КУН ҲАДИСЛАРИ Расулуллоҳ ﷺ дедилар: «Таомнинг баракаси унда | Xadislar Hadislar
КУН ҲАДИСЛАРИ Расулуллоҳ ﷺ дедилар: «Таомнинг баракаси ундан олдин (икки қўлни)ювишдир ва ундан кейин (икки қўлни)ювишдир» Имом Термизий ривояти (Салмон (р.а).дан) Расулуллоҳ ﷺ дедилар: «Кимнинг қорни очса ёки (бирон нарсага)эҳтиёж сезсаю, буни одамлардан яшириб, Аллоҳга ошкор қилса, у банда учун бир йиллик ҳалол насиба (келадиган йўл)ни очиш Аллоҳ зиммасида бўлади» Табароний ривояти (Абу Ҳурайра (р.а).дан) Расулуллоҳ ﷺ дедилар: «Кимнинг ташвиши охират бўлса, Аллоҳ унинг қалбида бойлик пайдо қилади ва хотирини жам этади. (Мол-)дунё унга судралиб келади. Кимнинг ғами дунё бўлса, Аллоҳ унинг икки кўзи олдига фақирлигини келтиради, хаёлини паришон қилади ва унга (мол-)дунёдан фақат ўзига тақдир қилинганигина етади» Имом Термизий ривояти (Анас (р.а).дан) Расулуллоҳ ﷺ дедилар: «Жам бўлиб овқат енглар. Фирқа бўлиб еманглар. Чунки барака тўпланиб еганлар билан биргадир» Ибн Можа ривояти