𝐒𝐚𝐡𝐢𝐡 𝐇𝐚𝐝𝐢𝐬𝐥𝐚𝐫 𝐌𝐮𝐬𝐥𝐢𝐦☪️

2023-01-09 09:52:40 #Ҳадис_498

Ибн Умар розияллоҳу анҳудан ривоят қилинади: Расулуллоҳ ﷺ дедилар: «Аллоҳ хамрни ҳам, уни ичувчини ҳам, қуювчини ҳам, сотиб олувчини ҳам, сотувчини ҳам, тайёрлатувчини ҳам, олиб келувчини ҳам, олиб келтирувчини ҳам лаънатлади».

Абу Довуд ривояти

Ибн Можанинг ривоятида: «Пулини еювчини ҳам», дейилган.

Хамр ичувчилар касал бўлса, зиёрат қилинмайди ва уларга салом берилмайди. Абдуллоҳ ибн Амр розийаллоҳу анҳу: «Хамр ичувчилар касал бўлса, зиёрат қилманглар», деганлар. Ибн Умар розийаллоҳу анҳумо: «Хамр ичувчиларга салом берманглар», деб айтганлар.

Баъзи уламолар айтган эканлар: «Уларни зиёрат қилиш ва салом бериш ман қилинганининг боиси, хамр ичувчи малъун, фосиқдир. Агар у сотиб олиб ичса, икки марта малъун, борди-ю, бошқа бировга ҳам қуйиб берса, уч маротаба малъун бўлади.

Агар тавба қилсалар, уларни зиёрат қилиш ва салом бериш жоиздир. Кимки тавба қилса, Аллоҳ унинг тавбасини қабул қилади. (Валлоҳу аълам)

  ↓Обуна бўлинг↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2023-01-06 14:11:03 #Ҳадис_497

Оиша онамиз розияллоҳу анҳодан ривоят қилинади: Расулуллоҳ ﷺ: Ёмғир ёғаётганда: “Аллоҳумма соййибан нафиъан”,
деб дуо қилардилар.

Маъноси: Аллоҳим, бу ёмғирни бизга фойдали қил.

Ибн Можа ривояти

  ↓Обуна бўлинг↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2023-01-03 07:14:31 #Ҳадис_496

Талҳа ибн Убайдуллоҳ розияллоҳу анҳудан ривоят қилинади: Расулуллоҳ ﷺ янги чиққан ойни кўрсалар: «Аллоҳумма аҳиллаҳу ъалайнаа билйумни вал иймани вассалаамати вал ислам. Роббий ва Роббукаллоҳ», деб айтардилар.

Маъноси: Эй Аллоҳим, бизга бу ойни баракотли, иймон, саломатлик ва ислом ойи қил. (Эй ҳилол!) Менинг Роббим ҳам, сенинг Роббинг ҳам Аллоҳдир.

Имом Дорамий ва Термизий ривояти

  ↓Обуна бўлинг↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2022-12-31 13:44:58 #Ҳадис_495

Абу Саъид розияллоҳу анҳудан ривоят қилинади: Расулуллоҳ ﷺ дедилар: «Албатта ўзларингиздан олдингиларнинг йўлларига қаричма-қарич, зироъма-зироъ эргашасизлар. Агар калтакесакнинг инига кирсалар уларга эргашасизлар”. Биз: “Эй Расулуллоҳ! Яҳуд ва Насоролар(ни назарда тутяпсизми)?”, дедик. У киши ﷺ: “(Улардан бошқа) ким ҳам бўларди?”, дедилар».

Бухорий ривояти

Шарҳ: Пайғамбаримиз ﷺнинг бу гаплари қариб ўн уч ярим асрдан сўнг юзага чиқди. Ўша вақтда мусулмонлар ўзларидан олдин ўтган қавмларга эргашиш қандоқ бўлишини тасаввур ҳам қила олмас эдилар. Лекин Расулуллоҳ ﷺнинг ҳадисларини ҳақиқат сифатида эшитиб қабул қилган ва таслим бўлган эдилар.

Кейинчалик эса, мусулмонлар китоб ва Суннатни маҳкам тутиб, бутун дунёга ҳоким бўлдилар. Ўзларидан олдин ўтган қавмлар, жумладан, Яҳудий, Насоро ва Форсларни ҳам ўзларига эргаштирдилар. Ўша пайтнинг энг катта икки давлати-Форс ва Рум империялари мусулмонлар қаршисида тиз чўкди. Бутун дунё мусулмонлар ортидан эргашди.

  ↓Обуна бўлинг↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2022-12-28 14:02:12 Alloh bunday kimsalarni sevmas... Ochish/sharhlash

2022-12-28 12:10:11 Biz sizlarni juft qilib yaratdik... Ochish/sharhlash

2022-12-26 11:15:48 #Ҳадис_494

Расулуллоҳ ﷺ дедилар: «Ўзини биздан бошқаларга ўхшатган киши биздан эмас»

Термизий ривояти
(Абдуллоҳ ибн Амр розияллоҳу анҳудан)

P/s: Яна бир ҳадисда Расулуллоҳ ﷺ дедилар: «Кимки ўзини бирор қавмга ўхшатса, у ўшалардандир». [Абу Довуд ривояти]

Бу ҳадислар кофирларнинг сўзларида, ишларида, либосларида, байрамларида, ибодатларида ва бизнинг шариатимизга киритилмаган, биз қабул қилмаган бошқа барча ишларида уларга ўхшаб қолишдан қаттиқ таъқиққа далолат қилади.

  ↓Обуна бўлинг↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash

2022-12-25 12:46:50 #Ҳадис_493

Расулуллоҳ ﷺ дедилар: «Шак-шубҳасиз, уч хил дуо ижобат қилингандир:

1) Мазлумнинг дуоси,
2) Мусофирнинг дуоси,
3) Отанинг фарзандига қилган дуоси»

Абу Довуд ва Термизий ривояти
(Абу Ҳурайра розияллоҳу анҳудан)

  ↓Обуна бўлинг↓
𝐓𝐞𝐥𝐞𝐠𝐫𝐚𝐦  |  𝐈𝐧𝐬𝐭𝐚𝐠𝐫𝐚𝐦 Ochish/sharhlash