Президент мактабларига ўқишга топшириш тартиби қандай? Фарза | ХАЛҚ ТАЪЛИМИ ХОДИМЛАРИ УЧУН

Президент мактабларига ўқишга топшириш тартиби қандай?


Фарзандим мактабнинг 3-синфида ўқийди, у Президент мактабига ўқишга кирмоқчи. Ҳозир уни инглиз тили ва математика фанларидан қўшимча тўгаракка берганмиз, бу йил у президент мактабига қабул имтиҳонида қатнаша оладими? Ўзи Президент мактабига ўқишга киришнинг тартиби қандай? Қандай ҳужжатлар керак бўлади?

Президент мактабларига республика мактабларининг 4-синф битирувчилари ҳужжат топширишлари мумкин.

Президент мактабларига қобилиятли ва иқтидорли (баҳолар табели асосида тегишли СТEАМ фанлари (математика, биология (табиатшунослик), информатика ва ахборот технологиялари, физика, алгебра, геометрия, кимё) бўйича аъло баҳога тугатган) болалар танлов асосида қабул қилинади. Ўқувчиларни қабул қилиш хорижий ташкилот билан биргаликда ўтказиладиган кириш имтиҳонлари натижалари асосида амалга оширилади. Белгиланган квотага асосан кириш имтиҳонлари натижалари бўйича энг юқори балл олган ўқувчилар ўқишга қабул қилинадилар.

Ҳужжатлар фақат номзод ўқиётган умумтаълим муассасаси жойлашган ҳудуддаги Президент мактабига топширилади.

Ўқувчининг ота-онаси (қонуний вакиллари) Қабул комиссиясига қуйидаги ҳужжатларни тақдим этади:

махсус шаклдаги маълумотнома (маълумотнома намунасини қуйидаги ҳавола орқали олиш мумкин);
талабгорнинг туғилганлик ҳақида гувоҳнома нусхаси;
ўқув йили натижасига кўра, талабгорнинг баҳолар табелининг мактаб директори томонидан тасдиқланган нусхаси.
Президент мактабларига кириш имтиҳонлари икки босқичда ўтказилади:

1-босқич — математика фанидан 30 та топшириқдан иборат тест шаклида ўтказилади. Белгиланган вазифани бажариш учун 90 дақиқа вақт ажратилади, биринчи босқич натижасига кўра қабул квотасида белгиланган ҳар бир ўринга 20 киши ҳисобидан максимал талабгорлар 2-босқичда иштирок этишга рухсат этилади;

2-босқич — ахборотни таҳлил қилиш ва солиштириш қобилиятини аниқлаш бўйича — 16 та масала;

мантиқ элементлари бўлган математика фанидан — 24 та масала;

инглиз тилидан — 55 та тест.

2-босқич кириш имтиҳонлари учун жами 150 дақиқа вақт ажратилади. Ўқитувчилар учун телеграмда махсус каналга кушилинг.

http://t.me/Xalq_talimi_xodimlari