaviy tushunchasini kengaytirish uchun ba'zida u bilan birgalikda xaridlarni amalga oshirish ham foydadan holi bo‘lmaydi. Bu uning:
mantiqiy fikrlashini rivojlantiradi;
arifmetik amallarni tushunishini osonlashtiradi;
moliyaviy savodxonligini oshiradi.
Bola voyaga yetganida o‘z mablag‘larini to‘g‘ri yuritishini istasangiz hozirdanoq moliyaviy savodxonligini oshiring.
