Свет ҳәм газ ушын жәрдем пулды (компенсацияны) алыў ушын кимге | XALÍQ USHÍN ⚖️

Свет ҳәм газ ушын жәрдем пулды (компенсацияны) алыў ушын кимге хабарласыў керек?

Министрлер Кабинетиниң қарары менен свет ҳәм газдың қымбатлаўы мүнәсибети менен айырым жәрдемге мүтәж шаңарақларға свет ҳәм газдың социаллық нормадан артық бөлеги ушын мәмлекет тәрепинен компенсация (пуллы жәрдем) берилетуғын болды.

Бул компенсацияны алыў ушын жәрдемге мүтәж шаңарақ октябрь-февраль айларында ҳәр айдың 15-сәнесине шекем “Инсан” социаллық хызметлер орайына ямаса мәканлардағы социаллық хызметкерге мүрәжат етиўи керек. Арзада паспорт мағлыўматлары, абонент номери ҳәм телефон номери кѳрсетиледи.

Арза берилген айдың 27-сәнесине шекем “Аймақлық электр тармақлары” АЖ, “Ҳудудгазтаъминот” АЖ менен биргеликте үйренилип, компенсация пуллары арза берилген айдан кейинги айдың 27-сәнесине шекем шаңарақтың пластик картасына ѳткерип бериледи.

Пластик картасы жоқ шаңарақларға усы жылдың 1-ноябрине шекем Халық банки тәрепинен пластик карталар бийпул бериледи.

Демек, жәрдемге мүтәж шаңарақ октябрь-февраль айларында социаллық нормадан артық (светти 200 кВт.сааттан көп ҳәм газди 500 куб.метрден көп) пайдаланса, сол артық пайдаланған бөлегине төлеген пулын "Инсан" орайына арза бериў арқалы кейинги айда қайтарып алыўы мүмкин.

Темаға байланыслы мағлыўматлар менен төмендеги текстлер үстине басып танысыўыңыз мүмкин:

Жәрдемге мүтәж шаңарақлар қалай анықланады?
Свет ҳәм газдың социаллық нормасы қандай?
Свет ҳәм газ қаншаға қымбатлады?
Свет ҳәм газге 1-майдан баслап пул қандай тәртипте өндириледи?

Постты тарқатың.

Юристке сораў бериў

Каналға ағза болың
@Xaliq_ushin